Israel: ಗಾಜಾ ಯುದ್ಧ ಕೊನೆಗೊಳಿಸುವ ಟ್ರಂಪ್ ಯೋಜನೆಯ ಮೊದಲ ಹಂತವನ್ನು ಜಾರಿಗೆ ತರಲು ಸಿದ್ಧತೆ ನಡೆಯುತ್ತಿದೆ: ಇಸ್ರೇಲ್​​​

Israel: ಗಾಜಾದಲ್ಲಿ ಯುದ್ಧವನ್ನು ಕೊನೆಗೊಳಿಸುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಯೋಜನೆಯ ಮೊದಲ ಹಂತವನ್ನು ಜಾರಿಗೆ ತರಲು ಇಸ್ರೇಲ್ ಸಿದ್ಧತೆ ನಡೆಸುತ್ತಿದೆ ಎಂದು ಪ್ರಧಾನಿ ಬೆಂಜಮಿನ್ ನೆತನ್ಯಾಹು ತಿಳಿಸಿದ್ದಾರೆ.

ಈ ಬಗ್ಗೆ ಇಸ್ರೇಲ್​ ಪ್ರಧಾನಿ ಕಚೇರಿಯ ಹೇಳಿಕೆಯು, ಇಸ್ರೇಲ್ ತನ್ನ ತತ್ವಗಳಿಗೆ ಅನುಗುಣವಾಗಿ ಯುದ್ಧವನ್ನು ಕೊನೆಗೊಳಿಸಲು ಟ್ರಂಪ್​ರೊಂದಿಗೆ ಸಂಪೂರ್ಣ ಸಹಕಾರದೊಂದಿಗೆ ಕೆಲಸ ಮಾಡುತ್ತದೆ ಎಂದು ಹೇಳಿದೆ.

ಅಲ್ಲದೆ, ಒತ್ತೆಯಾಳುಗಳನ್ನು ಬಿಡುಗಡೆ ಮಾಡಿ ಇತರ ಪ್ಯಾಲೆಸ್ಟೀನಿಯನ್ನರಿಗೆ ಅಧಿಕಾರ ಹಸ್ತಾಂತರಿಸಲು ಹಮಾಸ್ ಸಿದ್ಧವಿದ್ದರೂ, ಯೋಜನೆಯ ಇತರ ಅಂಶಗಳಿಗೆ ಪ್ಯಾಲೆಸ್ಟೀನಿಯನ್ನರಲ್ಲಿ ಹೆಚ್ಚಿನ ಸಮಾಲೋಚನೆ ಅಗತ್ಯವಿದೆ ಎಂದು ಹಮಾಸ್ ತಿಳಿಸಿದೆ. ಇನ್ನೂ ಹೆಚ್ಚಿನ ಮಾತುಕತೆಗಳ ಅಗತ್ಯವಿರುವ ಪ್ರಮುಖ ಭಿನ್ನಾಭಿಪ್ರಾಯಗಳಿವೆ ಎಂದು ಹಿರಿಯ ಹಮಾಸ್ ಅಧಿಕಾರಿಗಳು ಸೂಚಿಸಿದ್ದಾರೆ.

ಇದನ್ನೂ ಓದಿ: 3ನೇ ಪತ್ನಿಗೂ ವಿಚ್ಛೇದನ ಕೊಟ್ಟ ಶೋಯೆಬ್ ಮಲಿಕ್! ‘ಇದು ಸಾನಿಯಾ ಮಿರ್ಜಾ ಕಣ್ಣೀರಿನ ಶಾಪ’ ಎಂದ್ರು ನೆಟ್ಟಿಗರು.. Shoaib Malik To Divorce Third Wife Sana Javed

ಹಮಾಸ್​ ಬಗ್ಗೆ ಯಾವುದೇ ಇಸ್ರೇಲ್‌ನಿಂದ ಯಾವುದೇ ತಕ್ಷಣದ ಪ್ರತಿಕ್ರಿಯೆ ಬಂದಿಲ್ಲ. ಹಮಾಸ್‌ನ ಪ್ರತಿಕ್ರಿಯೆಯು ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಹಮಾಸ್​ ಶರಣಾಗಬೇಕು ಮತ್ತು ನಿಶ್ಯಸ್ತ್ರಗೊಳಿಸಬೇಕು ಎಂಬ ಬೇಡಿಕೆಗಳನ್ನು ಪೂರೈಸಿಲ್ಲ. ಇಸ್ರೇಲ್ ಈ ಹಿಂದೆ ಟ್ರಂಪ್‌ರ ಯೋಜನೆಯನ್ನು ಸಂಪೂರ್ಣವಾಗಿ ಒಪ್ಪಿಕೊಂಡಿತ್ತು.

ಗಾಜಾ ಕದನ ವಿರಾಮ ಪ್ರಯತ್ನಕ್ಕೆ ಎಲ್ಲೇಡೆ ಶ್ಲಾಘನೆ

ಮಂಗಳವಾರ ದಾಳಿಯ ಎರಡನೇ ವಾರ್ಷಿಕೋತ್ಸವದ ಮುನ್ನ ಯುದ್ಧವನ್ನು ಕೊನೆಗೊಳಿಸುವ ಮತ್ತು 12ಕ್ಕಿಂತ ಹೆಚ್ಚಿರುವ ಒತ್ತೆಯಾಳುಗಳನ್ನು ಹಿಂದಿರುಗಿಸುವ ಪ್ರತಿಜ್ಞೆಗಳನ್ನು ಈಡೇರಿಸಲು ಟ್ರಂಪ್ ಉತ್ಸುಕರಾಗಿದ್ದಾರೆ. ಅಲ್ಲದೆ, ಈ ಪ್ರಯತ್ನಕ್ಕೆ ಈಜಿಪ್ಟ್ ಮತ್ತು ಕತಾರ್ ಇತ್ತೀಚಿನ ಬೆಳವಣಿಗೆಗಳನ್ನು ಸ್ವಾಗತಿಸಿದವು ಮತ್ತು ಕತಾರ್ ವಿದೇಶಾಂಗ ಸಚಿವಾಲಯದ ವಕ್ತಾರ ಮಜೀದ್ ಅಲ್ ಅನ್ಸಾರಿ, ಯೋಜನೆಯ ಕುರಿತು ಚರ್ಚೆಗಳನ್ನು ಮುಂದುವರಿಸುತ್ತೇವೆ ಎಂದು ತಿಳಿಸಿದ್ದಾರೆ.

ಗಾಜಾದ ಎಲ್ಲಾ ಒತ್ತೆಯಾಳುಗಳ ಬಿಡುಗಡೆ ಮತ್ತು ಗಾಜಾದಲ್ಲಿ ಕದನ ವಿರಾಮ ತಲುಪಲು ಸಾಧ್ಯ ಎಂದು ಫ್ರೆಂಚ್ ಅಧ್ಯಕ್ಷ ಎಮ್ಯಾನುಯೆಲ್ ಮ್ಯಾಕ್ರನ್ ಹೇಳಿದ್ದಾರೆ.

ಟ್ರಂಪ್ ಯೋಜನೆಯಿಂದ ಹಮಾಸ್​ ಹೋರಾಟ ಕೊನೆ

ಇದಕ್ಕೂ ಮೊದಲು, ಭಾನುವಾರ ಸಂಜೆಯೊಳಗೆ ಹಮಾಸ್ ಒಪ್ಪಂದಕ್ಕೆ ಒಪ್ಪಿಕೊಳ್ಳಬೇಕು ಎಂದು ಟ್ರಂಪ್ ಎಚ್ಚರಿಸಿದ್ದರು, ಇದು ಇನ್ನೂ ಹೆಚ್ಚಿನ ಮಿಲಿಟರಿ ದಾಳಿಯ ಬೆದರಿಕೆ ಹಾಕಿತ್ತು. ಇದು ಕೊನೆಯ ಅವಕಾಶದ ಒಪ್ಪಂದಕ್ಕೆ ಬರದಿದ್ದರೆ, ಯಾರೂ ನೋಡಿರದ ರೀತಿಯಲ್ಲಿ, ಎಲ್ಲಾ ದೇಶಗಳು ಹಮಾಸ್ ವಿರುದ್ಧ ಸಿಡಿದೇಳುತ್ತದೆ ಎಂದು ಟ್ರಂಪ್ ಎಚ್ಚರಿಸಿದ್ದಾರೆ.

ಈ ವಾರದ ಆರಂಭದಲ್ಲಿ ನೆತನ್ಯಾಹುರೊಂದಿಗೆ ಟ್ರಂಪ್ ಅನಾವರಣಗೊಳಿಸಿದ ಯೋಜನೆಯಡಿಯಲ್ಲಿ, ಹಮಾಸ್ ಉಳಿದ 48 ಒತ್ತೆಯಾಳುಗಳನ್ನು ಬಿಡುಗಡೆ ಮಾಡಲಿದೆ. ಇವರಲ್ಲಿ ಸುಮಾರು 20 ಜನರು ಜೀವಂತವಾಗಿದ್ದಾರೆಂದು ನಂಬಲಾಗಿದೆ.

ಇದನ್ನೂ ಓದಿ:ಪರಿಹಾರ ಮತ್ತು ಪುನರ್ವಸತಿ ರಾಜಕೀಯ ಮೀರಿ ಇರಬೇಕು; ಕೇಂದ್ರದ ವಿರುದ್ಧ ಪ್ರಿಯಾಂಕಾ ಗಾಂಧಿ ಕಿಡಿ| Priyanka Gandhi

ಪ್ರತಿಯಾಗಿ, ಇಸ್ರೇಲ್ ತನ್ನ ಆಕ್ರಮಣವನ್ನು ನಿಲ್ಲಿಸಿ ಹೆಚ್ಚಿನ ಪ್ರದೇಶದಿಂದ ಹಿಂದೆ ಸರಿಯುತ್ತದೆ. ನೂರಾರು ಪ್ಯಾಲೆಸ್ಟೀನಿಯನ್ ಕೈದಿಗಳನ್ನು ಬಿಡುಗಡೆ ಮಾಡುತ್ತದೆ ಮತ್ತು ಮಾನವೀಯ ನೆರವು ಮತ್ತು ಅಂತಿಮವಾಗಿ ಪುನರ್​​ ನಿರ್ಮಾಣಕ್ಕೆ ಅವಕಾಶ ನೀಡುತ್ತದೆ. ಗಾಜಾದ ಹೆಚ್ಚಿನ ಜನಸಂಖ್ಯೆಯನ್ನು ಇತರ ದೇಶಗಳಿಗೆ ಸ್ಥಳಾಂತರಿಸುವ ಯೋಜನೆಗಳನ್ನು ಕೈಬಿಡಲಾಗುತ್ತದೆ ಎಂದು ತಿಳಿದು ಬಂದಿದೆ.

ಹಮಾಸ್ ಅಧಿಕಾರಿಗಳ ಆಕ್ಷೇಪಣೆಗಳು

ಟ್ರಂಪ್ ಪ್ರಸ್ತಾಪವನ್ನು ಮಾತುಕತೆ ಇಲ್ಲದೆ ಜಾರಿಗೆ ತರಲು ಸಾಧ್ಯವಿಲ್ಲ ಎಂದು ಗಾಜಾದ ಹೊರಗೆ ನೆಲೆಸಿರುವ ಹಿರಿಯ ಹಮಾಸ್ ಅಧಿಕಾರಿ ಮೌಸಾ ಅಬು ಮಾರ್ಜೌಕ್ ಶುಕ್ರವಾರ ಅಲ್ ಜಜೀರಾಗೆ ತಿಳಿಸಿದರು.

ಈ ಯೋಜನೆಯ ಸೂತ್ರದ ಪ್ರಕಾರ ಉಳಿದ ಎಲ್ಲಾ ಒತ್ತೆಯಾಳುಗಳನ್ನು ಹಿಂದಿರುಗಿಸಲು ಸಿದ್ಧರಿರುವುದಾಗಿ ಹಮಾಸ್ ಹೇಳಿಕೆ ತಿಳಿಸಿದೆ. ಇದು ನೂರಾರು ಪ್ಯಾಲೆಸ್ಟೀನಿಯನ್ ಕೈದಿಗಳ ವಿನಿಮಯವನ್ನು ಉಲ್ಲೇಖಿಸುತ್ತದೆ. ರಾಜಕೀಯವಾಗಿ ಸ್ವತಂತ್ರ ಪ್ಯಾಲೆಸ್ಟೀನಿಯನ್ ಸಂಸ್ಥೆಗೆ ಅಧಿಕಾರವನ್ನು ಹಸ್ತಾಂತರಿಸುವ ತನ್ನ ದೀರ್ಘಕಾಲದ ಮುಕ್ತತೆಯನ್ನು ಇದು ಪುನರುಚ್ಚರಿಸಿತು.

ಆದರೆ, ಹಮಾಸ್ ಎಲ್ಲಾ ಒತ್ತೆಯಾಳುಗಳನ್ನು 72 ಗಂಟೆಗಳ ಒಳಗೆ ಬಿಡುಗಡೆ ಮಾಡುವುದು ಕಷ್ಟಕರವಾಗಬಹುದು ಎಂದು ಅಬು ಮಾರ್ಜೌಕ್ ಹೇಳಿದರು. ಏಕೆಂದರೆ ಕೆಲವು ಬಂಧಿತರ ಅವಶೇಷಗಳನ್ನು ಪತ್ತೆಹಚ್ಚಲು ದಿನಗಳು ಅಥವಾ ವಾರಗಳು ತೆಗೆದುಕೊಳ್ಳಬಹುದು ಎಂದು ತಿಳಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/pakistans-oppressive-rule-is-responsible-for-unrest-in-pok-india