ಕಾರಣ -ಲಾಭ ಏನೇ ಇರಲಿ, ಈ ರೀತಿಯ ಗಾಸಿಪ್ಗೆ ಆಹಾರವಾದಾಗ ಮಹಿಳೆಯರಿಗೆ ಆಗುವ ಮನಸ್ಸಿಗಾಗುವ ಆಘಾತ ಅಪಾರ. ಬೇಸರ, ದುಃಖ, ಆಕ್ರೋಶ ಕಡೆಗೆ ಜೀವನವೇ ಬೇಡ ಎನ್ನುವಷ್ಟರ ಮಟ್ಟಿಗೆ ನೋವಾಗಬಹುದು. ಗಾಸಿಪ್ ಮಾಡುವುದರ ಉದ್ದೇಶವೇ ಅಸೂಯೆ, ಇತರರನ್ನು ಕುಗ್ಗಿಸುವುದು. ಹಾಗಾಗಿ ಗಾಸಿಪ್ಗೆ ಬೆಲೆ ಕೊಟ್ಟು ಧೈರ್ಯಗುಂದಿದಲ್ಲಿ ಮಾಡುವವರ ಉದ್ದೇಶ ಸಾರ್ಥಕವಾದಂತೆ. ಗಾಸಿಪ್ಗೆ ರೆಕ್ಕೆ ಪುಕ್ಕಗಳಿದ್ದು ವೇಗವಾಗಿ ಹರಡುವ ಶಕ್ತಿಯಿದ್ದರೂ ಅಲ್ಪಾಯುಷಿ. ಆದರೆ ಸತ್ಯದ ಸದೃಢ ನಡಿಗೆ ನಿರಂತರವಾಗಿದ್ದು ದೀರ್ಘಕಾಲ ಬದುಕುತ್ತದೆ. ಹಾಗಾಗಿ ಗಾಸಿಪ್ನ ಮೂಲವನ್ನು ಹುಡುಕುತ್ತಾ ಮನಸ್ಸಿನ ನೆಮ್ಮದಿಯನ್ನು ಕಳೆದುಕೊಳ್ಳುವುದರ ಬದಲು ನಿರ್ಲಕ್ಷ ಮಾಡುವುದು ಅಥವಾ ನಕ್ಕು ಸುಮ್ಮನಾಗುವುದು ಅದನ್ನು ನಿಭಾಯಿಸುವ ಸರಿಯಾದ ಕ್ರಮ. ಹಾಗೆಯೇ ಉಂಟಾದ ಸಂಕಟವನ್ನು, ಸೃಜನಶೀಲವಾಗಿ ಸಕಾರಾತ್ಮಕವಾಗಿ ಬಳಸಿಕೊಳ್ಳುವುದು ತಕ್ಕದಾದ ಪ್ರತ್ಯುತ್ತರ.
