ಮುಂಬೈ: ಖಾಸಗಿ ವಿಮಾನವೊಂದು ರನ್ವೇನಲ್ಲಿ ಸ್ಕಿಡ್ ಆದ ಪರಿಣಾಮ ಮೂರು ಮಂದಿ ಗಂಭೀರವಾಗಿ ಗಾಯಗೊಂಡಿರುವ ಘಟನೆ ಮುಂಬೈನ ಛತ್ರಪತಿ ವಿಮಾನ ನಿಲ್ದಾಣದಲ್ಲಿ ನಡೆದಿದೆ. ಸಿಬ್ಬಂದಿ ಸೇರಿದಂತೆ ಒಟ್ಟು ಎಂಟು ಮಂದಿ ವಿಮಾನದಲ್ಲಿ ಪ್ರಯಾಣಿಸುತ್ತಿದ್ದರು.
ವಿಶಾಖಪಟ್ಟಣಂನಿಂದ ಮುಂಬೈನತ್ತ ಬರುತ್ತಿದ್ದ VSR ವೆಂಚರ್ಸ್ ಲಿಯರ್ಜೆಟ್ 45 ವಿಮಾನ VT-DBL ವಿಮಾನವು ಛತ್ರಪತಿ ವಿಮಾನ ನಿಲ್ದಾಣ ರನ್ವೇ 27ನಲ್ಲಿ ಲ್ಯಾಂಡಿಂಗ್ ಆಗುವ ವೇಳೆ ಸ್ಕಿಡ್ ಆದ ಪರಿಣಾಮ ಅವಘಡ ಸಂಭವಿಸಿದೆ.
ಈ ಕುರಿತು ಪ್ರಕಟಣೆ ಹೊರಡಿಸಿರುವ ಡಿಜಿಸಿಎ ವಿಮಾನದಲ್ಲಿ ಇಬ್ಬರು ಸಿಬ್ಬಂದಿ ಸೇರಿದಂತೆ ಎಂಟು ಮಂದಿ ಪ್ರಯಾಣಿಸುತ್ತಿದ್ದರು. ಘಟನೆಯಲ್ಲಿ ಮೂವರಿಗೆ ಗಂಭೀರ ಗಾಯವಾಗಿದ್ದು, ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ. ವಿಶಾಖಪಟ್ಟಣಂನಿಂದ ಮುಂಬೈನತ್ತ ಬರುತ್ತಿದ್ದ VSR ವೆಂಚರ್ಸ್ ಲಿಯರ್ಜೆಟ್ 45 ವಿಮಾನ VT-DBL ವಿಮಾನವು ಲ್ಯಾಂಡಿಂಗ್ ಆಗುವ ವೇಳೆ ಮಳೆ ಸುರಿಯುತ್ತಿದ್ದ ಕಾರಣ ಸ್ಕಿಡ್ ಆಗಿ ಅವಘಡ ಸಂಭವಿಸಿದೆ ಎಂದು ಡಿಜಿಸಿಎ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.