ಚೆನ್ನೈ: ರಜನಿಕಾಂತ್ ಸದ್ಯದಲ್ಲೇ ಅಮೆರಿಕಾಗೆ ಪ್ರಯಾಣ ಬೆಳೆಸಲಿದ್ದಾರೆ. ಕೋವಿಡ್ನಿಂದ ಅಂತಾರಾಷ್ಟ್ರೀಯ ಫ್ಲೈಟ್ಗಳೆಲ್ಲ ರದ್ದಾಗಿರುವ ಹಿನ್ನೆಲೆಯಲ್ಲಿ ರಜನಿಕಾಂತ್ ಮಾತ್ರ ಹೇಗೆ ಹೋಗುವುದಕ್ಕೆ ಸಾಧ್ಯ ಎಂಬ ಪ್ರಶ್ನೆ ಬರುವುದು ಸಹಜ. ಈ ವಿಷಯವಾಗಿ ಕೇಂದ್ರ ಸರ್ಕಾರಕ್ಕೆ ಮನವಿ ಸಲ್ಲಿಸಿರುವ ಅವರು, ವಿಶೇಷ ಅನುಮತಿ ಪಡೆದುಕೊಂಡಿದ್ದಾರಂತೆ. ಅಷ್ಟೇ ಅಲ್ಲ, ವಿಶೇಷ ಚಾರ್ಟರ್ಡ್ ಫ್ಲೈಟ್ ಮೂಲಕ ಸದ್ಯದಲ್ಲೇ ಪ್ರಯಾಣ ಬೆಳೆಸಲಿದ್ದಾರೆ.
ಇದನ್ನೂ ಓದಿ: ಇದು ಯಾವುದೋ ಪ್ರತಿಮೆಯಲ್ಲ; ಮಣ್ಣು ಮೆತ್ತುಕೊಂಡಿರುವ ಈ ನಟಿ ಯಾರೆಂದು ಗುರುತಿಸಿ..
ಇಷ್ಟಕ್ಕೂ ರಜನಿಕಾಂತ್ ತುರ್ತಾಗಿ ಅಮೆರಿಕಾಗೆ ಹೋಗುತ್ತಿರುವುದಕ್ಕೂ ಕಾರಣವಿದೆ. 2016ರಲ್ಲಿ ರಜನಿಕಾಂತ್ ಅವರು ಅಮೆರಿಕಾದಲ್ಲಿ ಕಿಡ್ನಿ ಕಸಿ ಮಾಡಿಸಿಕೊಂಡಿದ್ದರು. ಈ ಸಂಬಂಧ ತಪಾಸಣೆಗೆ ಅವರು ಅಮೆರಿಕಾಗೆ ಹೋಗಲಿದ್ದಾರಂತೆ.
ಎಲ್ಲ ಅಂದುಕೊಂಡಂತೆ ಆಗಿದ್ದರೆ, ಕೆಲವು ತಿಂಗಳುಗಳ ಹಿಂದೆಯೇ ಅವರು ಚಿಕಿತ್ಸೆಗೆ ಹೋಗಬೇಕಿತ್ತಂತೆ. ಆದರೆ, ‘ಅಣ್ಣಾತ್ತೆ’ ಚಿತ್ರೀಕರಣ ಇದ್ದುದರಿಂದ ಅದು ಸಾಧ್ಯವಾಗಿಲ್ಲ. ಅದು ಮುಗಿದ ತಕ್ಷಣ, ಕರೊನಾ ಎರಡನೆಯ ಅಲೆ ಪ್ರಾರಂಭವಾಗಿದೆ. ಈ ಸಮಯದಲ್ಲಿ ಅವರು ಚೆನ್ನೈನಲ್ಲೇ ಇದ್ದರು. ಎರಡನೆಯ ಅಲೆ ಕಡಿಮೆಯಾದ ಮೇಲೆ ಹೋದರಾಯಿತು ಎಂದು ಸುಮ್ಮನಿದ್ದರು. ಈ ಮಧ್ಯೆ, ಅವರ ಆರೋಗ್ಯದಲ್ಲಿ ಕೆಲವು ವ್ಯತ್ಯಾಸಗಳಾದ ಕಾರಣ, ಕೇಂದ್ರ ಸರ್ಕಾರದಿಂದ ವಿಶೇಷ ಅನುಮತಿ ಪಡೆದು ಅಮೆರಿಕಾಗೆ ಹೋಗಲಿದ್ದಾರೆ.
ಇದನ್ನೂ ಓದಿ: ಅಕ್ಷಯ್ ಕುಮಾರ್ ‘ಬೆಲ್ಬಾಟಂ’ ಸಿನಿಮಾ ಚಿತ್ರಮಂದಿರಕ್ಕೆ ಬರಲು ರೆಡಿ; ಇಲ್ಲಿದೆ ನೂತನ ಬಿಡುಗಡೆ ದಿನಾಂಕ
ರಜನಿಕಾಂತ್ ಅವರ ಅಳಿಯ ಧನುಶ್ ಸದ್ಯ ಅಮೆರಿಕಾದಲ್ಲಿ ಹಾಲಿವುಡ್ ಚಿತ್ರವೊಂದರ ಚಿತ್ರೀಕರಣದಲ್ಲಿ ಭಾಗವಹಿಸುತ್ತಿದ್ದು, ಅವರು ರಜನಿಕಾಂತ್ಗೆ ಜತೆಯಾಗಲಿದ್ದಾರೆ. ಚಿಕಿತ್ಸೆ ಮುಗಿದ ಮೇಲೆ ಮಾವ-ಅಳಿಯ ಇಬ್ಬರೂ ಒಟ್ಟಿಗೆ ಭಾರತಕ್ಕೆ ವಾಪಸ್ಸಾಗುವ ಸಾಧ್ಯತೆ ಇದೆ.