ಮುಂಬೈ: ಅಶ್ಲೀಲತೆಗೆ ಸಂಬಂಧಿಸಿದ ಪ್ರಕರಣದಲ್ಲಿ ಬಂಧನವಾಗಿ ಜೈಲಿನಲ್ಲಿದ್ದರೂ ಮಾಧ್ಯಮಗಳ ಕಣ್ಣಲ್ಲಿ ಬೆತ್ತಲಾಗಿದ್ದೆ ಎಂದು ಉದ್ಯಮಿ ಮತ್ತು ನಟಿ ಶಿಲ್ಪಾ ಶೆಟ್ಟಿ ಅವರ ಪತಿ ರಾಜ್ ಕುಂದ್ರಾ ಅಭಿಪ್ರಾಯಪಟ್ಟಿದ್ದರು.
ಅಂತೆಯೇ ಮಾಧ್ಯಮಗಳಿಗೆ ಮುಖ ತೋರಿಸ ಬಾರದೆಂದು ವಿಭಿನ್ನ ಮಾಸ್ಕ್ಗಳನ್ನ ಧರಿಸಿದ ಸಾಕಷ್ಟು ವಿಡಿಯೋಗಳು ವೈರಲ್ ಆಗಿದ್ದವು.
ಇತ್ತೀಚೆಗೆ ಅವರು ಜಾಮೀನು ಪಡೆದು ಹೊರಬಂದಿದ್ದರೂ, ಸಾರ್ವಜನಿಕವಾಗಿ ಹೆಚ್ಚಾಗಿ ಕಾಣಿಸಿಕೊಂಡಿರಲಿಲ್ಲ.
ಆದರೆ ಜೈಲಿನಲ್ಲಿನ ತನ್ನ ಅನುಭವವನ್ನು ವಿವರಿಸಿದ ರಾಜ್ಕುಂದ್ರಾ, ಈ ಘಟನೆಯಿಂದ ತನಗೆ ನೋವಾಗಿದೆ ಮತ್ತು ಅವಮಾನವಾಗಿದೆ ಎಂದು ತಿಳಿಸಿದರು.ಇದೇ ಹಿನ್ನಲೆಯಲ್ಲಿ ಸತ್ಯದ ಅರಿವು ಜನರಿಗೆ ಆಗೋ ವರೆಗೂ ನಾನು ಯಾರಿಗೂ ಮುಖ ತೋರಿಸುವುದಿಲ್ಲ ಎಂದು ಮಾಸ್ಕ್ಗಳನ್ನ ಧರಿಸುತ್ತಲೇ ಇದ್ದಾರೆ. ಇದೀಗ ರಾಜ್ ಕುಂದ್ರಾ ಅವರು ಹ್ಯಾಲೋವೀನ್ಗಾಗಿ ಧರಿಸಿರುವ ಮಾಸ್ಕ್ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ವೈರಲ್ ಭಯಾನಿ ಅವರು ಹಂಚಿಕೊಂಡ ವೀಡಿಯೊದಲ್ಲಿ, ಅವರು ಸ್ಪೂಕಿ ಮುಖವಾಡವನ್ನು ಧರಿಸಿ ಕ್ಲಬ್‌ನಿಂದ ಹೊರಬರುವುದನ್ನು ಕಾಣಬಹುದು. ರಾಜ್ ಕುಂದ್ರಾ ಹ್ಯಾಲೋವೀನ್ ಈವೆಂಟ್‌ನಲ್ಲಿ ಶಟರ್‌ಬಗ್‌ಗಳಿಗೆ ಆತ್ಮವಿಶ್ವಾಸದಿಂದ ಪೋಸ್ ನೀಡುತ್ತಿರುವುದನ್ನು ಕಾಣಬಹುದು.
ಇತ್ತೀಚಿನ ಸಂದರ್ಶನವೊಂದರಲ್ಲಿ, ರಾಜ್ ಅವರು ‘ಪೋರ್ನ್ ಕಿಂಗ್’ ಎಂದು ಕರೆಯಲ್ಪಡುವ ಬಗ್ಗೆ ಪ್ರತಿಕ್ರಿಯಿಸಿದ್ದಾರೆ ಮತ್ತು ಅಂತಹ ಕಾಮೆಂಟ್ಗಳನ್ನು ಓದಿದಾಗ ಅದು ನನಗೆ ತುಂಬಾ ನೋವನ್ನ ಉಂಟು ಮಾಡುತ್ತೆ ಎಂದೂ ಹೇಳಿಕೊಂಡಿದ್ದರು.
ಇನ್ನು ರಾಜ್ ಕುಂದ್ರಾ ಅವರ ಸಿನಿಮಾ UT69 ಇನ್ನೇನು ಬಿಡುಗಡೆಯಾಗ ಬೇಕಿದೆ ಆದ್ರೆ ಬಿಡುಗಡೆಗೂ ಮುನ್ನವೇವ ಈ ಚಿತ್ರವನ್ನ ಬಹಿಷ್ಕರಿಸುವಂತೆ ಸೋಶಿಯಲ್ ಮೀಡಿಯಾದಲ್ಲಿ ಟ್ವೀಟ್ಗಳನ್ನ ಮಾಡಲಾಗುತ್ತಿದೆ.
ನೆಟ್ಟಿಗರೊಬ್ಬರು “ಈ ವ್ಯಕ್ತಿ ಮಹಿಳೆಯ ಘನತೆಗೆ ಅವಮಾನ ಮಾಡಿದ ರೀತಿಯಲ್ಲಿ, ಅವರ ಚಲನಚಿತ್ರವನ್ನು ನಿಷೇಧಿಸಬೇಕು. ಈ ಸಿನಿಮಾವನ್ನು ಬಹಿಷ್ಕರಿಸಿ” ಎಂದು ಟ್ವೀಟ್‌ನಲ್ಲಿ ಬರೆದಿದ್ದಾರೆ.