ರಾಜ್ಕೋಟ್: ರನ್ಬರ ಎದುರಿಸುತ್ತಿದ್ದ ಶೆಫಾಲಿ ವರ್ಮ ಸ್ಥಾನದಲ್ಲಿ ಭಾರತ ಮಹಿಳಾ ಕ್ರಿಕೆಟ್ ತಂಡದಲ್ಲಿ ಅವಕಾಶ ಪಡೆದ ದೆಹಲಿಯ 24 ವರ್ಷದ ಪ್ರತಿಕಾ ರಾವಲ್, ಆಡಿದ ಮೊದಲ 4 ಪಂದ್ಯಗಳಲ್ಲೇ 2 ಅರ್ಧಶತಕ ಸಹಿತ 223 ರನ್ ಬಾರಿಸಿ ಮನಗೆದ್ದಿದ್ದಾರೆ. ಯುವ ಬ್ಯಾಟುಗಾರ್ತಿ ಪ್ರತೀಕಾ ರಾವಲ್ (89 ರನ್, 96 ಎಸೆತ, 10 ಬೌಂಡರಿ, 1 ಸಿಕ್ಸರ್) ಸಮಯೋಚಿತ ಬ್ಯಾಟಿಂಗ್ ನೆರವಿನಿಂದ ಭಾರತ ತಂಡ, ಐರ್ಲೆಂಡ್ ವಿರುದ್ಧ ಮಹಿಳೆಯರ ಏಕದಿನ ಸರಣಿಯಲ್ಲಿ ಶುಕ್ರವಾರ ನಡೆದ ಮೊದಲ ಪಂದ್ಯದಲ್ಲಿ 6 ವಿಕೆಟ್ಗಳ ಸುಲಭ ಗೆಲುವು ದಾಖಲಿಸಿದೆ. 2025ರಲ್ಲಿ ಆಡಿದ ಮೊದಲ ಪಂದ್ಯದಲ್ಲಿ ಶುಭಾರಂಭ ಕಂಡಿರುವ ಸ್ಮೃತಿ ಮಂದನಾ ಪಡೆ ಮೂರು ಪಂದ್ಯಗಳ ಸರಣಿಯಲ್ಲಿ 1-0 ಮುನ್ನಡೆ ಸಾಧಿಸಿದೆ.
