ಗಂಡನೊಂದಿಗೆ ಜಗಳ ಆಡಿಕೊಂಡು ಆಟೋದಿಂದ ಹೊರ ಜಿಗಿದಿದ್ದ ಗರ್ಭಿಣಿ ದುರಂತ ಅಂತ್ಯ

ಕೊಚ್ಚಿ: ಚಲಿಸುವ ಆಟೋದಿಂದ ಜಿಗಿದು ತಲೆಗೆ ಪೆಟ್ಟು ಬಿದ್ದು ಗಂಭೀರವಾಗಿ ಗಾಯಗೊಂಡಿದ್ದ ಗರ್ಭಿಣಿ, ಚಿಕಿತ್ಸೆ ಫಲಕಾರಿಯಾಗದೇ ಮೃತಪಟ್ಟಿರುವ ಹೃದಯ ವಿದ್ರಾವಕ ಘಟನೆ ಕೇರಳದ ಕಳ್ಳಂಬಲಂನಲ್ಲಿ ನಡೆದಿದೆ.

ಸುಬಿನಾ (22) ಮೃತಪಟ್ಟ ಮಹಿಳೆ. ಈ ಘಟನೆ ಒಟ್ಟೂರು ಥೊಪ್ಪುವಿಲಾ ಜಂಕ್ಷನ್ ಬಳಿ ನಿನ್ನೆ ಮಧ್ಯಾಹ್ನ 3 ಗಂಟೆಗೆ ನಡೆದಿದೆ. ನಿಯಮಿತ ತಪಾಸಣೆಗೆಂದು ಆಸ್ಪತ್ರೆ ಹೋಗಿ ಗಂಡನ ಜತೆ ಮನೆಗೆ ಮರಳುವಾಗ ದುರ್ಘಟನೆ ಸಂಭವಿಸಿದೆ.

ಇದನ್ನೂ ಓದಿ: ಕೇರಳದ ಮೊದಲ ವಂದೇ ಭಾರತ್​ ಎಕ್ಸ್​ಪ್ರೆಸ್​ ರೈಲಿಗೆ ಪ್ರಧಾನಿ ಮೋದಿ ಚಾಲನೆ

ಆಟೋ ಒಳಗೆ ಸುಬಿನಾ ಮತ್ತು ಆಕೆಯ ಗಂಡನ ನಡುವೆ ಯಾವುದೇ ವಿಚಾರಕ್ಕೆ ವಾಗ್ವಾದ ಶುರುವಾಗಿದೆ. ಮಾತಿಗೆ ಮಾತಿಗೆ ಬೆಳೆದು ತಾಳ್ಮೆ ಕಳೆದುಕೊಂಡು ಸುಬಿನಾ, ಕೋಪದಿಂದ ಆಟೋದಿಂದ ಹೊರಗೆ ಜಿಗಿದ್ದಾಳೆ. ಈ ವೇಳೆ ರಸ್ತೆ ಪಕ್ಕದ ವಿದ್ಯುತ್​ ಕಂಬಕ್ಕೆ ತಲೆ ಡಿಕ್ಕಿಯಾಗಿ ಗಂಭೀರವಾಗಿ ಗಾಯಗೊಂಡಿದ್ದಳು.

ತಕ್ಷಣ ಸುಬಿನಾಳನ್ನು ಹತ್ತಿರದ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ, ಚಿಕಿತ್ಸೆ ಫಲಕಾರಿಯಾಗದೇ ಮೃತಪಟ್ಟಿದ್ದಾಳೆ. (ಏಜೆನ್ಸೀಸ್​)

https://www.vijayavani.net/bjp-national-general-secretary-bl-santosh-met-b-s-yeddyurappa/

https://www.vijayavani.net/goons-attacks-on-bakery-owner-in-banasavadi/

https://www.vijayavani.net/alia-bhatt-buys-premium-house-in-mumbais-pali-hill-for-whopping-rs-37-80-crore/