ಎಟಿಎಂನಲ್ಲಿ 1000 ರೂ. ಡ್ರಾ ಮಾಡಿದವನಿಗೆ ಕಾದಿತ್ತು ಬಿಗ್​ ಶಾಕ್​! ಹಣ ನೀಡುವ ಯಂತ್ರದಡಿಯಲ್ಲಿತ್ತು ಸರ್ಪ್ರೈಸ್​

ಕರ್ನೂಲ್​: ಹಣ ಡ್ರಾ ಮಾಡಲೆಂದು ಎಟಿಎಂಗೆ ಹೋದ ವ್ಯಕ್ತಿಯೊಬ್ಬ ಎಟಿಎಂ ಕಾರ್ಡ್​ ಹಾಕಿ 1000 ರೂಪಾಯಿ ನಮೂದಿಸಿದಾಗ 10 ಸಾವಿರ ರೂ. ಹಣ ಡ್ರಾ ಆದ ಅಚ್ಚರಿಯ ಘಟನೆ ಆಂಧ್ರ ಪ್ರದೇಶದ ಕರ್ನೂಲ್​ನಲ್ಲಿ ಶನಿವಾರ ರಾತ್ರಿ ನಡೆದಿದೆ.

ಈ ರೀತಿ ಆದಾಗ ಖುಷಿಯಿಂದ ಹಣ ತೆಗೆದುಕೊಂಡು ಹೋಗುವವರೇ ಹೆಚ್ಚು. ಅದರಲ್ಲೂ ಅದೇ ಸಮಯದಲ್ಲಿ ಎಟಿಎಂ ಸೆಕ್ಯುರಿಟಿ ಗಾರ್ಡ್​ ಇಲ್ಲದಿದ್ದರೆ ಲಾಡು ಬಂದು ಬಾಯಿಗೆ ಬಿದ್ದಂತೆ. ಆದರೆ, ಇಲ್ಲಿ ನಡೆದಿದ್ದೇ ಬೇರೆ. ಏನು ನಡೆಯಿತು ಎಂದು ತಿಳಿದರೆ ನಿಜಕ್ಕೂ ಆ ವ್ಯಕ್ತಿಯ ಬಗ್ಗೆ ಹೆಮ್ಮೆ ಪಡ್ತೀರಾ.

ಘಟನೆಯ ವಿವರಣೆಗೆ ಬರುವುದಾದರೆ, ಚಾಂದ್​ಭಾಷಾ ಎಂಬುವರು ಶನಿವಾರ ರಾತ್ರಿ ಹಣ ಡ್ರಾ ಮಾಡಲೆಂದು ಸ್ಥಳೀಯ ಎಸ್​ಬಿಐ ಎಟಿಎಂಗೆ ತೆರಳುತ್ತಾರೆ. ಕಾರ್ಡನ್ನು ಎಟಿಎಂ ಒಳಗೆ ಹಾಕಿ 1000 ರೂ. ಹಣ ಡ್ರಾ ಮಾಡಲು ಮುಂದಾಗುತ್ತಾನೆ. ಆದರೆ, ಸರ್ಪ್ರೈಸ್​ ಎನ್ನುವಂತೆ 10000 ಸಾವಿರ ಹಣ ಎಟಿಎಂ ಯಂತ್ರದಡಿಯಲ್ಲಿ ಇರುತ್ತದೆ. ಆದಾಗ್ಯೂ ಒಮ್ಮೆ ಪರಿಶೀಲಿಸಿದಾಗ ತನ್ನ ಖಾತೆಯಲ್ಲಿ ಕೇವಲ 1 ಸಾವಿರ ರೂ. ಡ್ರಾ ಆಗಿರುವುದು ಖಚಿತವಾಗುತ್ತದೆ.

ಎಟಿಎಂ ಸೆಕ್ಯುರಿಟಿ ಅನುಪಸ್ಥಿತಿಯಲ್ಲಿ ಅಷ್ಟೂ ಹಣವನ್ನು ತೆಗೆದುಕೊಳ್ಳುವ ಚಾಂದ್​ಭಾಷಾ ಸೋಮವಾರ ಬ್ಯಾಂಕ್​ ಅಧಿಕಾರಿಗಳನ್ನು ಭೇಟಿಯಾಗುತ್ತಾರೆ. ಬಳಿಕ ಪರಿಶೀಲನೆ ನಡೆಸುವ ಅಧಿಕಾರಿಗಳು ಸಂಬಂಧಪಟ್ಟವರಿಗೆ ಹಸ್ತಾಂತರ ಮಾಡುತ್ತಾರೆ. ಅಲ್ಲದೆ, ಪ್ರಾಮಾಣಿಕವಾಗಿ ಹಣವನ್ನು ಹಿಂದಿರುಗಿಸಿ ಮಾನವೀಯತೆ ಮೆರೆದ ಚಾಂದ್​ಭಾಷನಿಗೆ ಎಲ್ಲರು ಮೆಚ್ಚುಗೆ ವ್ಯಕ್ತಪಡಿಸುತ್ತಾರೆ. (ಏಜೆನ್ಸೀಸ್​)

https://www.vijayavani.net/r-bbk8-divya-u-first-female-contestant-to-create-history-on-twitter/

https://www.vijayavani.net/special-article-about-sanjana-george/

https://www.vijayavani.net/kavya-sha-donated-plasma/