ಹೈದರಾಬಾದ್: ನಟಿ ಸಮಂತಾ ಅವರು ಡಿವೋರ್ಸ್ ನಂತರ ನಟಿ ಅಮಲಾ ಪೌಲ್ ಅವರ ಹಾದಿಯನ್ನೇ ಹಿಡಿದಿದ್ದಾರೆ. ಅಮಲಾ ಅವರು ನಿರ್ದೇಶಕ ಎ.ಎಲ್. ವಿಜಯ್ ಜತೆ ಸಪ್ತಪದಿ ತುಳಿದು ಕೆಲವೇ ವರ್ಷಗಳಲ್ಲಿ ವಿಚ್ಛೇದನ ಪಡೆದುಕೊಂಡರು. ಅದಾದ ಬಳಿಕ ಸಿನಿಮಾ ರಂಗಕ್ಕೆ ಮರು ಪ್ರವೇಶ ಪಡೆದ ಅಮಲಾ, ತಮ್ಮ ಮೇಲಿನ ಗಮನ ಸೆಳೆಯಲು ಹಾಟ್ ಫೋಟೋಶೂಟ್ ಮೊರೆ ಹೋದರು. ಅಲ್ಲದೆ, ಸಿನಿಮಾಗಳಲ್ಲಿ ಬೋಲ್ಡ್ ಸೀನ್ಗಳಲ್ಲಿ ಕಾಣಿಸಿಕೊಂಡರು. ಈಗಲೂ ಸಹ ಗ್ಲಾಮರಸ್ ಫೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಡುವ ಮೂಲಕ ಪಡ್ಡೆ ಹುಡುಗರ ಮೈ ಬಿಸಿಯೇರಿಸುತ್ತಿರುತ್ತಾರೆ.
ಇದೀಗ ಸಮಂತಾ ಕೂಡ ಅದೇ ಹಾದಿಯನ್ನೇ ಹಿಡಿದಿದ್ದಾರೆ. ಇತ್ತೀಚೆಗಷ್ಟೇ ಸಮಂತಾ ಅವರು ನಟ ನಾಗಚೈತನ್ಯರೊಂದಿಗೆ ಡಿವೋರ್ಸ್ ಪಡೆದಿದ್ದಾರೆ. ಅದರ ಬೆನ್ನಲ್ಲೇ ಗ್ಲಾಮರಸ್ ಫೋಟೋಶೂಟ್ ಕಡೆಗೆ ಸಮಂತಾ ಗಮನಹರಿಸಿದ್ದಾರೆ. ಅದರಲ್ಲೂ ಅಚ್ಚರಿಯ ವಿಷಯವೆಂದರೆ, ಅಲ್ಲು ಅರ್ಜುನ್ ಅವರ ಬಹುನಿರೀಕ್ಷಿತ ಸಿನಿಮಾ “ಪುಷ್ಪಾ”ದಲ್ಲಿ ಐಟಂ ಸಾಂಗ್ಗೆ ಸಹಿ ಹಾಕುವ ಮೂಲಕ ಎಲ್ಲರ ಹುಬ್ಬೇರಿಸಿದ್ದಾರೆ. ಐಟಂ ಸಾಂಗ್ ಮೂಲಕ ಸಿನಿ ರಸಿಕರ ಮೈ ಬಿಸಿಯೇರಿಸಲು ಸಮಂತಾ ತಯಾರಾಗಿದ್ದಾರೆ.
ಇನ್ನು ಈಗಾಗಲೇ ಬೋಲ್ಡ್ ಫೋಟೋಗಳ ಮೂಲಕ ಸಮಂತಾ, ಜಾಲತಾಣದಲ್ಲಿ ಸಂಚಲನ ಸೃಷ್ಟಿಸಿದ್ದಾರೆ. ಇದೀಗ ಬಂದಿರುವ ಮಾಹಿತಿ ಪ್ರಕಾರ ಮುಂದಿನ ಸಿನಿಮಾಗಳಲ್ಲಿ ಸಮಂತಾ ಮತ್ತಷ್ಟು ಬೋಲ್ಡ್ ದೃಶ್ಯಗಳಲ್ಲಿ ನಟಿಸಲು ಮುಂದಾಗಿದ್ದಾರಂತೆ. ಅಲ್ಲದೆ, ಈಗಾಗಲೇ ಸಮಂತಾ ತಮ್ಮ ಸಂಭಾವನೆಯನ್ನು ಸಹ ಏರಿಸಿಕೊಂಡಿದ್ದಾರಂತೆ.
ಅಮಲಾ ಪೌಲ್ ಕೂಡ ಡಿವೋರ್ಸ್ ನಂತರ ಬೋಲ್ಡ್ ದೃಶ್ಯಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಆದರೆ, ಇಬ್ಬರು ಕೂಡ ಸ್ವತಂತ್ರ ಹಾಗೂ ಪ್ರಬಲ ಮಹಿಳೆಯರು. ಮದುವೆಗೂ ಮುನ್ನ ಇಬ್ಬರು ಕೂಡ ಸಿನಿಮಾ ಕ್ಷೇತ್ರದಲ್ಲಿ ಭಾರೀ ಸದ್ದು ಮಾಡಿದ್ದಾರೆ. ಹಾಗೇ ಡಿವೋರ್ಸ್ ವಿಚಾರದಲ್ಲಿಯೂ ಹೆಚ್ಚು ಚರ್ಚೆಗೆ ಗ್ರಾಸವಾದರೂ. ಇದೀಗ ತಮ್ಮ ಬೋಲ್ಡ್ ದೃಶ್ಯಗಳ ಮೂಲಕವೂ ಮತ್ತೆ ಸಿನಿರಸಿಕರ ಕಣ್ಣುಗಳು ತಮ್ಮ ಮೇಲೆ ಹರಿಯುವಂತೆ ಮಾಡುತ್ತಿದ್ದಾರೆ.
ಏನೇ ಆದರೂ ಅವರಿಬ್ಬರ ಧೈರ್ಯ, ಕಠಿಣ ಪರಿಶ್ರಮ ಮತ್ತು ಅವರ ವೈಯಕ್ತಿಕ ಜೀವನದಲ್ಲಿ ಸಂಭವಿಸಿದ ಬಿರುಗಾಳಿಗಳಿಗೆ ಸಿಲುಕದೆ ಎಲ್ಲವನ್ನು ನಿಭಾಯಿಸಿದ ರೀತಿಯನ್ನು ಪ್ರಶಂಸಿಸಬೇಕು. ಆ ವೈಯಕ್ತಿಕ ಸಮಸ್ಯೆಗಳು ತಮ್ಮ ವೃತ್ತಿಜೀವನದ ಮೇಲೆ ಪರಿಣಾಮ ಬೀರಲು ಅವರು ಬಿಡುತ್ತಿಲ್ಲ ಎಂಬುದೇ ಗಮನಾರ್ಹವಾಗಿದೆ. (ಏಜೆನ್ಸೀಸ್)
ಕೊಲೆ ಮಾಡಿ ತಲೆಮರೆಸಿಕೊಂಡಿದ್ದ ಕುಖ್ಯಾತ ರೌಡಿಶೀಟರ್ ಪೊಲೀಸ್ ವಶಕ್ಕೆ; ಬಂಧಿಸಲು ಹೋದ ಇನ್ಸ್ಪೆಕ್ಟರ್ ಮೇಲೆ ಹಲ್ಲೆ
ಇಂಜಿನಿಯರಿಂಗ್‌ ಪದವೀಧರರಿಗೆ ಕೇಂದ್ರ ಸರ್ಕಾರದಲ್ಲಿ ಭರ್ಜರಿ ಅವಕಾಶ: ವಿವಿಧ ಹುದ್ದೆಗಳಿಗೆ ಆಹ್ವಾನ