ಮೃತ ದೇಹಗಳ ರಾಶಿ ನೋಡಿ ಹೃದಯಾಘಾತಕ್ಕೀಡಾದ ಕಾನ್‌ಸ್ಟೇಬಲ್‌ ಮೃತ್ಯು..!

ಲಖನೌ: ಉತ್ತರ ಪ್ರದೇಶದ ಹತ್ರಾಸ್ ಸತ್ಸಂಗದಲ್ಲಿ ಕಾಲ್ತುಳಿತದಿಂದ 121 ಮಂದಿ ಮೃತಪಟ್ಟಿದ್ದು, ಮೃತ ದೇಹಗಳನ್ನು ಮರಣೋತ್ತರ ಪರೀಕ್ಷೆಗಾಗಿ ಸುತ್ತಮುತ್ತಲಿನ ಜಿಲ್ಲೆಗಳಿಗೆ ಕಳುಹಿಸಲಾಗಿದೆ. ಆದರೆ 27 ಜನರ ಮೃತದೇಹಗಳನ್ನು ಇಟಾಹ್ ವೈದ್ಯಕೀಯ ಕಾಲೇಜಿಗೆ ತಂದಿದ್ದು, ಅಲ್ಲಿ ತುರ್ತು ಕರ್ತವ್ಯಕ್ಕೆ ನಿಯೋಜನೆಗೊಂಡಿದ್ದ ಕಾನ್‌ಸ್ಟೇಬಲ್ ರವಿಯಾದವ್​ ಶವಗಳ ರಾಶಿ ನೋಡಿ ಆಘಾತಗೊಂಡು ಹೃದಯಾಘಾತಕ್ಕೀಡಾಗಿ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.

ಇದನ್ನೂ ಓದಿ: ವರ್ಷದ ಹಿಂದೆಯೇ ಕೋಚ್​ ಹುದ್ದೆ ತ್ಯಜಿಸಲು ತೀರ್ಮಾನಿಸಿದ್ದ ದ್ರಾವಿಡ್​..ತಡೆದಿದ್ದು ಯಾರು ಗೊತ್ತಾ?

ಮೃತ ರವಿ ಹತ್ರಾಸ್ ಇಟಾಹ್ ಜಿಲ್ಲೆಯ ಅವಗಡ ಪೊಲೀಸ್ ಠಾಣೆಯಲ್ಲಿ ಕಾನ್‌ಸ್ಟೆಬಲ್ ಆಗಿ ಕಾರ್ಯನಿರ್ವಹಿಸುತ್ತಿದ್ದರು.ಮೂಲತಃ ಅಲಿಗಢ ನಿವಾಸಿ. ಇಟಾಹ್‌ನ ಕೆವೈಆರ್​ಟಿ ಅವಘರ್‌ನಲ್ಲಿ ಕರ್ತವ್ಯಕ್ಕೆ ನಿಯೋಜಿಸಲಾಗಿತ್ತು. ದುರ್ಘಟನೆ ನಂತರ, ಅವರನ್ನು ವೈದ್ಯಕೀಯ ಕಾಲೇಜಿನಲ್ಲಿ ತುರ್ತು ಕರ್ತವ್ಯದಡಿ ನಿಯೋಜಿಸಲಾಗಿತ್ತು.

ಹತ್ರಾಸ್‌ನಲ್ಲಿ ಕಾಲ್ತುಳಿತದ ನಂತರ, ಮೃತ ದೇಹಗಳು ಮತ್ತು ಗಾಯಾಳುಗಳನ್ನು ವೈದ್ಯಕೀಯ ಕಾಲೇಜಿಗೆ ತಂದಾಗ, ಅವರಿಗೆ ಅಲ್ಲಿಗೆ ಕರ್ತವ್ಯದ ಮೇರೆಗೆ ನಿಯೋಜಿಸಲಾಗಿದೆ. ರವಿ ಮೃತ ದೇಹಗಳ ರಾಶಿಯನ್ನು ನೋಡಿ ಆಘಾತವನ್ನು ಸಹಿಸಲಾಗದೆ ಹೃದಯಾಘಾತದಿಂದ ಕೊನೆಯುಸಿರೆಳೆದಿದ್ದಾರೆ.

ಮಂಗಳವಾರ ಹತ್ರಾಸ್ ಜಿಲ್ಲೆಯ ಪುಲ್ರೈ ಗ್ರಾಮದಲ್ಲಿ ಭೋಲೆ ಬಾಬಾ ಅವರ ಮಾನವ್ ಮಂಗಲ್ ಮಿಲನ್ ಸದ್ಭಾವನಾ ಸಮಾಗಮ್ ಅನ್ನು ಆಯೋಜಿಸಿದ್ದು, ಇದರಲ್ಲಿ ಸಾವಿರಾರು ಜನ ಸೇರಿದ್ದರು. ಕಾರ್ಯಕ್ರಮ ಮುಕ್ತಾಯದ ನಂತರ, ಕಾಲ್ತುಳಿತ ಸಂಭವಿಸಿ 121 ಮಂದಿ ಮೃತಪಟ್ಟಿದ್ದಾರೆ.

https://www.vijayavani.net/pm-modi-slams-opposition-for-lack-of-courage-to-debate-in-rajyasabha