ಪ್ರವಾದಿ ಮುಹಮ್ಮದ್ (ಸ)ರ ಕಾಲದಲ್ಲೂ ಇಂತಹದೇ ಪರಿಸ್ಥಿತಿ ಅರೇಬಿಯಾದಲ್ಲಿತ್ತು ಅಥವಾ ಇದಕ್ಕಿಂತಲೂ ಭಯಾನಕವಾಗಿತ್ತು. ಆದರೆ, ಪ್ರವಾದಿವರ್ಯರು ಕೇವಲ 23 ವರ್ಷಗಳ ಅವಧಿಯಲ್ಲಿ ಆ ಕಗ್ಗತ್ತಲೆಯನ್ನು ಹೊಡೆದೋಡಿಸಿ ಮಾನವ ಹಿರಿಮೆ-ಘನತೆಯನ್ನು ಎತ್ತಿ ಹಿಡಿದು ದಯೆ, ಕರುಣೆ, ಪ್ರೀತಿ, ವಾತ್ಸಲ್ಯ ಹಾಗೂ ನಿರ್ಭಯದಿಂದ ಕೂಡಿದ ಕಲ್ಯಾಣ ಸಮಾಜವನ್ನು ಕಟ್ಟಿದರು. ಇಂದು ನಮ್ಮೆದುರು ಇರುವ ಜ್ವಲಂತ ಸಮಸ್ಯೆಗಳಿಗೆ ಅವರ ಜೀವನ- ಸಂದೇಶದಿಂದ ಪರಿಹಾರವಿದೆ. ಆದ್ದರಿಂದಲೇ, ಇಂದು ಅವರ ಜೀವನ - ಸಂದೇಶದ ಬಗ್ಗೆ ರ್ಚಚಿಸುವುದು ಅನಿವಾರ್ಯ ಎಂದೆನಿಸುತ್ತದೆ. ಪ್ರವಾದಿ ಮುಹಮ್ಮದ್ರ(ಸ) ವಿಶೇಷತೆಯೇನೆಂದರೆ, ಅವರು ಸಾಮಾಜಿಕ, ಆರ್ಥಿಕ, ರಾಜಕೀಯ, ಕೌಟುಂಬಿಕ, ಶೈಕ್ಷಣಿಕ... ಹೀಗೆ ಜೀವನದ ಎಲ್ಲಾ ಕ್ಷೇತ್ರಗಳ ಚಟುವಟಿಕೆಗಳನ್ನು ‘ದೇವಾರಾಧನೆ’ ಎಂಬ ಕ್ರಾಂತಿಕಾರಕ ಚೌಕಟ್ಟಿನಲ್ಲಿ ಪೋಣಿಸಿದ್ದಾರೆ. ಮಾತ್ರವಲ್ಲ, ಅವೆಲ್ಲವನ್ನೂ ಪ್ರಾಯೋಗಿಕವಾಗಿ ಜಾರಿಗೆ ತಂದು ಸುಭಿಕ್ಷ, ಸುರಕ್ಷಿತ ಸಮಾಜದ ಕಟ್ಟುವಿಕೆ ಅಸಾಧ್ಯವಲ್ಲ ಎಂಬುದನ್ನು ಸಾಬೀತುಪಡಿಸಿದ್ದಾರೆ. ಇವತ್ತಿನ ಸಾಮಾಜಿಕ ಪರಿಸ್ಥಿತಿಯ ಹಿನ್ನೆಲೆಯಲ್ಲಿ ನೋಡುವುದಾದರೆ ಪ್ರವಾದಿಯವರ ಆಲೋಚನೆಗಳು ಅತ್ಯಂತ ಪ್ರಸ್ತುತ. ಅವರು ಚರ್ಚೆಗೊಳಗಾಗುವುದು ಉತ್ತಮ ಸಮಾಜದ ನಿರ್ವಣಕ್ಕೆ ಯೋಗ್ಯ ಕ್ರಮ ಎಂದು ತೋರುತ್ತದೆ.
