ನ್ಯೂಯಾರ್ಕ್: ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ ಸಿನಿಮಾ ಕ್ಷೇತ್ರದಲ್ಲಿ ಅಪಾರ ಸಾಧನೆ ಮಾಡಿದ್ದಾಗಿದೆ. ಇದೀಗ ಹೊಸದೊಂದು ಸಾಹಸಕ್ಕೆ ಕೈ ಹಾಕಿರುವ ಪ್ರಿಯಾಂಕಾ ದೂರದ ನ್ಯೂಯಾರ್ಕ್ನಲ್ಲೂ ಭಾರತದ ಹೆಸರನ್ನು ಬೆಳಗಿಸಲು ಹೊರಟಿದ್ದಾರೆ.
ಹೌದು. ಪ್ರಿಯಾಂಕಾ ಚೋಪ್ರಾ ನ್ಯೂಯಾರ್ಕ್ನಲ್ಲಿ ಇಂಡಿಯನ್ ರೆಸ್ಟೋರೆಂಟ್ ಒಂದನ್ನು ತೆರೆದಿದ್ದಾರೆ. ಸೋನಾ ಹೆಸರಿನ ರೆಸ್ಟೋರೆಂಟ್ನಲ್ಲಿ ಭಾರತದ ವಿಶೇಷ ಖಾದ್ಯಗಳನ್ನು ಜನರಿಗೆ ಉಣಬಡಿಸಲು ಸಿದ್ಧರಾಗಿದ್ದಾರೆ. ಸೋನಾ ರೆಸ್ಟೋರೆಂಟ್ನ ವೆಬ್ಸೈಟ್ ಮತ್ತು ಇನ್ಸ್ಟಾಗ್ರಾಂ ಖಾತೆಯನ್ನು ಶುಭ ಶುಕ್ರವಾರದಂದು ಆರಂಭಿಸಲಾಗಿದೆ.
ಪ್ರಿಯಾಂಕಾ ಅವರು ತಮ್ಮ ಸೋನಾ ರೆಸ್ಟೋರೆಂಟ್ ಬಗ್ಗೆ ಕೆಲವು ಮಾಹಿತಿಯನ್ನು ಹಂಚಿಕೊಂಡಿದ್ದಾರೆ. ನ್ಯೂಯಾರ್ಕ್ನಲ್ಲಿ ಹೃದಯ ಭಾಗದಲ್ಲಿ ರೆಸ್ಟೋರೆಂಟ್ ತೆರೆದಿದ್ದೇವೆ. ಖ್ಯಾತ ಚೆಫ್ ಹರಿನಾಯಕ್ ರೆಸ್ಟೋರೆಂಟ್ನ ಕಿಚನ್ನಲ್ಲಿ ತರೇವಾರಿ ಅಡುಗೆ ಮಾಡಲಿದ್ದಾರೆ. ಖಾಸಗಿತನ ಬಯಸುವವರಿಗಾಗಿ ಮಿಮಿ ಹೆಸರಿನ ಪ್ರೈವೇಟ್ ರೂಮನ್ನೂ ನಿರ್ಮಿಸಿದ್ದೇವೆ ಎಂದು ಅವರು ತಿಳಿಸಿದ್ದಾರೆ. ಅಲ್ಲಿ ತಯಾರಿಸಲಾಗುವ ಕೆಲ ಖಾದ್ಯಗಳ ಫೋಟೋಗಳನ್ನೂ ಶೇರ್ ಮಾಡಿಕೊಂಡಿದ್ದಾರೆ. (ಏಜೆನ್ಸೀಸ್)
ಹುಟ್ಟಿಸಿದ್ದು ತಾಯಿಯೇ ಆದರೂ ಲಿಂಗ ನೀಡುವುದು ಮರಳು! ಆಮೆಯ ಬಗ್ಗೆ ನಿಮಗೆ ಗೊತ್ತಿರದ ವಿಚಾರಗಳಿವು…
VIDEO| ‘ಮನೆಗೆ ಬಾ ನೋಡ್ಕೋತೀನಿ’ ಮುಂದುವರಿದ ಭಾಗ ರಿಲೀಸ್! ಮನೆಗೆ ಬಂದ್ಮೇಲೆ ಹೀಗೆ ಮಾಡ್ತಾರಂತೆ ಜೆನೆಲಿಯಾ