ಬೀದಿ ನಾಯಿಗಳ ಕಾಟ- ಭೀಕರ ರಸ್ತೆ ಅಪಘಾತದಲ್ಲಿ ಪ್ರಾಣ ಕಳೆದುಕೊಂಡ್ರು ಪಿಎಸ್​ಐ

ಬೆಳಗಾವಿ: ಸ್ಥಳೀಯ ಖಡೇಬಜಾರ್​ ಪೊಲೀಸ್​ ಠಾಣೆಯ ಪಿಎಸ್​ಐ ಮನೋಹರ ಗಣಾಚಾರಿ ಅವರು ಶನಿವಾರ ನಸುಕಿನಲ್ಲಿ ನಡೆದ ರಸ್ತೆ ಅಪಘಾತದಲ್ಲಿ ಮೃತಪಟ್ಟಿದ್ದಾರೆ.

ಅವರಿಗೆ 58 ವರ್ಷ ವಯಸ್ಸಾಗಿತ್ತು. ಸೇವಾ ನಿವೃತ್ತಿಗೆ ಇನ್ನು ಕೆಲವೇ ತಿಂಗಳು ಬಾಕಿ ಇದ್ದವು. ಅವರು ಬೆಳಗ್ಗೆ 6 ಗಂಟೆಗೆ ಕರ್ತವ್ಯಕ್ಕೆ ಹಾಜರಾಗಲೆಂದು ನಗರದ ವಡಗಾವಿ ಯಳ್ಳೂರು ರಸ್ತೆಯ ಮನೆಯಿಂದ ಹೊರಟು ಬರುತ್ತಿದ್ದಾಗ ಕೆಎಲ್​ಇ ಆಸ್ಪತ್ರೆಯ ಸಮೀಪ ಕೆಲವು ಬೀದಿ ನಾಯಿಗಳು ರಸ್ತೆಗಡ್ಡ ಬಂದಿದ್ದವು. ಅವುಗಳನ್ನು ತಪ್ಪಿಸಲು ಪ್ರಯತ್ನಿಸಿದಾಗ ದ್ವಿಚಕ್ರವಾಹನ ಸ್ಕಿಡ್ ಆಗಿ ಬಿದ್ದುಬಿಟ್ಟಿದ್ದರು. ಗಂಭೀರಗಾಯಗೊಂಡ ಅವರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ.

ಈ ಸಂಬಂಧ ಸ್ಥಳೀಯ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಅವರ ಪಾರ್ಥಿವ ಶರೀರದ ಅಂತ್ಯ ಸಂಸ್ಕಾರ ಇಂದೇ ನಡೆಯಲಿದೆ ಎಂದು ಆಪ್ತರು ತಿಳಿಸಿದ್ದಾರೆ.

https://www.vijayavani.net/woman-slipped-from-compound-wall-and-died/

https://www.vijayavani.net/parents-of-girl-who-dropped-apple-ordered-to-pay-compensation-for-freak-accident-in-dongguan-china/