ಉಪ್ಪು ನೀರಿನ ಹೊಳೆಯಲ್ಲಿ ಪಚ್ಚಿಲೆ ಕೃಷಿ ನೆಪದಲ್ಲಿ ಮಾಡಲಾದ ಕಂಬಗಳ ಚಪ್ಪರ ಇಡೀ ಹೊಳೆಯನ್ನೇ ಆವರಿಸಿದ್ದು, ಸಾಂಪ್ರದಾಯಿಕ ಮೀನುಗಾರಿಕೆ ಮಾಡುವವರ ಜೀವನ ಸ್ಥಿತಿ ಅಧೋಗತಿಗೆ ಇಳಿಯುತ್ತಿದೆ ಎಂದು ಮೀನುಗಾರರು ಪ್ರಶ್ನಿಸಿದ್ದು, ಇಲಾಖೆಯ ಅಧಿಕಾರಿಗಳು ಸಭೆಗೆ ಗೈರಾಗಿದ್ದರಿಂದ ಮೀನುಗಾರರು ಆಕ್ರೋಶ ವ್ಯಕ್ತಪಡಿಸಿದರು. ಈ ಕುರಿತು ಪ್ರತಿಕ್ರಿಯಿಸಿದ ಕಿನಾರಾ ಮೀನುಗಾರ ಸೊಸೈಟಿ ನಿರ್ದೇಶಕ ಸುದಿನ ಕೋಡಿ, ಇತ್ತೀಚೆಗಿನಿಂದ ಪಚ್ಚಿಲೇ ಕೃಷಿ ಉದ್ಯಮವಾಗಿದೆ. ಆದರೂ ಕೆಲವರು ಸಹಿ ಪಡೆದು ಸರ್ಕಾರದ ಸಬ್ಸಿಡಿ ಪಡೆಯುತ್ತಿದ್ದು, ಸಾಂಪ್ರದಾಯಿಕ ಮೀನುಗಾರರೂ ಒಳಗೊಂಡಿದ್ದಾರೆ. ಅಕ್ರಮ ವ್ಯವಸ್ಥೆ ಪತ್ತೆಯಾದರೆ ಅದನ್ನು ತೆರವುಗೊಳಿಸಲಾಗುತ್ತದೆ ಎಂದರು. ಧ್ವನಿಗೂಡಿಸಿದ ಪಿಡಿಒ ಈ ಕುರಿತು ಶೀಘ್ರವೇ ಇಲಾಖಾಧಿಕಾರಿಗಳ ಸಮ್ಮುಖದಲ್ಲಿ ವಿಶೇಷ ಸಭೆ ಆಯೋಜಿಸಲಾಗುತ್ತದೆ ಎಂದರು.
