ಫ್ರೀ ಇದ್ದಾಗ ಕರೆ ಮಾಡಲು ಹೇಳಿ ನಟಿಗೆ ಫೋನ್​ ನಂಬರ್​ ಕೊಟ್ಟ ನೆಟ್ಟಿಗನಿಗೆ ಕಾದಿತ್ತು ಬಿಗ್​ ಶಾಕ್​..!

ಹೈದರಾಬಾದ್​: ಚಲ್​ ಮೋಹನ್​ ರಂಗ ಚಿತ್ರದ ಮೂಲಕ ಟಾಲಿವುಡ್​ನಲ್ಲಿ ಸಿನಿ ಜರ್ನಿ ಆರಂಭಿಸಿದ ಗ್ಲಾಮರ್​ ಬ್ಯೂಟಿ ಆಶು ರೆಡ್ಡಿ, ಬಿಗ್​ಬಾಸ್​ ಸಿಸನ್​ 3ರಲ್ಲಿ ಭಾಗವಹಿಸುವ ಮೂಲಕ ತುಂಬಾ ಖ್ಯಾತಿ ಪಡೆದಿದ್ದಾರೆ. ನೋಡಲು ಸ್ವಲ್ಪ ಸಮಂತಾರನ್ನೇ ಹೋಲುವುದರಿಂದ ಆಶು ರೆಡ್ಡಿಯನ್ನು ಜೂನಿಯರ್​ ಸಮಂತಾ ಅಂತಾನೇ ಕರೆಯುತ್ತಾರೆ.

ಸಾಮಾಜಿಕ ಜಾಲತಾಣದಲ್ಲಿ ಸದಾ ಸಕ್ರೀಯರಾಗಿರುವ ಆಶು ರೆಡ್ಡಿ, ಆಗಾಗ ತಮ್ಮ ಬೋಲ್ಡ್​ ಫೋಟೋಗಳನ್ನು ಹರಿಬಿಡುವ ಮೂಲಕ ಪಡ್ಡೆ ಹುಡುಗರ ಮೈ ಬಿಸಿಯೇರಿಸುತ್ತಿರುತ್ತಾರೆ. ಅಲ್ಲದೆ, ಅಭಿಮಾನಿಗಳು ಅಥವಾ ನೆಟ್ಟಿಗರ ಜತೆ ಆಗಾಗ ಇನ್​ಸ್ಟಾಗ್ರಾಂ ಲೈವ್​ ಸೆಷೆನ್ಸ್​ ಕೂಡ ನಡೆಸುತ್ತಾರೆ.

ಸಾಮಾನ್ಯವಾಗಿ ಲೈವ್​ ಸೆಷೆನ್ಸ್​ ವೇಳೆ ತಮಗೆ ಬೇಕಾದ ಪ್ರಶ್ನೆಗಳನ್ನು ಅಭಿಮಾನಿಗಳು ಕೇಳುವುದು ಸಹಜ. ಕೆಲವೊಮ್ಮೆ ಕೆಲ ನೆಟ್ಟಿಗರು ಅಸಭ್ಯ ಪ್ರಶ್ನೆಗಳನ್ನು ಕೇಳಿ ನಟಿಯರನ್ನು ಮುಜುಗರಕ್ಕೆ ಸಿಲುಕಿಸುತ್ತಾರೆ. ಆದರೆ, ಕೆಲವೊಮ್ಮೆ ಏನೇ ಕೇಳಿದರು ನಟಿಯರು ಬೋಲ್ಡ್​ ಆಗಿಯೇ ಉತ್ತರ ಕೊಡುತ್ತಾರೆ.

ಸಾಮಾನ್ಯವಾಗಿ ಫೋನ್​ ನಂಬರ್ ಕೊಡಿ ಎಂದು ನಟಿಯರನ್ನು ಅಭಿಮಾನಿಗಳು ಕೇಳುವುದನ್ನು ನೋಡಿದ್ದೇವೆ. ಆದರೆ ಇಲ್ಲೊಬ್ಬ ನೆಟ್ಟಿಗ ತನ್ನ ನಂಬರ್​ ನೀಡಿ, ಅಕ್ಕ ನಾನು ನಿಮ್ಮ ಜತೆ ಮಾತನಾಡಬೇಕು, ಸಮಯ ಸಿಕ್ಕಾಗ ಕರೆ ಮಾಡಿ ಅಂತಾ ಬರೆದು ತನ್ನ ಮೊಬೈಲ್​ ನಂಬರ್​ ಅನ್ನು ಕಾಮೆಂಟ್​ ಮಾಡಿದ್ದಾನೆ. ಆದರೆ, ನೆಟ್ಟಿಗನ ಕಾಮೆಂಟ್​ ಆತನನ್ನು ಇಕ್ಕಟ್ಟಿಗೆ ಸಿಲುಕಿಸಿದೆ.

ಏನಾಯಿತು ಅಂದರೆ, ನಟಿ ಆಶು ರೆಡ್ಡಿ ನೆಟ್ಟಿಗನ ಫೋನ್ ನಂಬರ್​ ಅನ್ನು ತಮ್ಮ ಇನ್​ಸ್ಟಾಗ್ರಾಂ ಸ್ಟೋರಿಯಲ್ಲಿ ಶೇರ್​ ಮಾಡಿಕೊಂಡಿದ್ದಾರೆ. ಇದಾದ ಬಳಿಕ ನೆಟ್ಟಿಗನಿಗೆ ಒಂದರ ಹಿಂದೆ ಒಂದಂತೆ ಸಿಕ್ಕಾಪಟ್ಟೆ ಕರೆ ಬರಲು ಆರಂಭಿಸಿದೆ. ಇದರಿಂದ ಬೇಸರಗೊಂಡಿರುವ ನೆಟ್ಟಿಗ ಅಕ್ಕ ಕರೆ ಮಾಡಿ ಮಾಡಿ ಸಾಯಿಸುತ್ತಿದ್ದಾರೆ. ದಯಮಾಡಿ ಪೋಸ್ಟ್​ ಡಿಲೀಟ್​ ಮಾಡಿ ಅಕ್ಕ ಎಂದು ಗೊಗರೆದಿದ್ದಾನೆ.

ಇದೀಗ ಎರಡು ಫೋಸ್ಟ್​ ಅನ್ನು ಒಟ್ಟಿಗೆ ಎಡಿಟ್​ ಮಾಡಿ ಆಶು ರೆಡ್ಡಿ ಇನ್​ಸ್ಟಾಗ್ರಾಂ ಸ್ಟೋರಿಯಲ್ಲಿ ಶೇರ್​ ಮಾಡಿಕೊಂಡು ನಗುತ್ತಿರುವ ಫೋಟೋ ಪೋಸ್ಟ್​ ಮಾಡಿದ್ದಾರೆ. ಇತ್ತ ಫೋನ್​ ನಂಬರ್​ ಕೊಟ್ಟ ನೆಟ್ಟಿಗನ ಸ್ಥಿತಿ ಇರಲಾಗದೇ ಇರುವೆ ಬಿಟ್ಟುಕೊಂಡಂತಾಗಿದೆ. (ಏಜೆನ್ಸೀಸ್​)

https://www.vijayavani.net/r-ashu-reddy-not-in-my-thais-it-is-in-your-eyes-says-ashu-bold-comment-post-viral/

https://www.vijayavani.net/r-interview-with-rgv-misfired-for-this-hottie-at-home/

https://www.vijayavani.net/r-who-is-ashu-reddy-bigg-boss-telugu-participant-who-slapped-ram-gopal-varma-in-a-video/

https://www.vijayavani.net/r-ashureddy-we-learned-from-rgv-ashureddy-kisses-ariana-on-the-waist-netizens-trolling/