ನಲ್ಲಕುಂಟ: ಮದುವೆಯಾದ ಮೂರೇ ವಾರದಲ್ಲಿ ಯುವತಿಯೊಬ್ಬಳು ನಾಪತ್ತೆಯಾಗಿರುವ ಘಟನೆ ಹೈದರಾಬಾದ್ನ ನಲ್ಲಕುಂಟದಲ್ಲಿ ನಡೆದಿದೆ.
ಅದಿಕ್ಮೆಟ್ ಬಾಲಾಜಿನಗರದ ಖಾಸಗಿ ಕಂಪನಿ ಉದ್ಯೋಗಿಯಾಗಿದ್ದ ಸಾಯಿಕುಮಾರ್ ಮೇ 30ರಂದು ಸಿದ್ದಿಪೇಟೆಯ ತೌಗುಟಾ ಗ್ರಾಮದ ನಾಗ್ರಾಣಿ (20) ಎಂಬಾಕೆಯನ್ನು ಮದುವೆಯಾಗಿದ್ದಾನೆ. ಮಂಗಳವಾರ ಬೆಳಗ್ಗೆ ಎಂದಿನಂತೆ ಸಾಯಿಕುಮಾರ್ ಕೆಲಸಕ್ಕೆಂದು ಮನೆಬಿಟ್ಟಿದ್ದಾನೆ. ಈ ವೇಳೆ ಮನೆಯಲ್ಲಿದ್ದ ನಾಗ್ರಾಣಿ, ಯಾರಿಗೂ ಹೇಳದೆ ಬಟ್ಟೆ, ಚಿನ್ನಾಭರಣದೊಂದಿಗೆ ಮಧ್ಯಾಹ್ನ ನಾಪತ್ತೆಯಾಗಿದ್ದಾಳೆ.
ನಾಗ್ರಾಣಿ ಮನೆ ಬಿಟ್ಟು ಹೋಗುವುದನ್ನು ನೋಡಿದ ಸ್ಥಳೀಯರೊಬ್ಬರು ಸಾಯಿಕುಮಾರ್ಗೆ ಫೋನ್ ಮೂಲಕ ಮಾಹಿತಿ ನೀಡಿದ್ದಾರೆ. ತಕ್ಷಣ ಆತ ಮನೆಗೆ ಮರಳಿದ್ದಾನೆ. ಆದರೆ, ಪತ್ನಿ ಮನೆಯಲ್ಲಿರಲಿಲ್ಲ. ಬದಲಾಗಿ ಆಕೆಯ ಫೋನ್ ಅಲ್ಲಿಯೇ ಬಿದ್ದಿತ್ತು. ಸ್ವಿಚ್ ಆಫ್ ಆಗಿದ್ದ ಫೋನ್ ಅನ್ನು ಆನ್ ಮಾಡಿದಾಗ ಆತನಿಗೆ ಶಾಕ್ ಆಗಿದೆ.
ನಾಗ್ರಾಣಿಗೆ ಆಕೆ ಬಾಯ್ಫ್ರೆಂಡ್ ಮಾಡಿದ್ದ ಮಸೇಜ್ಗಳು ಫೋನ್ನಲ್ಲಿತ್ತು. ಇದರಿಂದ ಆತಂಕಕ್ಕೀಡಾದ ಸಾಯಿಕುಮಾರ್ ತಕ್ಷಣ ಪೊಲೀಸ್ ಠಾಣೆಗೆ ತೆರಳಿ ದೂರು ನೀಡಿದ್ದಾನೆ. ಮದುವೆಗೂ ಮುನ್ನ ಪರಿಚಯವಿದ್ದ ಯುವಕನೊಂದಿಗೆ ನಾಗ್ರಾಣಿ ಮನೆಬಿಟ್ಟು ಹೋಗಿದ್ದಾಳೆಂದು ದೂರಿನಲ್ಲಿ ಉಲ್ಲೇಖಿಸಿದ್ದಾನೆ. ಸದ್ಯ ಪ್ರಕರಣ ದಾಖಲಾಗಿದ್ದು, ತನಿಖೆ ನಡೆಯುತ್ತಿದೆ. (ಏಜೆನ್ಸೀಸ್)
ಗಂಡನ ಕಿರುಕುಳಕ್ಕೆ ಯುವ ವೈದ್ಯೆ ಸಾವು: 2 ವರ್ಷದ ಹಿಂದೆ ನಟನಿಗೆ ಲವ್ ಲೆಟರ್ ಬರೆದಿದ್ದ ವಿಸ್ಮಯ!
28 ಬಾರಿ ಚಿನ್ನ ಗೆದ್ದೆ, ನನ್ನ ಈ ಸ್ಥಿತಿ ಬರಬಾರದು… ದೇಶದ ಮೊದಲ ಪ್ಯಾರಾಶೂಟರ್ ಕಣ್ಣೀರು