ಭಾರತೀಯ ಶಾಸ್ತ್ರ ಸಂಪ್ರದಾಯದಂತೆ ಜೂನ್ 9ರಂದು ಕ್ಷಮಾ ಮದುವೆ ಆದರು. ಅವರ ಮದುವೆಯಲ್ಲಿ ಅತಿಥಿಗಳು ಪಾಲ್ಗೊಂಡಿದ್ದರು. ಈ ಹಿಂದೆ ಐಎಎನ್ಎಸ್ ಮಾಧ್ಯಮ ಸಂದರ್ಶನದಲ್ಲಿ ಮಾತನಾಡಿರುವ ಕ್ಷಮಾ, ನಾನು ಉಭಯಲಿಂಗಿ (ಬೈಸೆಕ್ಸುವಲ್). ನಾನು ಪುರುಷ ಮತ್ತು ಮಹಿಳಾ ಜತೆಗಾರರನ್ನು ಹೊಂದಿದ್ದೇನೆ. ಇಂದಿಗೂ ಅವರ ಜತೆ ಸಂಪರ್ಕದಲ್ಲಿದ್ದೇನೆ. ಆದರೆ, ನಮ್ಮ ನಡುವೆ ಏನೂ ನಡೆದಿಲ್ಲ. ನಾನು ಅನೇಕ ವರ್ಷಗಳಿಂದ ಏಕಾಂಗಿಯಾಗಿದ್ದೇನೆ. ನನ್ನ ಏಕಾಂತದ ಮೇಲೆ ನನಗೆ ಪ್ರೀತಿಯಾಗಿದೆ. ನನ್ನನ್ನು ನಾನೇ ಪ್ರೀತಿ ಮಾಡುತ್ತೇನೆ. ಇದುವರೆಗೆ ಯಾರೊಂದಿಗೂ ಸಹ ಇಂತಹ ಅನುಭವ ಆರಲಿಲ್ಲ. ನಾನು ಚಿಕ್ಕಂದಿನಿಂದಲೂ ವಧುವಾಗಲು ಇಷ್ಟಪಡುತ್ತಿದ್ದೆ. ಆದರೆ, ಇನ್ನೊಬ್ಬರ ಪತ್ನಿ ಆಗಿ ಇರಲು ಆಗುವುದಿಲ್ಲ ಎಂದು ಕ್ರಮೇಣ ಅರಿತುಕೊಂಡೆ. ಮೂರ್ನಾಲ್ಕು ತಿಂಗಳುಗಳ ಕಾಲ ಯೋಚಿಸಿದ ನಂತರ, ಒಂದು ನಿರ್ಧಾರಕ್ಕೆ ಬಂದೆ. ಕೊನೆಗೆ ನನ್ನನ್ನು ನಾನೇ ಮದುವೆ ಆಗಲು ಬಯಸಿದ್ದೇನೆ. ಈ ವಿಚಾರ ವಡೋದರಾದ ಜನಕ್ಕೆ ಮಾತ್ರ ಗೊತ್ತಾಗಬೇಕು ಅಂತಾ ಎರಡು ಸ್ಥಳೀಯ ಪತ್ರಿಕೆ ಹಾಗೂ ಚಾನೆಲ್ಗಳಿಗೆ ಸಂದರ್ಶನ ನೀಡಿದ್ದೆ. ಆದರೆ, ಈ ರೀತಿ ವೈರಲ್ ಆಗುತ್ತದೆ ಅಂತಾ ನನ್ನ ಕನಸು, ಮನಸ್ಸಲ್ಲೂ ಅಂದುಕೊಂಡಿರಲಿಲ್ಲ. ನಾನು ಹಿಂದು ಧರ್ಮ ಮತ್ತು ಸಂಸ್ಕೃತಿಯಲ್ಲಿ ಅಚಲ ನಂಬಿಕೆ ಹೊಂದಿದ್ದೇನೆ. ಹೀಗಾಗಿ ನನ್ನ ಸ್ನೇಹಿತರು ಮತ್ತು ಕುಟುಂಬದವರ ಸಮ್ಮುಖದಲ್ಲಿ ದೇವಸ್ಥಾನದಲ್ಲಿ ಮದುವೆ ಆಗಲು ನಿರ್ಧರಿಸಿದ್ದೇನೆಂದು ಕ್ಷಮಾ ಹೇಳಿದ್ದರು. (ಏಜೆನ್ಸೀಸ್)
