ಎಲ್ಲರಿಗೂ ಗೊತ್ತಿರುವಂತೆ, ಬಾಲಿವುಡ್ನಲ್ಲಿ ಪಾಪರಾಜಿಗಳ ಕಾಟ ಜಾಸ್ತಿ ಇದೆ. ಮುಂಬೈನಲ್ಲಿ ಸೆಲೆಬ್ರಿಟಿಗಳು ಎಲ್ಲೇ ಓಡಾಡಲಿ, ಅವರ ಹಿಂದೆ ಓಡಾಡುವ ಪಾಪರಾಜಿಗಳು ಫೋಟೋ ತೆಗೆದು, ಸುದ್ದಿ ಮಾಡುತ್ತಿದ್ದಾರೆ. ಇದರಿಂದ ಕೆಲವು ಸೆಲೆಬ್ರಿಟಿಗಳು ಸಾಕಷ್ಟು ಪ್ರಚಾರ ಪಡೆದುಕೊಂಡರೆ, ಇನ್ನೂ ಕೆಲವರು ಸಾಕಷ್ಟು ಮುಜುಗರ ಪಟ್ಟಿದ್ದಾರೆ. ರಾಜ್ ಕುಂದ್ರಾ ಹೆಸರು ಬ್ಲೂಫಿಲಂ ಕೇಸ್ನಲ್ಲಿ ಕೇಳಿಬಂದಿತ್ತು. ಈ ವಿಷಯವಾಗಿ ಅವರು ಒಂದಿಷ್ಟು ಜೈಲುವಾಸ ಸಹ ಅನುಭವಿಸಿ ಹೊರಬಂದಿದ್ದಾರೆ. ರಾಜ್ ಹೋದಲ್ಲಿ ಬಂದಲ್ಲಿ ಪಾಪರಾಜಿಗಳು ಮುತ್ತಿಕೊಳ್ಳುವ ಕಾರಣ, ಅವರು ಮಾಸ್ಕ್ ಹಾಕುವುದನ್ನು ರೂಢಿ ಮಾಡಿಕೊಂಡಿದ್ದಾರೆ. ಯಾರೂ ತನ್ನನ್ನು ಗುರುತು ಹಿಡಿಯಬಾರದು ಎಂಬ ಕಾರಣಕ್ಕೆ ತರಹೇವಾರಿ ಮಾಸ್ಕ್ಗಳನ್ನು ಧರಿಸುವುದಕ್ಕೆ ಮುಂದಾಗಿದ್ದಾರಂತೆ.
