ಚೆನ್ನೈ: ರಜನಿಕಾಂತ್ ಅವರ ಲಾಲ್ ಸಲಾಮ್ ಬಿಡುಗಡೆಯಾದ ಮೊದಲ ಶನಿವಾರ ಬಾಕ್ಸ್ ಆಫೀಸ್ ಕಲೆಕ್ಷನ್ ನಲ್ಲಿ ಕುಸಿತ ಕಂಡಿದೆ.
ಇದನ್ನೂ ಓದಿ: ರೈತರ ‘ದೆಹಲಿ ಚಲೋ’: ಪಂಚಕುಲದಲ್ಲಿ ಸೆಕ್ಷನ್ 144 ಜಾರಿ, ಹರಿಯಾಣದ 7 ಜಿಲ್ಲೆಗಳಲ್ಲಿ ಮೊಬೈಲ್, ಇಂಟರ್‌ನೆಟ್ ಸ್ಥಗಿತ
ಜೈಲರ್ ಚಿತ್ರದಲ್ಲಿನ ತಮ್ಮ ಅಭಿನಯದ ಮೂಲಕ ಅಭಿಮಾನಿಗಳನ್ನು ಸೆಳೆದ ನಂತರ, ರಜನಿಕಾಂತ್ ಅವರು ತಮ್ಮ ಇತ್ತೀಚಿನ ಬಿಡುಗಡೆಯಾದ ಲಾಲ್ ಸಲಾಂ ಮೂಲಕ ಪ್ರೇಕ್ಷಕರನ್ನು ರಂಜಿಸಲು ಮರಳಿದ್ದಾರೆ. ಆದಾಗ್ಯೂ, ಜೈಲರ್‌ಗಿಂತ ಭಿನ್ನವಾಗಿ, ಚಿತ್ರವು ಗಲ್ಲಾಪೆಟ್ಟಿಗೆಯಲ್ಲಿ ನಿಧಾನಗತಿಯ ಪ್ರಾರಂಭವನ್ನು ಹೊಂದಿತ್ತು. ಈಗ ಅದರ ಮೊದಲ ಶನಿವಾರದಂದು ಕುಸಿತ ಕಂಡಿದೆ.
ಮೂಲಗಳ ಪ್ರಕಾರ, ಲಾಲ್ ಸಲಾಮ್ 2 ದಿನದಲ್ಲಿ ಕೇವಲ 3 ಕೋಟಿ ರೂಪಾಯಿ ಸಂಗ್ರಹಿಸಿದೆ. ಚಿತ್ರವು ತನ್ನ ಮೊದಲ ಶನಿವಾರದಂದು ಕಲೆಕ್ಷನ್‌ನಲ್ಲಿ ಕುಸಿತ ಕಂಡಿದೆ. 1 ನೇ ದಿನದಂದು, ಚಿತ್ರವು 3.55 ಕೋಟಿ ರೂಪಾಯಿಗಳನ್ನು ಸಂಗ್ರಹಿಸುವ ಮೂಲಕ ನಿಧಾನವಾಗಿ ಪ್ರಾರಂಭವಾಯಿತು. ಅಂದಹಾಗೆ, ಚಿತ್ರ ಬಿಡುಗಡೆಯಾದ ಎರಡು ದಿನಗಳಲ್ಲಿ ಒಟ್ಟು 6.55 ಕೋಟಿ ರೂ.ಬಂದಿದೆ.
ರಜನಿ ಅವರ ಹಿಂದಿನ ಚಿತ್ರಗಳ ಬಿಡುಗಡೆಗೆ ಹೋಲಿಸಿದರೆ ಲಾಲ್ ಸಲಾಮ್ ಗಳಿಕೆಯಲ್ಲಿ ವಿಫಲವಾಗಿದೆ. ಚಿತ್ರವು ಎರಡನೇ ದಿನ ತಮಿಳು ನಾಡಿನಲ್ಲಿ ಶೇ.25ರಷ್ಟು ಥಿಯೇಟರ್ಗಳಲ್ಲಿ ಆಕ್ರಮಿಸಿಕೊಂಡಿದ್ದರೆ, ಆಂಧ್ರದಲ್ಲಿ ತೆಲುಗು ಅವತರಣಿಕೆ ಶೇ. 15.49 ರಷ್ಟು ಕಡೆ ಪ್ರದರ್ಶನ ಕಾಣುತ್ತಿದೆ.
ಲಾಲ್ ಸಲಾಮ್ ನಲ್ಲಿ ವಿಷ್ಣು ವಿಶಾಲ್ ಮತ್ತು ವಿಕ್ರಾಂತ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ, ಫೆ. 9 ರಂದು ಬಿಡುಗಡೆಯಾಗಿದ್ದು, ರಜನಿಕಾಂತ್ ಅವರ ಪುತ್ರಿ ಐಶ್ವರ್ಯಾ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.