ನವದೆಹಲಿ: ಸೆಲೆಬ್ರಿಟಿಗಳ ಮದುವೆಗಳು ಒಂದು ರೀತಿ ಕಾಲ್ಪನಿಕ ಕತೆಗಳಂತೆ ಅದನ್ನು ನೋಡಿ ಅಭಿಮಾನಿಗಳು ಎಷ್ಟು ಥ್ರಿಲ್ ಆಗುತ್ತಾರೋ ಅದೇ ರೀತಿಯಲ್ಲಿ ಸೆಲಿಬ್ರಿಟಿಗಳ ವಿಚ್ಛೇದನಗಳು ಕೂಡ ಅಭಿಮಾನಿಗಳನ್ನು ದುಃಖದಲ್ಲಿ ಮುಳುಗಿಸಿ ಬಿಡುತ್ತದೆ. ಸ್ಟಾರ್ ದಂಪತಿಯನ್ನು ನೋಡಿ ಖುಷಿಪಡುವ ಅಭಿಮಾನಿಗಳು ಅದೇ ಸ್ಟಾರ್ ದಂಪತಿ ಬೇರೆಯಾಗಿ ಕಿತ್ತಾಡುವುದನ್ನು ನೋಡಿ ಸ್ವಂತದವರ ರೀತಿಯಲ್ಲಿ ಭಾವುಕರಾಗುತ್ತಾರೆ.
ನಿಮಗೆ ಜಾನಿ ಡೆಪ್ ಗೊತ್ತಿರಬಹುದು. ಇವರು ಹಾಲಿವುಡ್ನ ಖ್ಯಾತ ನಟ. ಬ್ಲಾಕ್ಬಸ್ಟರ್ ಪೈರಟ್ಸ್ ಆಫ್ ದಿ ಕೆರೆಬ್ಬಿಯನ್ ಚಿತ್ರದಲ್ಲಿ ನಟಿಸಿದ್ದಾರೆ. ಜಾನಿ ಡೆಪ್ ಅವರಿಗೆ ಕೋಟ್ಯಾಂತರ ಅಭಿಮಾನಿಗಳಿದ್ದಾರೆ. ಅವರನ್ನು ಹೃದಯತುಂಬಿ ಆರಾಧಿಸುತ್ತಾರೆ. ಆದರೆ, ಇದೀಗ ಅವರ ವಿರುದ್ಧ ಕೇಳಿಬಂದಿರುವ ಆರೋಪ ಅಭಿಮಾನಿಗಳನ್ನು ದುಃಖದ ಕಡಲಿಗೆ ನೂಕಿದೆ.
ಜಾನಿ ಡೆಪ್ 2015ರಲ್ಲಿ ಹಾಲಿವುಡ್ ನಟಿ ಆ್ಯಂಬರ್ ಹರ್ಡ್ ಎಂಬುವರನ್ನು ಮದುವೆಯಾದರು. ಆದರೆ, ಕೇವಲ ಎರಡೇ ವರ್ಷದಲ್ಲಿ ಅಂದರೆ, 2017ರಲ್ಲಿ ಸ್ಟಾರ್ ದಂಪತಿ ಬೇರೆಯಾದರು.
ಇದಾದ ಬಳಿಕ ಕೌಟುಂಬಿಕ ಕಲಹದಿಂದ ಬಳಲಿದ್ದು, ಪರಿಹಾರವಾಗಿ 350 ಕೋಟಿ ರೂಪಾಯಿ ಕೊಡಬೇಕೆಂದು ಜಾನಿ ಡೆಪ್ ವಿರುದ್ಧ ಆ್ಯಂಬರ್ ಹರ್ಡ್ ಕೋರ್ಟ್ನದಲ್ಲಿ ದಾವೆ ಹೂಡಿದರು. ಇದಕ್ಕೆ ಪ್ರತಿಯಾಗಿ ಜಾನಿ ಡೆಪ್ ಕೂಡ ಮಾನನಷ್ಟ ಮೊಕದ್ದಮೆಯನ್ನು ದಾಖಲಿಸಿದ್ದಾರೆ. ಇನ್ನು ಹರ್ಡ್ ತನ್ನ ಮಾಜಿ ಪತಿ ವಿರುದ್ಧ ಗಂಭೀರ ಆರೋಪವನ್ನು ಮಾಡಿದ್ದಾರೆ. ಬೆರಳನ್ನು ಕತ್ತರಿಸಿದ್ದಲ್ಲದೆ, ಮೃಗೀಯವಾಗಿ ಲೈಂಗಿಕ ಕ್ರಿಯೆಯಲ್ಲಿ ತೊಡಿಸಿಕೊಂಡಿದ್ದಾರೆ ಎಂದು ಆಪಾದಿಸಿದ್ದಾರೆ.
ಆ್ಯಂಬರ್ ಪರ ವಕಾಲತ್ತು ವಹಿಸಿರುವ ವಕೀಲ ಎಲೈನ್ ಬ್ರೆಡೆಹೊಫ್ಟ್ ಹೇಳಿಕೆ ಪ್ರಕಾರ ಹರ್ಡ್ ಅವರ ಮೇಲೆ ಕೆಲ ಹೀನ ಕೃತ್ಯಗಳನ್ನು ಜಾನಿ ಡೆಪ್ ಎಸಗಿದ್ದಾರಂತೆ. ನೈಟ್ಗೌನ್ ಹರಿದು ವಿಚಿತ್ರವಾಗಿ ವರ್ತಿಸಿದ್ದಾನೆ. ಅಲ್ಲದೆ, ಆಕೆಯ ಗುಪ್ತಾಂಗಕ್ಕೆ ಮದ್ಯದ ಬಾಟಲ್ ತೂರಿಸಿ ಮೃಗೀಯವಾಗಿ ನಡೆದುಕೊಂಡಿದ್ದಾನೆ ಎಂದು ನ್ಯಾಯಾಲಯದಲ್ಲಿ ಹೇಳಿಕೆ ನೀಡಿದ್ದಾರೆ.
58 ವರ್ಷದ ಡೆಪ್ ಅವರು ತಮ್ಮ ವಿರುದ್ಧದ ಆರೋಪಗಳನ್ನು ನಿರಾಕರಿಸಿದ್ದಾರೆ. ಡೆಪ್ ಪರ ವಕೀಲರಾದ ಕ್ಯಾಮಿಲ್ಲೆ ವಾಸ್ಕ್ವೆಜ್ ಹೇಳಿಕೆ ಪ್ರಕಾರ ಹರ್ಡ್ ತನ್ನ ಸಾರ್ವಜನಿಕ ಚಿತ್ರದ ಬಗ್ಗೆ ಗೀಳನ್ನು ಹೊಂದಿದ್ದಾಳೆ. ಅವಳು ಸಂತ್ರಸ್ತೆ ಎಂಬ ಪಾತ್ರದಲ್ಲೇ ಹಲವು ವರ್ಷಗಳಿಂದ ಬದುಕುತ್ತಿದ್ದಾರೆ. ಸಂತ್ರಸ್ತೆಯಾಗಿ ತಮ್ಮ ಅಭಿನಯವನ್ನು ನೀಡಲು ತಯಾರಿ ನಡೆಸುತ್ತಿದ್ದಾರೆ ಎನ್ನುವ ಮೂಲಕ ಹರ್ಡ್ ಆರೋಪ ಸುಳ್ಳು ಎಂದು ವ್ಯಂಗ್ಯವಾಡಿದ್ದಾರೆ. (ಏಜೆನ್ಸೀಸ್)
ಮೊಟ್ಟ ಮೊದಲ ಬಾರಿಗೆ ಸಚಿವೆಯಾಗುವ ಮೂಲಕ ತನ್ನ ಮೇಲಿನ ಕಳಂಕ ತೊಡೆದು ಹಾಕಿದ ನಟಿ ರೋಜಾ!
ಇಸ್ಲಾಂ ಧರ್ಮಕ್ಕೆ ಮತಾಂತರ ಆಗಿದ್ದಾರಾ ನಟ ವಿಶಾಲ್? ಜಾಲತಾಣದಲ್ಲಿ ಬಿರುಗಾಳಿ ಎಬ್ಬಿಸಿದೆ ಈ ಒಂದು ಟ್ವೀಟ್!
ಕೆಜಿಎಫ್-2 ಚಿತ್ರತಂಡಕ್ಕೆ ಕೃತಜ್ಞತೆ ಇಲ್ಲವೇ? ನೀವು ಮಾಡಿದ್ದು ಸರಿನಾ ಎಂಬುದು ಕೆಜಿಎಫ್ ಜನರ ಪ್ರಶ್ನೆ!