ಓಟಿಟಿ ಹವಾ ಕ್ಷಣಿಕವಾಯ್ತಾ?: ಲಾಕ್ಡೌನ್ ಶುರುವಾಗಿ ಸ್ವಲ್ಪ ಸಮಯದ ನಂತರ ಓವರ್ ದಿ ಟಾಪ್ಗಳಲ್ಲಿ (ಓಟಿಟಿ) ಚಿತ್ರಗಳು ನೇರವಾಗಿ ಬಿಡುಗಡೆಯಾದ ಸಂದರ್ಭದಲ್ಲಿ, ಇನ್ನು ಚಿತ್ರಮಂದಿರಗಳ ಕಥೆ ಅಷ್ಟೇ ಎಂಬ ಭಾವನೆ ಹಲವರಲ್ಲಿತ್ತು. ಬೆಳೆಯುತ್ತಿರುವ ತಂತ್ರಜ್ಞಾನದಿಂದ, ಮನೆಮನೆಗಳಿಗೇ ನೇರವಾಗಿ ಚಿತ್ರಗಳು ತಲುಪುತ್ತಿರುವುದರಿಂದ, ಚಿತ್ರಮಂದಿರಗಳು ಎಲ್ಲಿ ಇತಿಹಾಸದ ಪುಟಗಳಲ್ಲಿ ಸೇರಲಿವೆಯೋ ಎಂದು ಭಯ ಹಲವರಲ್ಲಿತ್ತು.ಆದರೆ, ಚಿತ್ರಗಳನ್ನು ನೇರವಾಗಿ ಓಟಿಟಿಯಲ್ಲಿ ಬಿಡುಗಡೆ ಮಾಡುವ ಪ್ರಯೋಗ ಅಷ್ಟೇನೂ ಯಶಸ್ವಿಯಾಗಲಿಲ್ಲ. ಕನ್ನಡವಷ್ಟೇ ಅಲ್ಲ, ಯಾವ ಭಾಷೆಯಲ್ಲೂ ಓಟಿಟಿಯಲ್ಲಿ ನೇರವಾಗಿ ಬಿಡುಗಡೆಯಾದ ಚಿತ್ರಗಳು ದೊಡ್ಡ ಮಟ್ಟಿಗೆ ಗಮನ ಸೆಳೆಯಲಿಲ್ಲ. ಅದೇ ಕಾರಣಕ್ಕೆ, ನಿರ್ವಪಕರೆಲ್ಲ ಚಿತ್ರಮಂದಿರಗಳೇ ಸೂಕ್ತ ಎಂಬ ಅಭಿಪ್ರಾಯಕ್ಕೆ ಬಂದಿದ್ದಾರೆ. ಒಟ್ಟಾರೆ ಹೇಳಬೇಕೆಂದರೆ, ಏನೇ ಹೊಸ ತಂತ್ರಜ್ಞಾನ ಬಂದರೂ ಚಿತ್ರಮಂದಿರಗಳನ್ನು ಮೀರಿಸುವುದಕ್ಕೆ ಯಾವುದರಿಂದಲೂ ಸಾಧ್ಯವಿಲ್ಲ ಎಂಬ ಅಭಿಪ್ರಾಯ ಎಲ್ಲೆಡೆ ವ್ಯಕ್ತವಾಗುತ್ತಿದೆ.
