ಕನ್ನಡ ಚಿತ್ರರಂಗದಲ್ಲಿ ಯಾರ್ಯಾರು ಡ್ರಗ್ಸ್ ತೆಗೆದುಕೊಳ್ಳುತ್ತಿದ್ದರು ಎಂದು ಗುರುವಾರ ಹೇಳುವುದಾಗಿ ಹೇಳಿದ್ದ ಸಾಮಾಜಿಕ ಕಾರ್ಯಕ್ರರ್ತ ಪ್ರಶಾಂತ್ ಸಂಬರಗಿ, ಯಾವ ನಟ-ನಟಿಯ ಹೆಸರನ್ನು ಹೇಳದಿದ್ದರೂ, ಒಂದು ಮಹತ್ವದ ವಿಷಯವನ್ನು ಹೇಳಿದ್ದರೆ. ಹೆಸರು ಹೇಳದೆ ಪರೋಕ್ಷವಾಗಿ ಶಾಸಕ ಜಮೀರ್ ಅಹ್ಮದ್ ಖಾನ್ಗೂ ಈ ಡ್ರಗ್ಸ್ ಮಾಫಿಯಾಗೂ ನಂಟಿದೆ ಎಂದು ಬೆರಳು ತೋರಿಸಿದ್ದಾರೆ.
ಇದನ್ನೂ ಓದಿ: ನಾನು ಬಚ್ಚಿಟ್ಟುಕೊಳ್ಳೋಕೆ ದಾವೂದ್ ಅಥವಾ ಲಾಡೆನ್ ಅಲ್ಲ …
ಈ ಕುರಿತು ಇಂದು ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿರುವ ಅವರು, ‘ಸುಶಾಂತ್ ಮರ್ಡರ್ ಕೇಸ್ನಲ್ಲಿ ಮ್ಯಾನೇಜರ್ ಶ್ರುತಿ ಮೋದಿನ ಅರೆಸ್ಟ್ ಮಾಡಲಾಯಿತು, ಈ ವಿಷಯವಾಗಿ ಅವರ ಅಡ್ವೋಕೇಟ್ ಒಂದು ಪತ್ರಿಕಾ ಪ್ರಕಟಣೆ ಬಿಡುಗಡೆ ಮಾಡಿದರು. ಇದರಲ್ಲಿ ಸುಶಾಂತ್ಗೆ ಇಮ್ತಿಯಾಜ್ ಖಾತ್ರಿಯಿಂದ ಡ್ರಗ್ಸ್ ಬಂತು ಎಂಬ ವಿಷಯವನ್ನು ಅವರು ಹೇಳಿದ್ದರು. ಈ ಇಮ್ತಿಯಾಜ್ ಖಾತ್ರಿ ಯಾರು ಎಂಬುದು ಬಹಳು ಮುಖ್ಯ. ಅವರನೊಬ್ಬ ಡ್ರಗ್ಸ್ ಕಿಂಗ್ಪಿನ್. ಅವನಿಗೆ ಬಾಲಿವುಡ್ನ ಜನಪ್ರಿಯ ನಟ-ನಟಿಯರಾದ ಸಲ್ಮಾನ್ ಖಾನ್, ಸುಶ್ಮಿತಾ ಸೇನ್ ಮುಂತಾದವರ ಜತೆಗೆ ನಂಟಿದೆ’ ಎಂದು ಪ್ರಶಾಂತ್ ಹೇಳಿದ್ದಾರೆ.
2017ರಲ್ಲಿ ಮುಂಬೈನಲ್ಲಿ ನಡೆದ ಪಾರ್ಟಿಯೊಂದರಲ್ಲಿ ಯಾರ್ಯಾರು ಭಾಗವಹಿಸಿದ್ದರು ಎಂಬುದು ತನಿಖೆಯಾಗಬೇಕು ಎಂದಿರುವ ಪ್ರಶಾಂತ್, ‘ಈ ಪಾರ್ಟಿಗೆ ಕರ್ನಾಟಕದಿಂದ ಯಾರ್ಯಾರು ಹೋಗಿದ್ದರು ಎಂಬುದು ಪೊಲೀಸರು ತನಿಖೆ ಮಾಡಬೇಕು. ಅದರಲ್ಲೂ ಚಿತ್ರರಂಗದವರು ಯಾರೆಲ್ಲಾ ಭಾಗವಹಿಸಿದ್ದರು ಎಂಬುದು ಸ್ಪಷ್ಟವಾಗಬೇಕು’ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ರಾಗಿಣಿ ಆಪ್ತ ರವಿಶಂಕರ್ ಸಿಸಿಬಿ ಬಲೆಗೆ ಹೇಗೆ ಬಿದ್ದ!
ಇನ್ನು, ಜಮೀರ್ ಅಹ್ಮದ್ ಖಾನ್ ಹೆಸರೆತ್ತದೆಯೇ ಅವರ ಬಗ್ಗೆ ಮಾತನಾಡಿದ ಪ್ರಶಾಂತ್, ‘ಜೆಡಿಎಸ್ ಮುಖಂಡರೊಬ್ಬರು ಕೆಲವು ವರ್ಷಗಳ ಹಿಂದೆ ಕಾಂಗ್ರೆಸ್ಗೆ ಬಂದು, ಅಲ್ಲಿ ಚುನಾವಣೆಯನ್ನೂ ಗೆದ್ದರು. ಅವರ 50ನೇ ವರ್ಷದ ಹುಟ್ಟುಹಬ್ಬಕ್ಕೆ ಬಾಲಿವುಡ್ನ ಹಲವು ಸ್ಟಾರ್ಸ್ಗಳು ಹಾಜರಿದ್ದರು. ಅದರಲ್ಲಿ ಇಮ್ತಿಯಾಜ್ ಖಾತ್ರಿ ಸಹ ಇದ್ದ. ಅವನು ಇಲ್ಲಿಗೆ ಯಾಕೆ ಬಂದಿದ್ದ, ಅವನು ಯಾರ ಮನೇಲಿ ಇದ್ದ, ಯಾರ ಕಾರ್ ಯೂಸ್ ಮಾಡಿದ ಎಂಬುದು ತನಿಖೆ ಆಗಬೇಕು’ ಎಂದು ಪ್ರಶಾಂತ್ ಆಗ್ರಹಿಸಿದ್ದಾರೆ.