ಶಿವಮೊಗ್ಗದ ಶಿರಾಳಕೊಪ್ಪದಲ್ಲಿ ಕಂಪಿಸಿದ ಭೂಮಿ: ಬೆಚ್ಚಿಬಿದ್ದ ಜನತೆ, 4.1 ತೀವ್ರತೆಯ ಭೂಕಂಪನ ದಾಖಲು

ಶಿವಮೊಗ್ಗ: ಶಿಕಾರಿಪುರ ತಾಲೂಕಿನ ಶಿರಾಳಕೊಪ್ಪ ಪಟ್ಟಣದಲ್ಲಿ ಭೂಮಿ ಕಂಪಿಸಿದ ಅನುಭವವಾಗಿದ್ದು, ಸ್ಥಳೀಯರ ಜನರು ಆತಂಕಕ್ಕೆ ಒಳಗಾಗಿದ್ದರೆ. ಮುಂಜಾನೆ ಸಮಯವೇ ಭಾರಿ ಶಬ್ದದೊಂದಿಗೆ ಭೂಕಂಪನವಾಗಿದ್ದು, ಸವಿ ನಿದ್ದೆಯಲ್ಲಿದ್ದ ಜನರು ಆಘಾತಕ್ಕೊಳಗಾಗಿದ್ದಾರೆ.

ಇಂದು ಮುಂಜಾನೆ 3.50 4 ಗಂಟೆಯವರೆಗೂ ಎರಡಕ್ಕೂ ಹೆಚ್ಚು ಬಾರಿ ಭೂಮಿ ಕಂಪಿಸಿರುವುದಾಗಿ ಜನರು ಮಾಹಿತಿ ನೀಡಿದ್ದಾರೆ. ಭಾರೀ ಶಬ್ದದೊಂದಿಗೆ ಭೂಕಂಪನವಾಗಿದ್ದು, ಮನೆಯಲ್ಲಿದ್ದ ಸಾಮಾಗ್ರಿಗಳು ಅಲುಗಾಡಿರುವುದಾಗಿ ತಿಳಿದುಬಂದಿದೆ. ರಿಕ್ಟರ್​ ಮಾಪಕದಲ್ಲಿ 4.1 ತೀವ್ರತೆಯ ಭೂಕಂಪನ ದಾಖಲಾಗಿದೆ.

ಸ್ಥಳೀಯರ ಪ್ರಕಾರ ಮೊದಲಿಗೆ ಭೂಮಿ ಕಂಪಿಸಿದೆ. ಇದಾದ ಹತ್ತು ನಿಮಿಷದ ಬಳಿಕ ಭಾರಿ ಶಬ್ದ ಕೇಳಿಸಿದೆ. ಆದರೆ, ಎರಡನೇ ಬಾರಿ ಭೂಮಿ ಕಂಪಿಸಲಿಲ್ಲ. ಕೇವಲ ಶಬ್ದ ಮಾತ್ರ ಕೇಳಿದೆವು ಎಂದು ಜನರು ತಿಳಿಸಿದ್ದಾರೆ.

ಆ್ಯಂಡ್ರಾಯ್ಡ್​ ಅರ್ಥ್​ಕ್ವೇಕ್​ ಅಲರ್ಟ್ಸ್​ ಸಿಸ್ಟಮ್​ ಆ್ಯಪ್​ ಮಾಹಿತಿ ಪ್ರಕಾರ ಬೆಳಗ್ಗೆ 3.55ಕ್ಕೆ ಸರಿಯಾಗಿ ಭೂಮಿ ಕಂಪಿಸಿರುವುದಾಗಿ ತಿಳಿದುಬಂದಿದೆ. ಶಿರಾಳಕೊಪ್ಪದ 3 ಕಿ.ಮೀ ವ್ಯಾಪ್ತಿಯಲ್ಲಿ ಭೂಂಕಪನ ಸಂಭವಿಸಿದೆ. ಆದರೆ, ಈ ಬಗ್ಗೆ ಅಧಿಕಾರಿಗಳು ಯಾವುದೇ ಮಾಹಿತಿಯನ್ನು ಖಚಿತಪಡಿಸಿಲ್ಲ. ಅಧಿಕಾರಿಗಳು ಏನು ಹೇಳುತ್ತಾರೆ ಎಂಬುದರ ಬಗ್ಗೆ ಕುತೂಹಲವಿದೆ. ಆದರೆ, ಜನರು ಮಾತ್ರ ಎರಡು ಬಾರಿ ಭೂಕಂಪನದ ಅನುಭವದಿಂದಾಗಿ ಬೆಚ್ಚಿಬಿದ್ದಿದ್ದಾರೆ.

https://www.vijayavani.net/r-cop-who-got-suspended-for-stealing-mangoes-also-accused-in-cheating-case/

https://www.vijayavani.net/r-dhanush-aishwaryaa-rajinikanth-to-call-off-their-divorce-reports/

https://www.vijayavani.net/retired-police-training-to-pfi/