ನಿಮ್ಮ ಮನೆಯಲ್ಲಿ ತರಕಾರಿ ಖಾಲಿಯಾಗಿದ್ರೆ ದಿಢೀರೆಂದು ಮಾಡಿ ಈ 'ಫಟಾಫಟ್​ ರೈಸ್'

Quick, Simple & Instant Recipe

ಮನೆಯಲ್ಲಿ ತರಕಾರಿಗಳು, ಆಹಾರ ಪದಾರ್ಥಗಳು ಖಾಲಿಯಾದಾಗ ದಿಢೀರೆಂದು ಅತೀ ಸುಲಭವಾಗಿ ಮಾಡಬಹುದಾದ ಬಾಯಿಗೆ ರುಚಿ ಕೊಡುವ ಒಂದು ಸಿಕ್ರೇಟ್​ ರೆಸಿಸಿ ಬಗ್ಗೆ ತಿಳಿಯೋಣ ಬನ್ನಿ. ಬ್ಯಾಚುಲರ್ಸ್​ಗಳಿಗಂತೂ ಈ ರೆಸಿಪಿ ಹೇಳಿ ಮಾಡಿಸಿದ್ದು. ಮನೆ ಮಂದಿಯೆಲ್ಲಾ ಒಂದು ತುತ್ತು ಹೆಚ್ಚಿಗೆ ತಿನ್ನುವ ಈ ರೆಸಿಪಿಯ ಹೆಸರು ಫಟಾಫಟ್​ ರೈಸ್​. ಇಂಗ್ಲಿಷ್​ ಹೆಸರಿದೆಯಲ್ಲಾ ಚೈನೀಸ್​ ಫುಡ್​​ ಎಂದು ಭಾವಿಸಬೇಡಿ. ಇದೊಂದು ಪಕ್ಕಾ ಹಳ್ಳಿ ಶೈಲಿಯ ಅದ್ಭುತ ಕೈರುಚಿ. ಈ ಫಟಾಫಟ್​ ರೈಸ್ ಮಾಡೋದು ಹೇಗೆಂದು ನೋಡೋಣ.

ಇದನ್ನೂ ಓದಿ: https://www.vijayavani.net/health-health-benefits-of-beetroot-juice-in-kannada

ಬೇಕಾಗುವ ಆಹಾರ ಪದಾರ್ಥಗಳು:

ಬೇಯಿಸಿದ ಅನ್ನ - 3 ಕಪ್​
ಶುಂಠಿ ಪೇಸ್ಟ್​ - 1/2 ಚಮಚ
ಬೆಳ್ಳುಳ್ಳಿ ಪೇಸ್ಟ್​ - 1/2 ಚಮಚ
ತುಪ್ಪ - 2 ಚಮಚ
ಖಾರದ ಪುಡಿ - 1/2 ಚಮಚ
ಉಪ್ಪು - ರುಚಿಗೆ ತಕ್ಕಷ್ಟು

ಮಾಡುವ ವಿಧಾನ:
ಮೊದಲಿಗೆ ಕುಕ್ಕರ್​ನಲ್ಲಿ ಅನ್ನ ಮಾಡಿಟ್ಟುಕೊಳ್ಳಿ. ಮನೆ ಮಂದಿಗೆಲ್ಲಾ ಆಗುವಂತೆ ಅಳತೆಯಲ್ಲಿ ಅನ್ನ ಮಾಡಿ. ನಂತರ ಬಿಸಿ ಬಿಸಿ ಅನ್ನವನ್ನು ತಟ್ಟೆಯಲ್ಲಿ ಅಥವಾ ಒಂದು ಪಾತ್ರೆಗೆ ಹಾಕಿ ಅದಕ್ಕೆ ಈ ಮೇಲೆ ಹೇಳಿರುವ ಸಾಮಾಗ್ರಿಗಳ ಮಿಶ್ರಣ ಹಾಕಿ ಮಿಕ್ಸ್​ ಮಾಡಿ. ಬಿಸಿ ಬಿಸಿ ಅನ್ನದ ಮೇಲೆ ಶುಂಠಿ - ಬೆಳ್ಳುಳ್ಳಿ ಪೇಸ್ಟ್​, ತುಪ್ಪ, ಖಾರದಪುಡಿ, ಉಪ್ಪು ಸೇರಿಸಿ ಚೆನ್ನಾಗಿ ಕಲಸಿದರೆ ಫಟಾಫಟ್​ ರೈಸ್​ ಸವಿಯಲು ಸಿದ್ಧ. ಈ ಅಡುಗೆಗೆ ತುಪ್ಪ ಇಲ್ಲವಾದಲ್ಲಿ ಕೊಬ್ಬರಿ ಎಣ್ಣೆ ಅಥವಾ ಅಡುಗೆ ಎಣ್ಣೆಯನ್ನು ಬಳಸಬಹುದು. ಶುಂಠಿ - ಬೆಳ್ಳುಳ್ಳಿ ಪೇಸ್ಟ್ ಮನೆಯಲ್ಲೇ ಮಾಡಿದ್ದರೆ ರುಚಿ ಹೆಚ್ಚು.

ಈ ರೆಸಿಪಿಯನ್ನು ಹೆಚ್ಚಾಗಿ ಮನೆಯಲ್ಲಿ ತರಕಾರಿ, ದಿನಸಿ ಖಾಲಿಯಾದಂತಹ ಸಮಯದಲ್ಲಿ ಮಾಡಬಹದು. ಜತೆಗೆ ರುಚಿಯೂ ಹೆಚ್ಚು. ಮಕ್ಕಳಿಗೆ, ಹುಷಾರಿಲ್ಲದವರಿಗೆ ಬಾಯಿ ಕೆಟ್ಟಾಗ ಈ ಅಡುಗೆ ಮಾಡಿ ಕೊಟ್ಟರೆ ಅವರು ಒಂದು ತುತ್ತು ಹೆಚ್ಚು ತಿನ್ನುವುದರಲ್ಲಿ ಸಂಶಯವಿಲ್ಲ. ಮಕ್ಕಳಿಗಂತೂ ಈ ಅನ್ನವನ್ನು ಕಲಸಿಕೊಟ್ಟರೆ ಅಜ್ಜಿಯ ಕೈತುತ್ತು ತಿಂದಷ್ಟೇ ಖುಷಿಯಾಗುತ್ತದೆ. ಇನ್ನೇಕೆ ತಡ ನೀವೂ ಒಮ್ಮೆ ಮಾಡಿ ಈ ದಿಢೀರ್​ ರೆಸಿಸಿ ಫಟಾಫಟ್​ ರೈಸ್​.

https://www.vijayavani.net/why-do-we-indians-eat-with-our-hands-know-the-scientific-reason