VIDEO| King Cobra ದಾಳಿಯಿಂದ ಮಕ್ಕಳನ್ನು ಪಾರು ಮಾಡಿದ PItbull

ಲಖನೌ: ಪಿಟ್​ಬುಲ್​ ತಳಿಯ ನಾಯಿಗಳು ನೋಡಲು ಎಷ್ಟು ಮುದ ನೀಡುತ್ತವೋ ಅದೇ ರೀತಿ ಕೆಲವೊಮ್ಮೆ ತಮ್ಮ ಸಿಟ್ಟಿನಿಂದಲೂ ಸಹ ಹೆಚ್ಚು ಸುದ್ದಿಯಾಗಿರುತ್ತವೆ. ಈ ಹಿಂದೇ ಪಿಟ್​ಬುಲ್ ತಿಳಯ​ ಶ್ವಾನ ಅನೇಕರ ಪ್ರಾಣ ತೆಗೆದಿರುವ ಬಗ್ಗೆ ಕೇಳಿದ್ದೇವೆ. ಆದರೆ, ಇದೀಗ ಅದೇ ಪಿಟ್​ಬುಲ್​ ತಳಿಯ ನಾಯಿ ಹಾವಿನ ದಾಳಿಯಿಂದ ಮಕ್ಕಳನ್ನು ರಕ್ಷಿಸಿರುವ ಘಟನೆ ಉತ್ತರಪ್ರದೇಶದ ಝಾನ್ಸಿಯಲ್ಲಿ ನಡೆದಿದೆ.

ಪಿಟ್​ಬುಲ್​ ನಾಯಿ ಕಿಂಗ್​ ಕೋಬ್ರಾ ದಾಳಿಯಿಂದ ರಕ್ಷಿಸುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದ್ದು, ವ್ಯಾಪಕ ಮೆಚ್ಚುಗೆಗೆ ಪಾತ್ರವಾಗಿದೆ. ಪಂಜಾಬ್​ ಸಿಂಗ್ ಎಂಬುವವರು ಈ ವಿಡಿಯೋವನ್ನು ಹಂಚಿಕೊಂಡಿದ್ದು, ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.

ಇದನ್ನೂ ಓದಿ: ಕಿಂಗ್​ ಎಲ್ಲೇ ಇದ್ರು ಕಿಂಗ್, ಹೊರಗೆ​ ಬಂದೇ ಬರ್ತಾರೆ; ದಚ್ಚು ಕುರಿತು ರಕ್ಷಕ್​ ಹೇಳಿಕೆ ವೈರಲ್​

ವೈರಲ್​ ಆಗಿರುವ ವಿಡಿಯೋ ನೋಡುವುದಾದರೆ ಮಕ್ಕಳಿಬ್ಬರು ಮನೆಯ ಕಾಂಪೌಂಡ್​ನಲ್ಲಿ ತಮ್ಮ ಪಾಡಿಗೆ ಆಟವಾಡಿಕೊಳ್ಳುತ್ತಿದ್ದು, ಗಾರ್ಡನ್​ ಏರಿಯಾದಲ್ಲಿ ಕಿಂಗ್​​ ಕೋಬ್ರಾವನ್ನು ನೋಡಿ ಕೂಗಿಕೊಳ್ಳುತ್ತಾರೆ. ಮಕ್ಕಳಿಬ್ಬರ ಕೂಗಿಗೆ ತಕ್ಷಣವೇ ಪ್ರತಿಕ್ರಿಯಿಸಿದ ಶ್ವಾನ ಜೆನ್ನಿ ಕೂಡಲೇ ರಕ್ಷಣೆಗೆ ಧಾವಿಸಿದ್ದು, ಹಾವನ್ನು ಕಚ್ಚಿ ಸಾಯಿಸಿದೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ.

ಈ ಕುರಿತು ಮಾತನಾಡಿರುವ ಶ್ವಾನದ ಮಾಲೀಕರಾದ ಪಂಜಾಬ್​ ಸಿಂಗ್, ಜೆನ್ನಿ ಹಾವನ್ನು ಕೊಂದಿರುವುದು ಇದೇ ಮೊದಲಲ್ಲ. ನಮ್ಮ ಮನೆಯ ಸುತ್ತ ಹೊಲವಿದ್ದು, ಮಳೆಗಾಲ ಹಾಗೂ ಬೇಸಿಗೆಯಲ್ಲಿ ಹೆಚ್ಚಾಗಿ ಹಾವುಗಳು ಕಾಣಿಸಿಕೊಳ್ಳುತ್ತವೆ. ಜೆನ್ನಿ ಈವರೆಗೆ 8-10 ಹಾವುಗಳನ್ನು ಸಾಯಿಸಿದ್ದು, ಒಂದು ವೇಳೆ ಹಾವು ಮನೆಗೆ ನುಗ್ಗಿದ್ದರೆ ಏನಾಗುತ್ತಿತ್ತೋ ಗೊತ್ತಿಲ್ಲ ಎಂದು ಜೆನ್ನಿಯ ಮಾಲೀಕ ಪಂಜಾಬ್​ ಸಿಂಗ್ ಹೇಳಿದ್ದಾರೆ.

https://www.vijayavani.net/sarfaraz-jurel-dayal-likely-to-be-released-from-india-test-squad-bcci-confirms

https://www.vijayavani.net/seven-die-as-car-rams-into-trailer-truck-in-sabarkantha-district