ಬೆಂಗಳೂರು: ಸೆಲೆಬ್ರಿಟಿಗಳದ್ದು ದುಬಾರಿ ಜೀವನ ಎಂಬುದು ಎಲ್ಲರಿಗೂ ತಿಳಿದಿರುವ ಸಂಗತಿ. ಚಿಕ್ಕ ವಾಚ್ನಿಂದ ಹಿಡಿದು ದೊಡ್ಡ ಕಾರುಗಳವರೆಗೂ ಸೆಲೆಬ್ರಿಟಿಗಳು ಬಳಸುವ ವಸ್ತುಗಳೆಲ್ಲ ತುಂಬಾ ದುಬಾರಿಯಾಗಿರುತ್ತವೆ. ಒಮ್ಮೆಮ್ಮೆ ಅವರು ಬಳಸುವ ವಸ್ತುಗಳ ಬೆಲೆ ತಿಳಿದು ಹುಬ್ಬೇರಿಸಿರುತ್ತೀವೆ. ಇದೀಗ ಅಂಥದ್ದೇ ಮತ್ತೊಂದು ಸಂಗತಿ ಬೆಳಕಿಗೆ ಬಂದಿದೆ.
2020ನೇ ಸಾಲಿನ ಪ್ರೆಸ್ಕ್ಲಬ್ನ ವರ್ಷದ ವ್ಯಕ್ತಿ ಪ್ರಶಸ್ತಿಗೆ ವಿಪ್ರೊ ಸಂಸ್ಥೆಯ ಅಧ್ಯಕ್ಷ ಅಜೀಂ ಪ್ರೇಮ್ಜಿ ಹಾಗೂ ಮಾಜಿ ಸಿಎಂ ಬಿಎಸ್ವೈ ಭಾಜನಾರಾಗಿದ್ದಾರೆ. ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅವರು ಪ್ರೆಸ್ ಕ್ಲಬ್ ವಿಶೇಷ ಪ್ರಶಸ್ತಿಯ ಗೌರವಕ್ಕೆ ಪಾತ್ರರಾಗಿದ್ದಾರೆ. ಮೊನ್ನಯಷ್ಟೇ ಪ್ರಶಸ್ತಿ ಪ್ರಧಾನ ಸಮಾರಂಭ ನಡೆದಿದ್ದು, ಕಿಚ್ಚ ಸುದೀಪ್ ಸಮಾರಂಭದಲ್ಲಿ ಪಾಲ್ಗೊಂಡಿದ್ದರು. ಅದಕ್ಕೆ ಸಂಬಂಧಿಸಿದ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ.
ವಿಷಯ ಏನೆಂದರೆ, ವೈರಲ್ ಆಗಿರುವ ಫೋಟೋದಲ್ಲಿ ಸುದೀಪ್ ಅವರ ವಾಚ್ ನೆಟ್ಟಿಗರ ಗಮನ ಸೆಳೆದಿದೆ. ಈ ವಾಚ್ ಬೆಲೆ ಎಷ್ಟಿರಬಹುದು ಯಾರಾದರೂ ಹೇಳುತ್ತಿರಾ ಎಂದು ಕೇಳಿದ್ದಾರೆ. ಕಾಮೆಂಟ್ ಮೂಲಕ ಅನೇಕರು ಉತ್ತರವನ್ನು ನೀಡಿದ್ದಾರೆ.
ಅಂದಹಾಗೆ ಕಿಚ್ಚ ಧರಿಸಿರುವ ವಾಚ್ ಪ್ರಖ್ಯಾತ ಫ್ರ್ಯಾಂಕ್ ಮುಲ್ಲರ್ ಕಂಪನಿಯ ವಾಚ್. ಇದು ತುಂಬಾ ದುಬಾರಿ ಬೆಲೆಯ ವಾಚ್. ಸಾಮಾನ್ಯ ಜನರು ಇದರ ಬೆಲೆಯನ್ನು ಕೇಳಿದರೆ ತಲೆ ತಿರುಗುವುದಂತೂ ಗ್ಯಾರೆಂಟಿ. ಫ್ರ್ಯಾಂಕ್ ಮುಲ್ಲರ್ ವ್ಯಾಂಗಾರ್ಡ್ ಕ್ರೇಜಿ ಹವರ್ಸ್ ಹೆಸರಿನ ಈ ವಾಚ್ನ ಬೆಲೆ 30,469 ಡಾಲರ್ ಅಂದರೆ, ಭಾರತೀಯ ಕರೆನ್ಸಿ ಪ್ರಕಾರ ಬರೋಬ್ಬರಿ 22,87,475 ರೂಪಾಯಿ ಮೌಲ್ಯದ್ದಾಗಿದೆ.
ಇತ್ತೀಚೆಗಷ್ಟೇ ನಟ ಯಶ್ ಕುಟುಂಬ ಸಮೇತ ದುಬೈಗೆ ತೆರಳಿದ್ದರು. ಯಶ್ ಅವರ ದುಬೈ ಭೇಟಿಯ ಫೋಟೋ ಮತ್ತು ವಿಡಿಯೋಗಳು ವೈರಲ್ ಆಗಿತ್ತು. ಈ ವೇಳೆ ಯಶ್ ಧರಿಸಿರುವ ವಾಚ್ ಮೇಲೆ ಅಭಿಮಾನಿಗಳ ಕಣ್ಣಿಗೆ ಬಿದ್ದಿತ್ತು. ವಾಚ್ನ ಬೆಲೆ ಎಷ್ಟಿರಬಹುದು ಎಂಬ ಕುತೂಹಲ ಮನೆ ಮಾಡಿತ್ತು. ಯಶ್ ಅವರು Rolex GMT Master 2 ವಾಚ್ ಧರಿಸಿದ್ದಾರೆ. ಇದರ ಬೆಲೆ 9,500 ಅಮೆರಿಕ ಡಾಲರ್ ಆಗಿದೆ. ಭಾರತೀಯ ಕರೆನ್ಸಿ ಪ್ರಕಾರ ಬರೋಬ್ಬರಿ 7, 17,227 ರೂ. ಆಗಿದೆ. (ಏಜೆನ್ಸೀಸ್)
ರಾಕಿಂಗ್ ಸ್ಟಾರ್ ಯಶ್ ಧರಿಸಿರುವ ರೋಲೆಕ್ಸ್ ವಾಚ್ ದರ ಕೇಳಿದ್ರೆ ನಿಜಕ್ಕೂ ದಂಗಾಗ್ತೀರಾ..!
ಬೋಲ್ಡ್ ಅಂಡ್ ಬ್ಯೂಟಿಫುಲ್ ಬೆಡಗಿ…ಇದುವರೆಗೂ ನೀವು ನೋಡಿರದ ನಟಿ ವೇದಿಕಾರ ಹಾಟ್ ಅವತಾರವಿದು!