‘ಪುಷ್ಪ ದಿ ರೈಸ್’ ಚಿತ್ರದ ಯಶಸ್ಸಿನ ಬಳಿಕ ‘ಪುಷ್ಪ ದಿ ರೂಲ್’ ಪ್ರಾರಂಭಕ್ಕಾಗಿ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದರು. ಅಂತೂ 11 ತಿಂಗಳ ಬಳಿಕ ‘ಪುಷ್ಪ 2’ ಮೊದಲ ಶೆಡ್ಯುಲ್ ಚಿತ್ರೀಕರಣ ಪ್ರಾರಂಭವಾಗಲಿದೆ. ನ. 14ರಿಂದ ಬ್ಯಾಂಕಾಕ್ನಲ್ಲಿ ಚಿತ್ರದ ಶೂಟಿಂಗ್ ಪ್ರಾರಂಭವಾಗಲಿದೆ ಎಂಬ ಸುದ್ದಿಯೊಂದು ಟಾಲಿವುಡ್ ಅಂಗಳದಲ್ಲಿ ಹರಿದಾಡುತ್ತಿದೆ. ಸದ್ಯ ಅಲ್ಲು ಅರ್ಜುನ್ ಗೆಳೆಯನ ಮದುವೆಯಲ್ಲಿ ಭಾಗವಹಿಸಲು ಕುಟುಂಬ ಸಮೇತ ದಕ್ಷಿಣ ಆಫ್ರಿಕಾದಲ್ಲಿದ್ದಾರೆ. ಅಲ್ಲಿಂದ ವಾಪಸ್ಸಾದ ಬಳಿಕ ನ. 13ರಂದು ಬ್ಯಾಂಕಾಕ್ಗೆ ತೆರಳಲಿದ್ದಾರೆ ಎನ್ನಲಾಗಿದೆ. ಈಗಾಗಲೇ ಚಿತ್ರತಂಡ ಬ್ಯಾಂಕಾಕ್ಗೆ ತೆರಳಿದ್ದು, ಚಿತ್ರೀಕರಣಕ್ಕಾಗಿ ಸಿದ್ಧತೆ ಮಾಡಿಕೊಳ್ಳುತ್ತಿದೆಯಂತೆ.
ಸುಮಾರು 15 ದಿನಗಳ ಕಾಲ ಬ್ಯಾಂಕಾಕ್ ಸುತ್ತಮುತ್ತಲಿನ ಕಾಡುಗಳಲ್ಲಿ ಆಕ್ಷನ್ ಸನ್ನಿವೇಶಗಳ ಚಿತ್ರೀಕರಣ ನಡೆಯಲಿದ್ದು, ಆ ಬಳಿಕ ಚಿತ್ರತಂಡ ಭಾರತಕ್ಕೆ ವಾಪಸ್ಸಾಗಲಿದೆ. ನಂತರ ನಾಯಕ ಅಲ್ಲು ಅರ್ಜುನ್, ರಷಿಯಾದಲ್ಲಿ ಬಿಡುಗಡೆಗೆ ಸಿದ್ದವಾಗಿರುವ ‘ಪುಷ್ಪ’ ಚಿತ್ರದ ಪ್ರಚಾರಕ್ಕೆ ಹೋಗಲಿದ್ದಾರಂತೆ. ಅಲ್ಲಿಂದ ವಾಪಸ್ಸಾದ ಬಳಿಕ ಹೈದರಾಬಾದ್ನಲ್ಲಿ ನಡೆಯಲಿರುವ ಹೊಸ ಶೆಡ್ಯುಲ್ಗೆ ನಾಯಕಿ ರಶ್ಮಿಕಾ ಮಂದಣ್ಣ ಚಿತ್ರತಂಡ ಸೇರಿಕೊಳ್ಳಲಿದ್ದಾರೆ. ಇದೆಲ್ಲದರ ನಡುವೆ ಇದೇ ತಿಂಗಳಂತ್ಯಕ್ಕೆ ಚಿತ್ರದ ಪೋಸ್ಟರ್ ಟೀಸರ್ ಬಿಡುಗಡೆ ಮಾಡುವ ಆಲೋಚನೆಯೂ ಇದೆಯಂತೆ. ಆದರೆ ಸದ್ಯಕ್ಕಿನ್ನೂ ಆ ಕುರಿತು ಚಿತ್ರತಂಡ ಅಧಿಕೃತಿ ಮಾಹಿತಿ ನೀಡಿಲ್ಲ.
2021ರ ಡಿಸೆಂಬರ್ 17ರಂದು ‘ಪುಷ್ಪ’ ಬಿಡುಗಡೆಯಾಗಿತ್ತು. ಈಗ 11 ತಿಂಗಳ ಬಳಿಕ ಚಿತ್ರೀಕರಣ ಪ್ರಾರಂಭಿಸುತ್ತಿದ್ದು, ಮುಂದಿನ ವರ್ಷದಂತ್ಯಕ್ಕೆ ‘ಪುಷ್ಪ ದಿ ರೂಲ್’ ರಿಲೀಸ್ ಮಾಡುವ ಸಾಧ್ಯತೆಯಿದೆ. ಮೊದಲ ಭಾಗಕ್ಕಿಂತ ದೊಡ್ಡ ಮಟ್ಟದಲ್ಲಿ, ಹೆಚ್ಚು ಬಜೆಟ್ನಲ್ಲಿ ‘ಪುಷ್ಪ 2’ ಬಿಡುಗಡೆಯಾಗಲಿದ್ದು, ಪ್ರಾರಂಭದಿಂದಲೇ ಚಿತ್ರತಂಡ ಮೆಗಾ ಪ್ಲ್ಯಾನ್ ಮಾಡಿಕೊಂಡಿದೆ. ಅದರಂತೆ ಇದೇ ಡಿ. 16ರಂದು ವಿಶ್ವದಾದ್ಯಂತ ಜೇಮ್ಸ್ ಕ್ಯಾಮರಾನ್ ನಿರ್ದೇಶನದ ‘ಅವತಾರ್ 2’ ಬಿಡುಗಡೆಯಾಗಲಿದ್ದು, ಆ ಚಿತ್ರದ ಜತೆಗೆ 25 ಭಾಷೆಗಳಲ್ಲಿ ‘ಪುಷ್ಪ 2’ ಟೀಸರ್ರಿಲೀಸ್ ಮಾಡಲು ಚಿತ್ರತಂಡ ಯೋಚಿಸಿದೆ ಎನ್ನಲಾಗಿದೆ. –ಏಜೆನ್ಸೀಸ್
ಸುನೀಲ್ ಶೆಟ್ಟಿ ಜತೆ ಹಿಂದಿ ವೆಬ್ ಸೀರಿಸ್ನಲ್ಲಿ ‘ಗಾಳಿಪಟ’ದ ಭಾವನಾ..