ಪ್ರಧಾನಿ ಮೋದಿ ತಮ್ಮ ಅವಧಿಯನ್ನು ಮುಗಿಸುವುದಿಲ್ಲ, 2026ಕ್ಕೆ ಎನ್​ಡಿಎ ಸರ್ಕಾರ ಪತನ: Sanjay Raut

ಮುಂಬೈ: ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಎನ್​ಡಿಎ ಸರ್ಕಾರವು 2026ರವರೆಗೆ ಉಳಿಯುವುದು ಡೌಟ್​ ಎಂದು ಶಿವಸೇನೆ (UBT) ನಾಯಕ ಸಂಜಯ್​ ರಾವುತ್​ (Sanjay Raut) ಹೇಳಿದ್ದಾರೆ.

ಗುರುವಾರ (ಜನವರಿ 02) ಸುದ್ದಿಗಾರರೊಂದಿಗೆ ಮಾತನಾಡಿದ ಸಂಜಯ್ ರಾವುತ್ (Sanjay Raut), 2026ರವರೆಗೆ ಕೇಂದ್ರದಲ್ಲಿ ಎನ್​ಡಿಎ ಸರ್ಕಾರ ಅಧಿಕಾರ ನಡೆಸುವುದು ನನಗೆ ಅನುಮಾನವಾಗಿದೆ. ಒಂದು ವೇಳೆ ಸರ್ಕಾರ ಏನಾದರು ಪತನವಾದರೆ ಮಹಾರಾಷ್ಟ್ರ ಸೇರಿದಂತೆ ಇತರೆ ರಾಜ್ಯಗಳ ರಾಜಕೀಯದಲ್ಲಿ ಭಾರೀ ಬೆಳವಣಿಗೆಯಾಗಲಿದೆ ಎಂದು ಭವಿಷ್ಯ ನುಡಿದಿದ್ದಾರೆ.

ಇನ್ನೂ ಮಹಾರಾಷ್ಟ್ರದ ವಿಧಾನಸಭೆ ಚುನಾವಣೆಯಲ್ಲಿ ಪಕ್ಷದ ಹೀನಾಯ ಸೋಲಿಗೆ ಪ್ರತಿಕ್ರಿಯಿಸಿದ ಸಂಜಯ್​ ರಾವುತ್​ ನಮ್ಮ ನಾಯಕರು ಅವರೊಂದಿಗೆ ಮಾತನಾಡಿದ್ದು, ಸ್ಥಳೀಯ ಸಮಸ್ಯೆಗಳ ಬಗ್ಗೆ ಅವರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ ಅಷ್ಟೇ. ಹೀಗಾಗಿ ಪಕ್ಷ ತೊರೆಯುವ ಮಾತು ಉದ್ಭವಿಸಲ್ಲ ಎಂದು ಸಂಜಯ್​​ ರಾವುತ್ ಸ್ಪಷ್ಟಪಡಿಸಿದ್ದಾರೆ.

288 ಸದಸ್ಯಬಲದ ಮಹಾರಾಷ್ಟ್ರ ವಿಧಾನಸಭೆಗೆ ನವೆಂಬರ್​ ತಿಂಗಳಲ್ಲಿ ನಡೆದ ಚುನಾವಣೆಯಲ್ಲಿ ಬಿಜೆಪಿ ನೇತೃತ್ವದ ಮಹಾಯುತಿ ಮೈತ್ರಿಕೂಟವು 235 ಸ್ಥಾನಗಳಲ್ಲಿ ಭರ್ಜರಿ ಗೆಲುವು ಸಾಧಿಸಿತ್ತು. ಕಾಂಗ್ರೆಸ್ ನೇತೃತ್ವದ ಇಂಡಿಯಾ ಮೈತ್ರಿಕೂಟವು 49 ಸ್ಥಾನಗಳಲ್ಲಿ ಜಯಗಳಿಸಿತ್ತು.

https://www.vijayavani.net/gautam-gambhir-under-scanner-report-says-players-insecure-after-champions-trophy-coach-may-be

https://www.vijayavani.net/one-murdered-and-two-seriously-injured-for-silly-matter-stabbing