ಹೊಂಬಾಳೆ ಸಂಸ್ಥೆಯಿಂದ ಮತ್ತೊಂದು ಹೊಸ ಸಿನಿಮಾ ಘೋಷಣೆ: ನೈಜ ಕತೆಗೆ ಸುಧಾ ಕೊಂಗಾರ ನಿರ್ದೇಶನ

ಬೆಂಗಳೂರು: ಕೆಜಿಎಫ್​ 2 ಬಳಿಕ ಒಂದರ ಹಿಂದೆ ಒಂದರಂತೆ ಸಲಾರ್​, ರಾಘವೇಂದ್ರ ಸ್ಟೋರ್ಸ್​, ರಿಚರ್ಡ್​ ಆಂಟೋನಿ ಹಾಗೂ ಕಾಂತಾರ ಸಿನಿಮಾಗಳನ್ನು ಘೋಷಣೆ ಮಾಡಿದ್ದ ಪ್ರತಿಷ್ಠಿತ ಚಿತ್ರ ನಿರ್ಮಾಣ ಸಂಸ್ಥೆ ಹೊಂಬಾಳೆ ಫಿಲ್ಮ್ಸ್​ ಇದೀಗ ಮತ್ತೊಂದು ಸಿನಿಮಾವನ್ನು ಘೋಷಣೆ ಮಾಡಿದೆ.

ಆಸ್ಕರ್​ ರೇಸಿನಲ್ಲಿದ್ದ ಯಶಸ್ವಿ ಚಿತ್ರ ಸೂರರೈ ಪೊಟ್ರು ನಿರ್ದೇಶಕಿ ಸುಧಾ ಕೊಂಗಾರ ಅವರ ಜತೆ ಮುಂದಿನ ಸಿನಿಮಾ ಮಾಡುವುದಾಗಿ ಹೊಂಬಾಳೆ ಫಿಲ್ಮ್ಸ್​ ಅಧಿಕೃತ ಘೋಷಣೆ ಮಾಡಿದೆ. ಸೂರರೈ ಪೊಟ್ರು ಸಿನಿಮಾ ಮೂಲಕ ಕಾಲಿವುಡ್ ಸೂಪರ್​ ಸ್ಟಾರ್ ಸೂರ್ಯಗೆ ಸುಧಾ ಕೊಂಗಾರ ಅವರು ಮರುಜನ್ಮ ನೀಡಿದ್ದರು.

ಕ್ಯಾ.ಗೋಪಿನಾಥ್ ಅವರು ನೈಜ ಕಥೆ ಆಧರಿಸಿ ಸೂರರೈ ಪೊಟ್ರು ಸಿನಿಮಾವನ್ನು ಸುಧಾ ನಿರ್ದೇಶನ ಮಾಡಿದ್ದರು. ಇದೀಗ ಮತ್ತೊಮ್ಮೆ ನೈಜ ಕತೆ ಆಧರಿಸಿದ ಹೊಸ ಸಿನಿಮಾವನ್ನು ಹೊಂಬಾಳೆ ಫಿಲ್ಮ್ಸ್​ ಅಡಿಯಲ್ಲಿ ಸುಧಾ ಕೊಂಗಾರ ಅವರು ಮಾಡಲಿದ್ದಾರೆ.

ಸದ್ಯ ಸಿನಿಮಾ ನಿರ್ಮಾಣ ಕುರಿತ ಸುದ್ದಿ ಅಧಿಕೃತವಾಗಿದ್ದು, ನಾಯಕ ಯಾರು ಎಂಬುದು ಇನ್ನು ಬಹಿರಂಗವಾಗಿಲ್ಲ. ಮುಂದಿನ ದಿನಗಳಲ್ಲಿ ಎಲ್ಲವು ತಿಳಿಯಲಿದೆ.

https://www.vijayavani.net/r-watch-uk-pm-boris-johnson-tries-the-charkha-at-gandhis-ashram/

https://www.vijayavani.net/a-monther-and-son-life-is-tragic-end/

https://www.vijayavani.net/a-woman-writes-message-for-lover-on-rs-10-note-in-viral-pic/