ಈ ಊರಿನಲ್ಲಿ ಬೀದಿನಾಯಿಗಳ ಹೆಸರಿಗೆ ಇದೆ 100 ಕೋಟಿ ರೂ. ಮೌಲ್ಯದ ಆಸ್ತಿ!

ಗುಜರಾತ್: ಹಳ್ಳಿಯೊಂದರಲ್ಲಿ ನಾಯಿಗಳ ರೇಂಜ್ ಬೇರೆ. ಗ್ರಾಮದಲ್ಲಿರುವ ನಾಯಿಗಳಿಗೆ ಕೋಟ್ಯಂತರ ರೂಪಾಯಿ ಮೌಲ್ಯದ ಆಸ್ತಿ ಇದೆ. ಜಮೀನುಗಳಿವೆ. ಬೀದಿ ನಾಯಿಗಳಿಗೆ ಆಸ್ತಿಯೇ? ಕೊಟ್ಟವರು ಯಾರು?ಯಾಕೆ? ಆ ಆಸ್ತಿಯನ್ನು ಯಾರು ಕಾಪಾಡುತ್ತಿದ್ದಾರೆ? ಪ್ರಶ್ನೆಗಳು ಬರುತ್ತವೆ. ಈ ಎಲ್ಲಾ ಪ್ರಶ್ನೆಗಳಿಗೆ ಇಲ್ಲಿದೆ ಉತ್ತರ....

ಗುಜರಾತಿನ ಮೆಹ್ಸಾನಾ ಜಿಲ್ಲೆಯಲ್ಲಿರುವ ಪಂಚೋತ್ ಗ್ರಾಮಸ್ಥರು ನಾಯಿಗಳ ಕುರಿತಾಗಿ ತುಂಬಾ ಕಾಳಜಿ ವಹಿಸುತ್ತಾರೆ. ಯಾಕೆಂದರೆ ಬೀದಿನಾಯಿಗಳೇ ಆ ಊರಿನ ಜನರ ಒಡೆಯ...ನೀವು ನಂಬದಿದ್ದರೂ ಇದು ಸತ್ಯ. ಪಂಚೋಟ್ ಹಳ್ಳಿಯಲ್ಲಿ ಹೆಚ್ಚಿನವರು ಪ್ರಾಣಿಪ್ರೇಮಿಗಳು ಸೇವೆ ಮಾಡುತ್ತಾರೆ. ನಾಯಿಗಳಿಗೆ ಆಹಾರ ನೀಡಿದರೆ ಸ್ವರ್ಗ ಪ್ರಾಪ್ತಿಯಾಗುತ್ತದೆ ಎಂಬ ನಂಬಿಕೆ ಇದೆ. ಈ ನಂಬಿಕೆಯಿಂದ ತಮ್ಮ ಆಸ್ತಿಯನ್ನು ನಾಯಿಗಳ ಹೆಸರಿಗೆ ಬರೆಸುತ್ತಾರೆ. ಹೀಗಾಗಿ ಪಂಚೋತ್ ಗ್ರಾಮದಲ್ಲಿ ನಾಯಿಗಳ ಹೆಸರಿನಲ್ಲಿ 17 ಸಾವಿರ ಚದರ ಅಡಿ ಬರೆದಿದ್ದಾರೆ. ಒಂದು ಅಡಿ ಜಾಗದ ಬೆಲೆ ಸ್ಥಳೀಯವಾಗಿ 5 ರಿಂದ 6 ಕೋಟಿ ರೂ. ಅಂದರೆ ನಾಯಿಗಳ ಹೆಸರಿನಲ್ಲಿರುವ ಆಸ್ತಿ ಸುಮಾರು 100 ಕೋಟಿಯಾಗಿದೆ.

ಇದನ್ನೂ ಓದಿ:  ಸಿಇಟಿ: ಗಡಿನಾಡ ಕನ್ನಡಿಗರು, ರಕ್ಷಣಾ ಸಿಬ್ಬಂದಿ‌ ಮಕ್ಕಳ ದಾಖಲಾತಿ ಪರಿಶೀಲನೆ

ನಾಯಿಗಳಿಗೆ ಆಹಾರ ನೀಡುವುದು, ಯಾವುದೇ ವೈದ್ಯಕೀಯ ಸಮಸ್ಯೆಗಳಿದ್ದರೆ ಚಿಕಿತ್ಸೆ ನೀಡುವುದು ಮುಂತಾದ ನಾಯಿಗಳ ಆರೈಕೆಯ ಎಲ್ಲಾ ಜವಾಬ್ದಾರಿಯನ್ನು ಟ್ರಸ್ಟ್ ಮೇಲ್ವಿಚಾರಣೆ ಮಾಡುತ್ತದೆ. ಈ ಗ್ರಾಮದಲ್ಲಿ ನಾಯಿಗಳಿಗೆ 24 ಗಂಟೆಗಳ ವೈದ್ಯಕೀಯ ಚಿಕಿತ್ಸೆ ಲಭ್ಯವಿದೆ. ಅಷ್ಟೇ ಅಲ್ಲ, ಟ್ರಸ್ಟ್ ವತಿಯಿಂದ ಅಡುಗೆಯವರನ್ನು ವಿಶೇಷವಾಗಿ ನೇಮಿಸಲಾಗಿದೆ.

ಪಾಂಚೋಟ್ ಗ್ರಾಮದಲ್ಲಿ ಭೂ ಸಂರಕ್ಷಣೆಗಾಗಿ ವಿಶೇಷ ಟ್ರಸ್ಟ್ ಇದೆ. ನಾಯಿಗಳ ಹೆಸರಿನಲ್ಲಿ ಬರೆದ ಜಮೀನನ್ನು ದಾನಿಗಳು ಕೃಷಿಗಾಗಿ ರೈತರಿಗೆ ಗುತ್ತಿಗೆ ನೀಡುತ್ತಾರೆ. ಗುತ್ತಿಗೆ ಮೊತ್ತವನ್ನು ಸಾರ್ವಜನಿಕ ಹರಾಜಿನಲ್ಲಿ ನಿರ್ಧರಿಸಲಾಗುತ್ತದೆ. ಬಂದ ಹಣದಲ್ಲಿ ನಾಯಿ ಪೋಷಣೆಯನ್ನು ಟ್ರಸ್ಟ್ ನೋಡಿಕೊಳ್ಳುತ್ತಿದೆ.

https://www.vijayavani.net/tulsi-plant-looks-like-moving-viral-video