ನವದೆಹಲಿ: ಮಹಿಳೆಯೊಬ್ಬರ ಕಿವಿಯೊಳಗೆ ಸೇರಿದ ಸಣ್ಣ ಹಾವೊಂದು ಹೊರಬರಲಾರದೇ ಕಿವಿಯಲ್ಲಿ ಸಿಲುಕಿಕೊಂಡಿರುವ ಮತ್ತು ಅದನ್ನು ಹೊರತೆಗೆಯಲು ವೈದ್ಯರೊಬ್ಬರು ಹರಸಾಹಸ ಪಡುತ್ತಿರುವ ಆಘಾತಕಾರಿ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ವಿಡಿಯೋದಲ್ಲಿ ಏನಿದೆ?
ವೈದ್ಯರೊಬ್ಬರು ತಮ್ಮ ಕೈಗೆ ಗ್ಲೌಸ್ ಹಾಕಿಕೊಂಡು ರೋಗಿಯ ಕಿವಿಯಿಂದ ಸಣ್ಣ ಹಾವನ್ನು ಹೊರತೆಗೆಯುತ್ತಿದ್ದು, ಹಾವು ಹೊರಗಡೆ ಬರಲಾಗದೇ ಅಲ್ಲಿಯೇ ಸಿಲುಕಿರುವ ದೃಶ್ಯ ವಿಡಿಯೋದಲ್ಲಿದೆ.
ವಿಡಿಯೋದ ಸ್ಥಳ ಮತ್ತು ಸಮಯದ ಬಗ್ಗೆ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ. ಆದರೆ, ವಿಡಿಯೋ ಮಾತ್ರ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ. ಹಾವನ್ನು ಹೊರ ತೆಗೆಯಲು ವೈದ್ಯರು ತಮಗೆ ಗೊತ್ತಿರುವ ಎಲ್ಲ ಪ್ರಯತ್ನ ಮಾಡಿರುವುದು ವಿಡಿಯೋದಲ್ಲಿ ಗೋಚರವಾಗುತ್ತದೆ. ಆದರೆ, ಹಾವನ್ನು ಹೊರಗೆ ತೆಗೆಯಲಾಯಿತೋ? ಇಲ್ಲವೋ? ಎಂಬ ಮಾಹಿತಿ ವಿಡಿಯೋದ ಕೊನೆಯಲ್ಲಿ ಇಲ್ಲ. ಆದರೂ ಈ ಅನುಮಾನಾಸ್ಪದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ನೆಟ್ಟಿಗರ ಗಮನ ಸೆಳೆದಿದೆ.
ಚಂದನ್ ಸಿಂಗ್ ಹೆಸರಿನ ಫೇಸ್ಬುಕ್ ಬಳಕೆದಾರ ತಮ್ಮ ಫೇಸ್ಬುಕ್ ಪೇಜ್ನಲ್ಲಿ, “ಕಿವಿಯೊಳಗೆ ನುಸುಳಿದ ಹಾವು” ಎಂಬ ಅಡಿಬರಹದೊಂದಿಗೆ ವಿಡಿಯೋವನ್ನು ಪೋಸ್ಟ್ ಮಾಡಿದ್ದಾರೆ. ಇದುವರೆಗೂ 1.42 ಲಕ್ಷಕ್ಕೂ ಅಧಿಕ ಮಂದಿ ವಿಡಿಯೋ ವೀಕ್ಷಣೆ ಮಾಡಿದ್ದು, ನೂರಾರು ಮಂದಿ ಕಾಮೆಂಟ್ ಮಾಡಿದ್ದಾರೆ. ವಿಡಿಯೋ ನೋಡಿ ಭಯಗೊಂಡಿದ್ದಾಗಿ ಅನೇಕ ನೆಟ್ಟಿಗರು ತಮ್ಮ ಅಭಿಪ್ರಾಯ ಹೊರಹಾಕಿದ್ದಾರೆ.
ಹಾವನ್ನು ಹೇಗೆ ಹೊರಗಡೆ ತೆಗೆಯಲಾಯಿತು ಎಂಬುದನ್ನು ತಿಳಿಸುವ ಸಂಪೂರ್ಣ ವಿಡಿಯೋವನ್ನು ಪೋಸ್ಟ್ ಮಾಡುವಂತೆ ಕೆಲವರು ಕಾಮೆಂಟ್ನಲ್ಲಿ ಕೇಳಿಕೊಂಡಿದ್ದಾರೆ. ಇನ್ನು ಕೆಲವರು ಇದು ನಕಲಿ ವಿಡಿಯೋ ಎಂದಿದ್ದಾರೆ. ವ್ಯೂವ್ಸ್ಗಾಗಿ ತಪ್ಪು ವಿಡಿಯೋವನ್ನು ಪೋಸ್ಟ್ ಮಾಡಿದ್ದಾರೆ ಎಂದು ಜರಿದಿದ್ದಾರೆ.
ಗ್ರಹದ ಮೇಲಿನ ಮಾರಣಾಂತಿಕ ಮತ್ತು ಅತ್ಯಂತ ವಿಷಕಾರಿ ಪ್ರಾಣಿಗಳಲ್ಲಿ ಹಾವು ಕೂಡ ಒಂದು. ವಿಶ್ವ ಆರೋಗ್ಯ ಸಂಸ್ಥೆಯ ಸಂಶೋಧನೆಯ ಪ್ರಕಾರ ಪ್ರತಿ ವರ್ಷ ಹಾವು ಕಡಿದು 81 ರಿಂದ 1,38,000 ಮಂದಿ ಸಾವಿಗೀಡಾಗುತ್ತಾರೆ. (ಏಜೆನ್ಸೀಸ್)
VIDEO| ತರಗತಿಯೊಳಗೆ ಹುಡುಗರ ಎದುರೇ ಐಟಂ ಸಾಂಗ್ಗೆ ಹಾಟ್ ಆಗಿ ಸೊಂಟ ಬಳುಕಿಸಿದ ವಿದ್ಯಾರ್ಥಿನಿ!
ಕಚೇರಿಯಲ್ಲಿ ಎಲ್ರೂ ಮಾಡೋದು ಅದೇ ಕೆಲ್ಸ, ಭೇದಭಾವ ಸಹಿಸಲು ಆಗ್ತಿಲ್ಲ… ಡೆತ್ನೋಟ್ ಬರೆದಿಟ್ಟು ಆತ್ಮಹತ್ಯೆ!
ಪುನಃ ಅಜ್ಜನಾದ ಖುಷಿಯಲ್ಲಿ ಸೂಪರ್ ಸ್ಟಾರ್ ರಜನಿಕಾಂತ್; ಸಂತಸ ಹಂಚಿಕೊಂಡ ಪುತ್ರಿ