ಫ್ರೆಂಚ್ ಅಧ್ಯಕ್ಷ ಮ್ಯಾಕ್ರನ್​ ಮೂತಿ ತಿವಿದ ಪತ್ನಿ​! ಭಾರೀ ಚರ್ಚೆ ಹುಟ್ಟುಹಾಕಿದೆ ಈ ವೈರಲ್​ ವಿಡಿಯೋ | President Macron

President Macron: ಫ್ರೆಂಚ್ ಅಧ್ಯಕ್ಷ ಎಮ್ಯಾನುಯೆಲ್ ಮ್ಯಾಕ್ರನ್​ಗೆ ಅವರ ಪತ್ನಿಯಿಂದಲೇ ಆದ ಮುಖಭಂಗ ದೃಶ್ಯವೊಂದು ಇದೀಗ ಜಾಲತಾಣದಲ್ಲಿ ಭಾರೀ ಹರಿದಾಡಿದೆ. ಈ ವೈರಲ್ ದೃಶ್ಯ ನೋಡಿದ ನೆಟ್ಟಿಗರು ಒಂದು ನಿಮಿಷ ಅಚ್ಚರಿಗೆ ಒಳಗಾಗಿದ್ದು, ಮ್ಯಾಕ್ರನ್ ತಮ್ಮ ಪತ್ನಿಯಿಂದಲೇ ಇಂಥಾ ಏಟಿಗೆ ಗುರಿಯಾಗಿದ್ದೇಕೆ? ಎಂಬ ಮಾತುಗಳು ಸದ್ಯ ಭಾರೀ ಚರ್ಚೆಗೆ ಗ್ರಾಸವಾಗಿವೆ.

ಇದನ್ನೂ ಓದಿ: ಬೆಂಗಳೂರು ಉತ್ತರ ವಿಶ್ವವಿದ್ಯಾಲಯದಿಂದ ವಿಶೇಷ ಉಪನ್ಯಾಸ ಮಾಲಿಕೆ / ವಿದ್ಯಾರ್ಥಿಗಳಿಗೆ ಹೊಸ ಆಯಾಮ ಕಲಿಸಿಕೊಡುವ ಪ್ರಯತ್ನ / ವಸುಧೇಂದ್ರ

ಏಷ್ಯಾ ಪ್ರವಾಸದ ಹಿನ್ನೆಲೆ ಮ್ಯಾಕ್ರನ್ ದಂಪತಿಗಳು ಭಾನುವಾರ (ಮೇ.25) ಸಂಜೆ ವಿಯೆಟ್ನಾಂ ರಾಜಧಾನಿ ಹನೋಯ್‌ಗೆ ಬಂದಿಳಿದರು. ವಿಮಾನ ನಿಲ್ದಾಣದಲ್ಲಿ, ಸಿಬ್ಬಂದಿ ವಿಮಾನದ ಬಾಗಿಲು ತೆರೆಯುತ್ತಿದ್ದಂತೆ ಈ ಆಘಾತಕಾರಿ ದೃಶ್ಯ ಕಂಡುಬಂದಿದೆ. ಮ್ಯಾಕ್ರನ್​ ಅವರ ಮೂತಿಯನ್ನು ತಿವಿದ ಪತ್ನಿ, ತಮ್ಮ ಕೈಯಿಂದಲೇ ಅಧ್ಯಕ್ಷರನ್ನು ತಳ್ಳಿದ ದೃಶ್ಯ ವಿಡಿಯೊದಲ್ಲಿ ಸೆರೆಯಾಗಿದೆ. ಘಟನೆ ನಡೆದ ಕೆಲವೇ ಸೆಕೆಂಡ್​ಗಳಲ್ಲಿ ಆಘಾತವನ್ನು ಮರೆಮಾಚಿದ ಅಧ್ಯಕ್ಷರು, ಸ್ಥಳದಲ್ಲಿದ್ದವರಿಗೆ ಹಾಯ್ ಎಂದು ಕೈಬಿಸಿ ಹೇಳುತ್ತಿರುವುದೂ ವಿಡಿಯೊದಲ್ಲಿ ಕಂಡುಬಂದಿದೆ.

ಈ ದೃಶ್ಯ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದಂತೆ ವಿಡಿಯೋ ಕುರಿತು ಪ್ರತಿಕ್ರಿಯಿಸಿರುವ ಅಧ್ಯಕ್ಷ ಮ್ಯಾಕ್ರನ್​ ಅವರ ಪ್ರಧಾನ ಕಚೇರಿ, ಆರಂಭದಲ್ಲಿ ಇದು ನಕಲಿ ಎಂದು ಆರೋಪ ತಳ್ಳಿಹಾಕಿತ್ತು. ಆದರೆ, ನಂತರದಲ್ಲಿ ಅವು ಅಸಲಿಯೇ ಎಂದು ದೃಢಪಡಿಸಿತು,(ಏಜೆನ್ಸೀಸ್).

https://www.vijayavani.net/suresh-raina-might-come-back-for-next-ipl-season