ಚೆನ್ನೈ: ಹಿರಿಯ ನಟ ಹಾಗೂ ನಿರ್ದೇಶಕ ಪಾರ್ಥಿಬನ್ ಅಭಿನಯದ ಪ್ರಯೋಗಾತ್ಮಕ ಸಿನಿಮಾ “ಇರವಿನ್ ನಿಹಾಲ್” ಜುಲೈ 15ರಂದು ಬಿಡುಗಡೆಯಾಗಿದ್ದು, ಒಳ್ಳೆಯ ಮೆಚ್ಚುಗೆ ಗಳಿಸಿದೆ. ಅಲ್ಲದೆ, ಪಾರ್ಥಿಬನ್ ತಾಯಿಯ ಪಾತ್ರ ಮಾಡಿರುವ ನಟಿ ರೇಖಾ ನಾಯರ್ ಅವರ ಎದೆಯ ಭಾಗವನ್ನು ತೋರಿಸುವ ಮೂಲಕ ಈ ಚಿತ್ರ ವಿವಾದವನ್ನು ಮೈಮೇಲೆ ಎಳೆದುಕೊಂಡಿತು.
ಇದೇ ದೃಶ್ಯದಿಂದಾಗಿ ನಟ-ವಿಮರ್ಶಕ ಬೈಲ್ವಾನ್ ರಂಗನಾಥನ್ ಅವರು ರೇಖಾ ನಾಯರ್ ಅವರನ್ನು ಕಟುವಾಗಿ ಟೀಕಿಸಿದರು. ಇದಾದ ಬೆನ್ನಲ್ಲೇ ರಂಗನಾಥನ್ ಅವರು ಮುಂಜಾನೆ ಜಾಗಿಂಗ್ ಮಾಡುವಾಗ ಸಾರ್ವಜನಿಕ ಸ್ಥಳದಲ್ಲಿ ಎದುರಾದಂತ ಸಂದರ್ಭದಲ್ಲಿ ರೇಖಾ ನಾಯರ್ ಅವರೊಂದಿಗೆ ಮಾತಿನ ಚಕಮಕಿ ನಡೆಸಿದ್ದರು. ಇದು ಭಾರೀ ಸುದ್ದಿಯಾಗಿತ್ತು.
ಇದೇ ಚಿತ್ರದಲ್ಲಿ ನಟಿ ಬ್ರಿಗಿದಾ ಪಾರ್ಥಿಬನ್ ಪತ್ನಿಯ ಪಾತ್ರವನ್ನು ಮಾಡಿದ್ದಾರೆ. ಒಂದು ಪ್ರಮುಖ ದೃಶ್ಯದಲ್ಲಿ ಬೆತ್ತಲೆ ರೀತಿ ಕಾಣಿಸಿಕೊಂಡಿದ್ದಾರೆ. ಇದನ್ನು ನೋಡಿ ಬ್ರಿಗಿದಾ ಅವರ ಅಭಿಮಾನಿಗಳು ಅವರ ಮೇಲೆ ಅಸಮಾಧಾನಗೊಂಡಿದ್ದಾರೆ. ಪವಿ ಟೀಚರ್ ವೆಬ್ ಸರಣಿಯಲ್ಲಿ ಅವರ ಪಾತ್ರವನ್ನು ನೋಡಿ ಅಭಿಮಾನಿಗಳು ಫಿದಾ ಆಗಿದ್ದರು. ಆದರೆ, ಈ ಸಿನಿಮಾ ಅವರಿಗೆ ಸ್ವಲ್ಪವೂ ಇಷ್ಟವಿಲ್ಲ.
ಅಭಿಮಾನಿಗಳು ಅಸಮಾಧಾನಗೊಂಡಿರುವ ಸಂಗತಿ ಬ್ರಿಗಿದಾ ಅವರಿಗೆ ತಿಳಿದಿದ್ದು, ಈ ಬಗ್ಗೆ ಅವರು ಸ್ಪಷ್ಟನೆ ನೀಡಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಒಂದನ್ನು ಶೇರ್ ಮಾಡಿಕೊಂಡಿದ್ದು, ಒಂದು ಅಂಶವನ್ನು ಹೊರತುಪಡಿಸಿ ಎಲ್ಲವೂ ಸರಿಯಾಗಿದೆ. ಆ ಅಂಶವೇ ಬೆತ್ತಲೆ ದೃಶ್ಯ. ಆದರೆ, ನಾನು ಶಾರ್ಟ್ಸ್ ಮತ್ತು ಟಾಪ್ ಹಾಕಿಕೊಂಡಿದ್ದೆ. ಎಲ್ಲರು ಅಪಾರ್ಥ ಮಾಡಿಕೊಂಡಿದ್ದಾರೆ. ಥಂಬ್ನೈಲ್ಗಳಲ್ಲಿ ಫೋಟೋಗಳನ್ನು ಬಳಸುವ ಮೂಲಕ ನಾನು ಬೆತ್ತಲೆಯಾಗಿ ಕುಳಿತಿದ್ದೆ ಎಂದು ಅಪಪ್ರಚಾರ ಮಾಡಿದ್ದಾರೆ. ಸಾಧ್ಯವಾದರೆ ನಾನು ಹೇಳಿದ್ದನ್ನು ಇತರರಿಗೆ ತಿಳಿಸಿ ಇದನ್ನು ಹರಡಿ ಎಂದು ಬ್ರಿಗಿದಾ ಹೇಳಿದ್ದಾರೆ.
ಬ್ರಿಗಿಡಾ ಅವರು ಚರ್ಮದ ಬಣ್ಣದ ಮೇಲ್ಭಾಗವನ್ನು ಬೆತ್ತಲೆ ಚರ್ಮದಂತೆ ಕಾಣುವ ಎಲೆಸ್ಟಿಕ್ನೊಂದಿಗೆ ಧರಿಸಿದ್ದೆ ಎಂದು ವಿವರಿಸಿದ್ದಾರೆ. ಅಲ್ಲದೆ, ಈ ದೃಶ್ಯವನ್ನು ಮಾಡುವುದು ತುಂಬಾ ಅಹಿತಕರವಾಗಿತ್ತು. ಏಕೆಂದರೆ, ಅವರಿಗೆ ಕಡಿಮೆ ಬಟ್ಟೆಗಳನ್ನು ಧರಿಸಲು ತುಂಬಾ ಮುಜುಗರವಂತೆ ಮತ್ತು ದೇಹವನ್ನು ಬಹಿರಂಗಪಡಿಸುವ ಬಗ್ಗೆ ತುಂಬಾ ಜಾಗೃತರಂತೆ. ಆದರೂ, ಕತೆಗೆ ಅವಶ್ಯಕತೆ ಇದ್ದರಿಂದ ಈ ದೃಶ್ಯ ಮಾಡಬೇಕಾಯಿತು ಎಂದಿದ್ದಾರೆ.
ಅಂದಹಾಗೆ ಬ್ರಿಗಿದಾ ಅವರು ಮಾಸ್ಟರ್, ವೇಲನ್ ಮತ್ತು ಅಯೋಗ್ಯ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಇನ್ನೂ ಅನೇಕ ಸಿನಿಮಾಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. (ಏಜೆಸ್ಸೀಸ್)
ದಾಳಿ ಮಾಡಿದಷ್ಟು ದುಡ್ಡಿನ ರಾಶಿ! ನಟಿ ಅರ್ಪಿತಾಳ ಮತ್ತೊಂದು ಫ್ಲ್ಯಾಟ್ನಲ್ಲಿ 20 ಕೋಟಿ ನಗದು, 3 ಕೆಜಿ ಚಿನ್ನ ಪತ್ತೆ
ಬೆಳ್ಳಾರೆ ಬಿಜೆಪಿ ಯುವ ಮುಖಂಡ ಪ್ರವೀಣ್ ನೆಟ್ಟಾರ್ ಹತ್ಯೆ ಪ್ರಕರಣ: ಪ್ರಮುಖ ಆರೋಪಿ ಬಂಧನ
ಒಂದು ಚಪಾತಿ ಕೊಟ್ಟ ಮೇಲೂ ಇನ್ನೊಂದು ಕೇಳಿದ, ಕೊಡದಿದ್ದಕ್ಕೆ ನಡೆಯಿತು ಭೀಕರ ಹತ್ಯೆ!