ಬೆಂಗಳೂರು: ಬಹುಭಾಷಾ ನಟಿ, ಕನ್ನಡತಿ ಪ್ರಣೀತಾ ಸುಭಾಷ್ ಬಾಲಿವುಡ್ಗೆ ಪದಾರ್ಪಣೆ ಮಾಡಿರುವುದು ಗೊತ್ತಿರುವ ವಿಚಾರ. ಈಗಾಗಲೇ ಅಜಯ್ ದೇವಗನ್ ಜತೆಗೆ ‘ಭುಜ್ – ದಿ ಪ್ರೖೆಡ್ ಆಫ್ ಇಂಡಿಯಾ’ ಚಿತ್ರದಲ್ಲಿ ನಟಿಸಿದ್ದಾರವರು. ಅದೇ ರೀತಿ ‘ಹಂಗಾಮಾ 2’ ಚಿತ್ರದಲ್ಲಿಯೂ ಬಣ್ಣ ಹಚ್ಚಿದ್ದಾರೆ. ಇದೀಗ ವಿಷಯ ಏನೆಂದರೆ, ಈ ಎರಡು ಸಿನಿಮಾಗಳ ಪೈಕಿ ‘ಹಂಗಾಮಾ 2’ ಸಿನಿಮಾ ಇನ್ನೇನು ಶೀಘ್ರದಲ್ಲಿ ಒಟಿಟಿ ವೇದಿಕೆಯಲ್ಲಿ ಪ್ರಸಾರವಾಗಲಿದೆ. ಪ್ರಿಯದರ್ಶನ್ ನಿರ್ದೇಶನದಲ್ಲಿ ಮೂಡಿಬಂದಿರುವ ‘ಹಂಗಾಮಾ 2’ ಹಾಸ್ಯಪ್ರಧಾನ ಸಿನಿಮಾ. ಈ ಚಿತ್ರದಲ್ಲಿ ಪರೇಶ್ ರಾವಲ್, ಶಿಲ್ಪಾ ಶೆಟ್ಟಿ, ಪ್ರಣೀತಾ, ಮಿಜಾನ್ ಜೆಫ್ರಿ ಮುಖ್ಯಭೂಮಿಕೆಯಲ್ಲಿದ್ದಾರೆ. ಮತ್ತೊಂದು ವಿಶೇಷತೆ ಏನೆಂದರೆ, ಶಿಲ್ಪಾ ಶೆಟ್ಟಿಗಿದು ಕಂಬ್ಯಾಕ್ ಚಿತ್ರವಾದರೆ, ಒಟಿಟಿಯಲ್ಲಿ ಬಿಡುಗಡೆ ಆಗುತ್ತಿರುವ ಪ್ರಣೀತಾ ಅವರ ಮೊದಲ ಚಿತ್ರವೂ ಇದೇ. ಇನ್ನೇನು ಡಿಸ್ನಿ ಪ್ಲಸ್ ಹಾಟ್ಸ್ಟಾರ್ನಲ್ಲಿ ‘ಹಂಗಾಮಾ 2’ ಚಿತ್ರ ಸ್ಟ್ರೀಮ್ ಆಗಲಿದೆ ಎನ್ನಲಾಗುತ್ತಿದೆ. ಯಾವಾಗ ಎಂಬುದು ಇನ್ನಷ್ಟೇ ಅಧಿಕೃತವಾಗಬೇಕಿದೆ.
ಡಿಸ್ನಿಯಲ್ಲಿ ಮತ್ತೆ ಸಾಲುಸಾಲು ಸಿನಿಮಾ: ಕಳೆದ ವರ್ಷದ ಕೋವಿಡ್ ಸಂದರ್ಭದಲ್ಲಿ ಸಾಲುಸಾಲು ಚಿತ್ರಗಳನ್ನು ತನ್ನ ವೇದಿಕೆಯಲ್ಲಿ ಬಿಡುಗಡೆ ಮಾಡುವುದಾಗಿ ಡಿಸ್ನಿ ಹಾಟ್ಸ್ಟಾರ್ ಪ್ಲಸ್ ಹೇಳಿಕೊಂಡಿತ್ತು. ಅದರಂತೆ ‘ದಿಲ್ಬೇಚಾರ’, ‘ಲಕ್ಷ್ಮೀ ಬಾಂಬ್’, ‘ಸಡಕ್ 2’, ‘ಖುದಾ ಹಫೀಸ್’, ಲೂಟ್ ಕೇಸ್’… ಚಿತ್ರಗಳು ಬಿತ್ತರವಾಗಿದ್ದವು. ಇದೀಗ ಈ ವರ್ಷವೂ ಇನ್ನೇನು ಹಲವು ಸಿನಿಮಾಗಳನ್ನು ಘೋಷಿಸಿಕೊಳ್ಳಲಿದೆ. ಆ ಪೈಕಿ ‘ಹಂಗಾಮಾ 2’, ‘ಭೂತ್ ಪೊಲೀಸ್’, ‘ಮಿಮಿ’, ‘ಶಿದ್ದತ್’ ಸೇರಿ ಹಲವು ಚಿತ್ರಗಳು ಡಿಸ್ನಿಯಲ್ಲಿ ಸ್ಟ್ರೀಮ್ ಆಗಲಿವೆ.
ಕರೊನಾ ಲಸಿಕೆ ಹಾಕಿಸಿಕೊಳ್ಳುವ ಕುರಿತು ನಿಮ್ಮಲ್ಲಿ ಈ ಗೊಂದಲಗಳಿವೆಯೇ? ಹಾಗಿದ್ದರೆ ಇಲ್ಲಿವೆ ನೋಡಿ ಸ್ಪಷ್ಟೀಕರಣ…
ಎಟಿಎಂಗೆ ತುಂಬಬೇಕಿದ್ದ 75 ಲಕ್ಷ ರೂ. ದೋಚಿದ ದುರುಳರು; ಹೆದರಿದ ವ್ಯಾನ್ ಚಾಲಕನನ್ನು ಕೊಂದೇ ಬಿಟ್ಟರು!