ರಾಜ್ಯ ರಾಜಧಾನಿ ಬೆಂಗಳೂರು (Bengaluru) ಕೇವಲ ಒಂದು ನಗರ ಮಾತ್ರವಲ್ಲ ಅದೊಂದು ಕುಟುಂಬ. ನಮ್ಮ ಕನ್ನಡನಾಡು ಕನ್ನಡಿಗರಿಗಷ್ಟೇ ಸೀಮಿತವಾಗದೆ ಇತರೆ ಜಿಲ್ಲೆ, ರಾಜ್ಯ, ದೇಶ-ವಿದೇಶಗಳ ಜನರಿಗೆ ಸೂರು ಆಗಿದೆ, ಆಸರೆಯೂ ಆಗಿದೆ. ಉದ್ಯಮ, ಶಿಕ್ಷಣ ಹೀಗೆ ನಾನಾ ಉದ್ದೇಶಗಳನ್ನು ಹೊತ್ತು ಸಿಲಿಕಾನ್ ಸಿಟಿಗೆ ಆಗಮಿಸುವ ಅದೆಷ್ಟೋ ಸಂಖ್ಯೆಯ ವಲಸಿಗರು, ತಮ್ಮ ಧ್ಯೇಯದಲ್ಲಿ ಯಶಸ್ಸನ್ನು ಕಂಡು, ಬೆಂಗಳೂರಿನಲ್ಲೇ ನೆಲೆ ಕಂಡಿದ್ದಾರೆ. ದೊಡ್ಡ ಕನಸನ್ನು ಕಾಣುತ ಬೆಂದಕಾಳೂರಿಗೆ ಕೆಂಪು ಬಸ್ ಹಿಡಿದು ಬಂದವರ ಪೈಕಿ ಇಂದು ಸಾಧನೆ ಮಾಡಿದವರು ಅಪಾರ. ಕನ್ನಡ ನೆಲ, ಜಲ, ಸೂರು, ಆಹಾರ, ಸಂಸ್ಕೃತಿಗೆ ವಲಸಿಗರು ಕೂಡ ಫಿದಾ ಆಗುತ್ತಾರೆ. ವಿಶ್ವದಲ್ಲೇ ಬೆಂಗಳೂರಿಗೆ ವಿಶೇಷ ಸ್ಥಾನವಿದೆ. ಹೀಗಿರುವಾಗ ಬೆಂಗಳೂರು ಮತ್ತು ಅಲ್ಲಿನ ಯುವತಿಯರ ಬಗ್ಗೆ ಇಲ್ಲಸಲ್ಲದ ಹೇಳಿಕೆಗಳನ್ನು ನೀಡುವುದನ್ನು ನಿಜಕ್ಕೂ ಒಪ್ಪಲಾಗದು. (ಏಜೆನ್ಸೀಸ್)
