ಮಂಗಳವಾರ ಬೆಳ್ತಂಗಡಿ ಪ್ರವಾಸಿ ಮಂದಿರದಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ಈ ಬಾರಿ ಸರ್ಕಾರ 1.6 ಲಕ್ಷ ಕೋಟಿ ರೂ. ಸಾಲ ತೆಗೆದುಕೊಳ್ಳುವಂತಹ ಅನಿವಾರ್ಯತೆಗೆ ಬಂದಿದೆ. ಬಿಜೆಪಿ ಸರ್ಕಾರ ಬಿಟ್ಟು ಹೋಗುವಾಗ ಮಿಗತೆ ಬಜೆಟ್ ಇತ್ತು. ಸಿದ್ದರಾಮಯ್ಯನವರ ಮೂರು ಬಜೆಟ್ ಕೊರೆತೆಯದ್ದೇ ಆಗಿವೆ. ಈಗಿನ ಸರ್ಕಾರದಲ್ಲಿ ಹುಟ್ಟುವ ಮಗು 1 ಲಕ್ಷ ಸಾಲ ಇಟ್ಟುಕೊಂಡೇ ಹುಟ್ಟುತ್ತದೆ. ಒಂದು ಕಡೆಯಿಂದ ಅಭಿವೃದ್ಧಿ ಇಲ್ಲ ಇನ್ನೊಂದೆಡೆ ಸರ್ಕಾರ ಸಾಲದ ಸುಳಿಯಲ್ಲಿದೆ. ಸರ್ಕಾರ ದಿವಾಳಿಯ ಅಂಚಿಗೆ ತಲುಪಲಿದೆ ಎಂದರು. ಗ್ಯಾರಂಟಿಗಳಿಂದಾಗಿ ದುಡ್ಡು ಹೊಂದಿಸುಲು ಹೋಗಿ ಎಲ್ಲ ಇಲಾಖೆ ಸೊರಗಿ ಹೋಗುವಂತಾಗಿವೆ. ಗುರುನಾರಾಯಣ ನಿಗಮದ ಬಗ್ಗೆ ಕಾಂಗ್ರೆಸ್ನವರು ಅಪಪ್ರಚಾರ ನಡೆಸಿದ್ದರು. ಆದರೆ ಈ ಸರ್ಕಾರ ಈ ವಷರ್ ಕೇವಲ 1 ಲಕ್ಷ ಮಾತ್ರ ಇಟ್ಟಿರುವುದನ್ನು ಕಾಂಗ್ರೆಸ್ ಅವರು ಮಾತನಾಡುವುದೇ ಇಲ್ಲ. ಇನ್ನುಳಿದ ಯಾವುದೇ ನಿಗಮಗಳಿಗೆ ಇಟ್ಟ ಹಣ ಮೂರು ಅಂಕಿ ದಾಟಿಲ್ಲ.
