ಪ್ಯಾನ್​ ಇಂಡಿಯಾ ಸಿನಿಮಾಗಳ ಹಣಗಳಿಕೆಯ ವರದಿ ಬಗ್ಗೆ ಗಂಭೀರ ಆರೋಪ ಮಾಡಿದ ನಟ ಸಿದ್ಧಾರ್ಥ್​!

ಹೈದರಾಬಾದ್​: ಇತ್ತೀಚೆಗೆ ಪ್ಯಾನ್​ ಇಂಡಿಯಾ ಸಿನಿಮಾಗಳ ಭರಾಟೆ ಜೋರಾಗಿದೆ. ಸ್ಯಾಂಡಲ್​ವುಡ್​ನಲ್ಲಿ ಕೆಜಿಎಫ್​ ನಂತರ ಅನೇಕ ಚಿತ್ರಗಳು ಪ್ಯಾನ್​ ಇಂಡಿಯಾ ಕಲ್ಪನೆಯಲ್ಲಿ ಸಿದ್ಧವಾಗುತ್ತಿವೆ. ಬಾಲಿವುಡ್​, ಟಾಲಿವುಡ್​, ಕಾಲಿವುಡ್​ ಹಾಗೂ ಮಾಲಿವುಡ್​ನಲ್ಲೂ ಸಾಕಷ್ಟು ಪ್ಯಾನ್​ ಇಂಡಿಯಾ ಸಿನಿಮಾಗಳು ತಯಾರಾಗುತ್ತಿವೆ. ಆದರೆ, ಕೆಲ ನಿರ್ಮಾಪಕರು ತಮ್ಮ ಚಿತ್ರವನ್ನು ಪ್ರಚಾರ ಮಾಡಿಕೊಳ್ಳಲು ಹಣಗಳಿಕೆಯ ಬಗ್ಗೆ ನಕಲಿ ವರದಿಯನ್ನು ನೀಡುತ್ತಿದ್ದಾರೆ ಎಂದು ನಟ ಸಿದ್ಧಾರ್ಥ್​ ಆರೋಪ ಮಾಡಿದ್ದು, ಕೆಲವರಿಗೆ ನೇರವಾಗಿಯೇ ಪ್ರಶ್ನೆ ಕೇಳಿದ್ದಾರೆ.

ಸದ್ಯ ಪ್ಯಾನ್ ಇಂಡಿಯಾ ಸಿನಿಮಾ ಹಣಗಳಿಕೆಯ ಬಗ್ಗೆ ಸಿದ್ಧಾರ್ಥ್ ಮಾಡಿರುವ ಟ್ವೀಟ್ ಸಂಚಲನ ಮೂಡಿಸುತ್ತಿದೆ. ಇತ್ತೀಚಿನ ದಿನಗಳಲ್ಲಿ ಸಿನಿಮಾ ಹಣಗಳಿಕೆಯ ವರದಿಯನ್ನು ನಕಲಿ ಮಾಡಲು ಎಷ್ಟು ಕಮಿಷನ್ ತೆಗೆದುಕೊಳ್ಳಲಾಗುತ್ತಿದೆ? ಸಾಕಷ್ಟು ದಿನಗಳಿಂದ ನಿರ್ಮಾಪಕರು ಬಾಕ್ಸ್​ಆಫೀಸ್​ನ ನಕಲಿ ವರದಿಯನ್ನು ಸಿದ್ಧಪಡಿಸುತ್ತಿದ್ದಾರೆ. ಪ್ಯಾನ್​ ಇಂಡಿಯಾದ ಪ್ರಾಮಾಣಿಕತೆ ಏನಿದೆ? ಇತ್ತೀಚಿನ ದಿನಗಳಲ್ಲಿ ವ್ಯಾಪಾರ ಸಮುದಾಯ ಮತ್ತು ಮಾಧ್ಯಮಗಳು ಕೂಡ ತಮ್ಮ ಅಧಿಕೃತ ಅಂಕಿಅಂಶಗಳನ್ನು ಪ್ರಾರಂಭಿಸಿವೆ. ಎಲ್ಲ ಭಾಷೆಗಳು, ಎಲ್ಲ ಇಂಡಸ್ಟ್ರಿಗಳು ಒಂದೇ ಎನ್ನುವ ಮೂಲಕ ಪ್ಯಾನ್​ ಇಂಡಿಯಾ ಎಂಬುದು ಅಪ್ರಾಮಾಣಿಕತೆ ಎಂದು ಸಿದ್ಧಾರ್ಥ್​ ಟ್ವೀಟ್​ ಮಾಡಿದ್ದಾರೆ.

ಸಿದ್ಧಾರ್ಥ್​ ಟ್ವೀಟ್​ ಇದೀಗ ಭಾರೀ ಚರ್ಚೆಗೆ ಗ್ರಾಸವಾಗಿದೆ. ಪ್ಯಾನ್​ ಇಂಡಿಯಾ ಸಿನಿಮಾಗಳ ಬಾಕ್ಸ್​ಆಫೀಸ್​ ವರದಿ ನಕಲಿ ಎಂದು ನೇರವಾಗಿಯೇ ಹೇಳಿದ್ದಾರೆ. ಅಧಿಕೃತ ಅಂಕಿ-ಅಂಶಗಳನ್ನು ಮರೆಮಾಚುತ್ತಿದ್ದಾರೆ. ನಕಲಿ ವರದಿಯ ಮೂಲಕ ಚಿತ್ರದ ಪ್ರಚಾರ ಮಾಡುವ ದುರುದ್ದೇಶವಿದೆ ಎನ್ನುವ ಮೂಲಕ ಸಿದ್ಧಾರ್ಥ್​ ಪರೋಕ್ಷವಾಗಿ ಪ್ಯಾನ್​ ಇಂಡಿಯಾ ಸಿನಿಮಾಗಳ ಪ್ರಾಮಾಣಿಕತೆಯನ್ನು ಪ್ರಶ್ನೆ ಮಾಡಿದ್ದಾರೆ. (ಏಜೆನ್ಸೀಸ್​)

https://www.vijayavani.net/s-newborn-found-murdered-in-kerala-canal-mother-and-lover-arrested/

https://www.vijayavani.net/r-rajasthan-rti-activists-legs-pierced-with-nails-after-complaint-on-illegal-liquor-sale/

https://www.vijayavani.net/r-kim-jong-un-executed-7-in-3-years-for-watching-south-korean-videos-claims-rights-group/

https://www.vijayavani.net/s-revenue-minister-tops-list-of-madhya-pradesh-electricity-bill-defaulters/