ಮಲ್ಟಿ ಸ್ಪೆಷಾಲಿಟಿ ಆಸ್ಪತ್ರೆ ಇಲ್ಲದ ಅತಿದೊಡ್ಡ ಜಿಲ್ಲೆ ಉತ್ತರಕನ್ನಡಕ್ಕೆ ಸ್ವಾಗತ ಎಂದು ಫಲಕವೊಂದರ ಮೂಲಕ ಹೇಳುತ್ತಲೇ ಸ್ಥಳೀಯರು ಎಚ್ಚರಿಕೆಯೊಂದನ್ನು ಕೂಡ ನೀಡಲಾರಂಭಿಸಿದ್ದಾರೆ. “ವಾಹನ ಸವಾರರಿಗೆ ವಿಶೇಷ ಸೂಚನೆ”, ಇಲ್ಲಿ ಅಪಘಾತವಾದರೆ ಉತ್ತರ- ದಕ್ಷಿಣಕ್ಕೆ 150 ಕಿ.ಮಿ. ದೂರದವರೆಗೂ ಯಾವುದೇ ಮಲ್ಟಿ ಸ್ಪೆಷಾಲಿಟಿ ಆಸ್ಪತ್ರೆ ಸೌಲಭ್ಯ ಇರುವುದಿಲ್ಲ. “ಇಲ್ಲಿ ನಿಮ್ಮ ಜೀವಕ್ಕೆ ನೀವೇ ಹೊಣೆ" ಸುರಕ್ಷಿತವಾಗಿ ಸೇರಲಿ ನಿಮ್ಮ ಕುಟುಂಬ, ಜನಹಿತಕ್ಕಾಗಿ ಜಾರಿ.. ಎಂಬ ಈ ಫಲಕ ಪ್ರದರ್ಶಿಸಲಾಗುತ್ತಿದೆ. ಆದರೆ ಅದನ್ನು ಶಾಸಕರು ತೆಗೆಸಿದ್ದಾರೆ ಎನ್ನಲಾಗಿದೆ. ಅದೇ ಕಾರಣಕ್ಕೆ ಕೆಲವು ಉತ್ತರಕನ್ನಡಿಗರು ಸೋಷಿಯಲ್ ಮೀಡಿಯಾದಲ್ಲಿ ಆ ಫಲಕದ ಫೋಟೋ ಹಂಚಿಕೊಂಡು, 'ಇಲ್ಲಿಂದ ತೆಗೆಸಿ ನೋಡೋಣ' ಎಂದೂ ಅಭಿಯಾನ ಮುಂದುವರಿಸಿದ್ದಾರೆ.
