ರಾಮಕೃಷ್ಣ ಆಶ್ರಮದಲ್ಲಿ ಬಾಲಕನ ಮೇಲೆ ಸ್ವಾಮೀಜಿ ಹಲ್ಲೆ: ಬಂಧನ

ರಾಯಚೂರು: ಇಲ್ಲಿಯ ಸ್ಟೇಷನ್ ರಸ್ತೆಯ ಉದಯ ನಗರದಲ್ಲಿರುವ ರಾಮಕೃಷ್ಣ ವಿವೇಕಾನಂದ ಆಶ್ರಮದಲ್ಲಿ ಬಾಲಕನ ಮೇಲೆ ಅಲ್ಲಿನ ಸ್ವಾಮೀಜಿ ಮಾರಣಾಂತಿಕ ಹಲ್ಲೆ ನಡೆಸಿದ್ದಾರೆ.

ಆಶ್ರಮ ನಡೆಸುತ್ತಿರುವ ಮತ್ತು ಸ್ವಾಮೀಜಿ ಎಂದು ಕರೆಯಿಸಿಕೊಳ್ಳುವ ಪಿ.ವೇಣುಗೋಪಾಲ ಅವರು ಮಕ್ಕಳನ್ನು ಸೇರಿಸಿಕೊಳ್ಳುವಾಗ ‘ನಾವು ಇಲ್ಲಿ ಚೆನ್ನಾಗಿ ನೋಡಿಕೊಳ್ಳುತ್ತೇವೆ’ ಎಂದು ಹೇಳಿದ್ದರು. ಆದರೆ, ನಮ್ಮಿಂದ ಕೆಲಸಗಳನ್ನು ಮಾಡಿಸುತ್ತಿದ್ದ ಎಂಬುದು ಅಲ್ಲಿನ ಮಕ್ಕಳ ಆರೋಪ. ಬಡತನ ಕಾರಣ ಒಂಬತ್ತು ವರ್ಷದ ಬಾಲಕನನ್ನು ಆಶ್ರಮದಲ್ಲಿ ಬಿಡಲಾಗಿತ್ತು.

ಇದನ್ನೂ ಓದಿ: ಪೊಲೀಸರಿಗೆ ಹಲ್ಲೆಗೈದ ಆರೋಪಿ ಪರಾರಿಗೆ ಯತ್ನ! ಕಾಲಿಗೆ ಗುಂಡು ಹಾರಿಸಿ ಸೆರೆಹಿಡಿದ ಖಾಕಿ ಪಡೆ

ಜು.28ರಂದು ಆ ಬಾಲಕನನ್ನು ಮನಬಂದಂತೆ ಥಳಿಸಿ, ಕಣ್ಣು-ದೇಹದ ಇತರ ಭಾಗಗಳನ್ನು ವೇಣುಗೋಪಾಲ ಗಾಯಗೊಳಿಸಿದ್ದಾರೆ. ಹಲ್ಲೆಯಿಂದ ಬಾಲಕನ ಕಣ್ಣು ಊದಿಕೊಂಡಿದ್ದು, ಮೈಮೇಲೆ ಗಂಭೀರ ಗಾಯಗಳಾಗಿವೆ. ಪೆನ್ನನ್ನು ಬಚ್ಚಿಟ್ಟಿದ್ದರಿಂದ ಬಂದು ಹೊಡೆದ ಎಂದು ಹಲ್ಲೆಗೊಳಗಾದ ಬಾಲಕ ಹೇಳುತ್ತಿದ್ದಾನೆ. ಆಶ್ರಮದಲ್ಲಿ 12 ಮಕ್ಕಳಿದ್ದು, ಎಲ್ಲರಿಗೂ ಹೊಡೆಯುವುದು, ಅವರಿಂದ ಕೆಲಸಗಳನ್ನು ಮಾಡಿಸಿಕೊಳ್ಳುವುದು, ಬಟ್ಟೆ ತೊಳೆಸಿಕೊಳ್ಳುವುದು, ಬೆಳಗ್ಗೆ ಮಕ್ಕಳನ್ನು ಕಾಲಿನಿಂದ ಒದ್ದು ಎಬ್ಬಿಸುತ್ತಿದ್ದ ಎಂದು ಮಕ್ಕಳು ತಿಳಿಸಿದ್ದಾರೆ.

ಇದನ್ನೂ ಓದಿ: ಹುಬ್ಬಳ್ಳಿ ರಾಮಕೃಷ್ಣ ವಿವೇಕಾನಂದ ಆಶ್ರಮದಲ್ಲಿ ಶರನ್ನವರಾತ್ರಿ ಉತ್ಸವ

ಈ ಕುರಿತು ಪಶ್ಚಿಮ ಠಾಣೆಗೆ ಮಗುವಿನ ತಾಯಿ ದೂರು ಸಲ್ಲಿಸಿದ್ದು, ಪೊಲೀಸರು ಎ್ಐಆರ್ ದಾಖಲಿಸಿದ್ದಾರೆ. ಆರೋಪಿ ವೇಣುಗೋಪಾಲನನ್ನು ಬಾಲಾಪರಾಧ ನ್ಯಾಯ ಕಾಯ್ದೆ ಅಡಿಯಲ್ಲಿ ಬಂಧಿಸಲಾಗಿದೆ. ಆಶ್ರಮದಲ್ಲಿ ಮಕ್ಕಳನ್ನು ಸೇರಿಸಿಕೊಳ್ಳಲು ಯಾವುದೇ ಪರವಾನಗಿ ಪಡೆದಿಲ್ಲ ಮತ್ತು ನಿಯಮಬಾಹಿರವಾಗಿ ಮಕ್ಕಳನ್ನು ಆಶ್ರಮಕ್ಕೆ ಸೇರಿಸಿಕೊಳ್ಳಲಾಗಿತ್ತು ಎಂದು ಹೇಳಲಾಗಿದೆ. ಆಶ್ರಮದಲ್ಲಿದ್ದ ಮಕ್ಕಳನ್ನು ಬಾಲಭವನಕ್ಕೆ ಸ್ಥಳಾಂತರಿಸಲಾಗಿದೆ.