ಮಾನಾಡು ಯಶಸ್ಸಿನ ಬೆನ್ನಲ್ಲೇ ಅಜಿತ್​ ಚಿತ್ರದ ವಿರುದ್ಧ ಸುಪ್ರೀಂಕೋರ್ಟ್​ ಮೆಟ್ಟಿಲೇರಿದ ನಟ ಎಸ್​.ಜೆ. ಸೂರ್ಯ

ಹೈದರಾಬಾದ್​: ವಾರದ ಹಿಂದಷ್ಟೇ ಬಿಡುಗಡೆಯಾದ ನಟ ಸಿಂಬು ಅಭಿನಯದ "ಮಾನಾಡು" ಸಿನಿಮಾದಲ್ಲಿ ಅದ್ಭುತವಾಗಿ ನಟಿಸಿರುವ ಹಿರಿಯ ನಟ ಹಾಗೂ ನಿರ್ದೇಶಕ ಎಸ್​.ಜೆ. ಸೂರ್ಯ ಸಾಕಷ್ಟು ಪ್ರಶಂಸೆಗೆ ಪಾತ್ರರಾಗಿದ್ದಾರೆ. ತಮ್ಮ ಖಡಕ್​ ಡೈಲಾಗ್​ ಡಿಲಿವರಿಯಿಂದಲೇ ಸಿನಿ ರಸಿಕರನ್ನು ತಮ್ಮೆಡೆಗೆ ಸೆಳೆದುಕೊಂಡಿದ್ದಾರೆ.

ಒಂದೆಡೆ ಸಿನಿಮಾ ಯಶಸ್ವಿ ಪಥದಲ್ಲಿ ಸಾಗುತ್ತಿದ್ದರೆ, ಇನ್ನೊಂದೆಡೆ ನಟ ಎಸ್​.ಜೆ. ಸೂರ್ಯ ಅವರು ನಟ ತಲಾ ಅವರ ವಿರುದ್ಧ ಸುಪ್ರೀಂಕೋರ್ಟ್​ ಮೆಟ್ಟಿಲೇರಿದ್ದಾರೆಂದು ತಿಳಿದುಬಂದಿದೆ. 1999ರಲ್ಲಿ ಬಿಡುಗಡೆಯಾಗಿ ಯಶಸ್ವಿ ಪ್ರದರ್ಶನಗೊಂಡ ತಮ್ಮ ನಿರ್ದೇಶನ ವಾಲಿ ಚಿತ್ರವನ್ನು ಹಿಂದಿಯಲ್ಲಿ ರಿಮೇಕ್​ ಮಾಡಲು ತಯಾರಿ ನಡೆದಿದೆ. ಆದರೆ, ಇದಕ್ಕೆ ಸೂರ್ಯ ವಿರೋಧ ವ್ಯಕ್ತಪಡಿಸಿದ್ದಾರೆ. ಬಾಲಿವುಡ್​ ಖ್ಯಾತ ನಿರ್ಮಾಪಕ ಬೋನಿ ಕಪೂರ್​ ಅವರು ಅಜಿತ್​ ಜತೆ ಮೂರು ಚಿತ್ರಗಳ ಒಡಂಬಡಿಕೆ ಮಾಡಿಕೊಂಡಿದ್ದಾರೆ. ಅದರಲ್ಲಿ ಈಗಾಗಲೇ ನೇರ್ಕೊಂಡ ಪಾರವೈ ಮತ್ತು ಬಿಡುಗಡೆಯಾಗಬೇಕಿರುವ ವಾಲಿಮೈ ಚಿತ್ರವನ್ನು ನಿರ್ಮಿಸಿದ್ದಾರೆ. ಅಲ್ಲದೆ, ಅಜಿತ್​ ಅವರ 61ನೇ ಚಿತ್ರವನ್ನು ನಿರ್ಮಿಸಲಿದ್ದಾರೆ. ವಾಲಿ ಚಿತ್ರದ ರಿಮೇಕ್​ ಮಾಡುವ ಯೋಜನೆಯನ್ನು ಬೋನಿ ಕಪೂರ್​ ಹಾಕಿಕೊಂಡಿದ್ದಾರೆ.

ಆದರೆ, ರಿಮೇಕ್​ ವಿರುದ್ಧ ಸೂರ್ಯ ಮದ್ರಾಸ್​ ಹೈಕೋರ್ಟ್​ನಲ್ಲಿ ಪ್ರಕರಣ ದಾಖಲಿಸಿದ್ದರು. ವಾಲಿ ಚಿತ್ರದ ಡಬ್ಬಿಂಗ್​ ರೈಟ್ಸ್ ನಿರ್ಮಾಪಕರ ಬಳಿ ಇರುವಾಗ ಚಿತ್ರದ ಬರಹಗಾರ, ನಿರ್ದೇಶಕ ಚಿತ್ರದ ರಿಮೇಕ್​ ಹಕ್ಕನ್ನು ಹೊಂದಿರುತ್ತಾರೆ ಎಂದು ವಾದಿಸಿದ್ದರು. ಆದರೆ, ಕೋರ್ಟ್​ ಸೂರ್ಯ ಅವರ ವಾದವನ್ನು ತಿರಸ್ಕರಿಸಿ, ನಿರ್ಮಾಪಕರ ಪರವಾಗಿ ತೀರ್ಪು ನೀಡಿದೆ.

ಹೈಕೋರ್ಟ್​ ತೀರ್ಪನ್ನು ಪ್ರಶ್ನಿಸಿ, ವಾಲಿಮೈ ಚಿತ್ರದ ನಿರ್ಮಾಪಕ ಬೋನಿ ಕಪೂರ್​ ನಿರ್ಮಿಸಲು ಹೊರಟಿರುವ ವಾಲಿ ಚಿತ್ರದ ವಿರುದ್ಧ ಸುಪ್ರೀಂಕೋರ್ಟ್​ ಮೆಟ್ಟಿಲೇರಲು ಸೂರ್ಯ ನಿರ್ಧರಿಸಿದ್ದಾರೆ. 1999ರಲ್ಲಿ ತೆರೆಕಂಡ ವಾಲಿ ಚಲನಚಿತ್ರವು ಸಾಮಾನ್ಯ ನಟನಾಗಿದ್ದ ಅಜಿತ್ ಅವರ ವೃತ್ತಿಜೀವನವನ್ನು ಬದಲಿಸಿತು. ಕನ್ನಡದಲ್ಲಿಯೂ ಈ ಚಿತ್ರ ಅದೇ ಹೆಸರಿನಿಂದ ಬಿಡುಗಡೆಯಾಗಿದ್ದು, ಕಿಚ್ಚ ಸುದೀಪ್ ನಟನೆಯು ಕೂಡ ಎಲ್ಲರ ಗಮನ ಸೆಳೆಯಿತು. (ಏಜೆನ್ಸೀಸ್​)

https://www.vijayavani.net/r-models-death-visuals-of-saiju-abusing-drugged-girls-found-in-mobile-phone/

https://www.vijayavani.net/r-ramanagara-mahatma-gandhi-park-illegal-activities-college-students/

https://www.vijayavani.net/r-suryapet-boy-dies-in-us-car-accident/