IPL 2024: ಪಂಜಾಬ್​ ತಂಡಕ್ಕೆ ಬಿಗ್ ಶಾಕ್: ಸ್ಟಾರ್ ಆಟಗಾರನಿಗೆ ಗಾಯ..! ತಂಡದಿಂದ ಹೊರಕ್ಕೆ?

ನವದೆಹಲಿ: 17ನೇ ಆವೃತ್ತಿಯ ಐಪಿಎಲ್ ಟೂರ್ನಿಯಲ್ಲಿ ಸತತ ಪಂದ್ಯಗಳನ್ನು ಸೋತಿರುವ ಪಂಜಾಬ್​ ಕಿಂಗ್ಸ್​ ತಂಡಕ್ಕೆ ಇದೀಗ ದೊಡ್ಡ ಆಘಾತ ಎದುರಾಗಿದೆ. ಮುಂಬರುವ ಕೆಲವು ಪಂದ್ಯಗಳಿಗೆ ತಂಡದ ನಾಯಕ ಶಿಖರ್ ಧವನ್​ ಅಲಭ್ಯರಾಗಲಿದ್ದಾರೆ. ಇದು ಪಂಜಾಬ್ ತಂಡಕ್ಕೆ ಹಿನ್ನಡೆಯನ್ನುಂಟು ಮಾಡುವ ಸಾಧ್ಯತೆಯಿದೆ.

ಇದನ್ನೂ ಓದಿ: ಪಾರ್ಕಿಂಗ್​​​ ಮಾಡುವಾಗ ಎಚ್ಚರ! 14 ತಿಂಗಳ ಮಗುವಿನ ಮೇಲೆ ಹರಿದ ಕಾರು; ಮಗು ಸಾವು!

ಭುಜದ ನೋವಿನಿಂದ ಬಳಲುತ್ತಿರುವ ಶಿಖರ್ ಧವನ್​ ಅವರು ಶನಿವಾರ ನಡೆದ ರಾಜಸ್ಥಾನ ರಾಯಲ್ಸ್​ ವಿರುದ್ಧ ಹೊರಗುಳಿದಿದ್ದರು. ಈ ಪಂದ್ಯದಲ್ಲಿ ಶಿಖರ್ ಬದಲಿಗೆ ಸ್ಯಾಮ್​ ಕರಣ್​ ಅವರು ತಂಡವನ್ನು ಮುನ್ನಡೆಸಿದ್ದರು.

ಈ ಕುರಿತು ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ತಂಡದ ನಿರ್ದೇಶಕ ಸಂಜಯ್ ಬಂಗಾರ್ ಮಾತನಾಡಿ, ಶಿಖರ್ ಧವನ್ ಅವರು ಭುಜದ ನೋವಿನಿಂದ ಬಳಲುತ್ತಿದ್ದು ಅವರು ಕನಿಷ್ಠ 7 ರಿಂದ 10 ದಿನಗಳ ಕಾಲ ಹೊರಗುಳಿಯುವ ಸಾಧ್ಯತೆ ಇದೆ ಎಂದು ತಿಳಿಸಿದ್ದಾರೆ. ತಂಡದ ಒಬ್ಬ ಅನುಭವಿ ಆರಂಭಿಕರ ಆಟಗಾರ ಶಿಖರ್ ಧವನ್​ ನಂತಹವರು ಅಂತಹ ವಿಕೆಟ್‌ಗಳಲ್ಲಿ ಆಡಿದ ಅನುಭವ ಹೊಂದಿರುವವರು ತಂಡಕ್ಕೆ ಅತ್ಯಂತ ನಿರ್ಣಾಯಕರಾಗುತ್ತಾರೆ ಎಂದಿದ್ದಾರೆ.

ಶಿಖರ್ ಧವನ್ ಅವರು ಚಿಕಿತ್ಸೆಗೆ ಹೇಗೆ ಪ್ರತಿಕ್ರಿಯಿಸುತ್ತಾರೆ ಎಂಬುದನ್ನು ನಾವು ಕಾದು ನೋಡಬೇಕಿದೆ. ಈ ವೇಳೆ ಅವರು ಕೆಲ ದಿನಗಳು ತಂಡದಿಂದ ಹೊರಗುಳಿಯಬಹುದು ಎಂದು ತೋರುತ್ತಿದೆ ಎಂದು ಪಂದ್ಯದ ನಂತರದ ಪತ್ರಿಕಾಗೋಷ್ಠಿಯಲ್ಲಿ ಬಂಗಾರ್ ಹೇಳಿದರು.

ಶನಿವಾರ ನಡೆದ ರಾಜಸ್ಥಾನ ರಾಯಲ್ಸ್​ ಧವನ್ ಆಡಿದಿರುವುದು ನಮಗೆ ಸ್ವಲ್ಪ ಹಿನ್ನಡೆಯಾಯಿತು ಒಂದು ಲೆಕ್ಕದಲ್ಲಿ ಸೋಲಿಗೆ ಇದು ಒಂದು ಕಾರಣವಾಗಬಹುದು ಎಂದು ತಂಡದ ನಿರ್ದೇಶಕ ಬಂಗಾರ್ ಕಳವಳಕಾರಿ ಕಳವಳ ವ್ಯಕ್ತಪಡಿಸಿದರು.

https://www.vijayavani.net/bjp-to-expand-vande-bharat-bullet-train-projects-pm-modi