ಇನ್ನಷ್ಟು, ಮತ್ತಷ್ಟು ಸುಂದರವಾಗಿ ಕಾಣಿಸಿಕೊಳ್ಳಬೇಕು ಎಂಬ ಹಂಬಲದೊಂದಿಗೆ 31 ವರ್ಷದ ಆ ಯುವತಿ ಕಾಸ್ಮೆಟಿಕ್ ಸರ್ಜರಿಗೆ ಒಳಗಾದ್ರು. ಸುಂದರವಾಗಿದ್ದ ಮುಖ ಕಾರ್ಟೂನ್ ಜೀವಿಯ ಮುಖದಂತೆ ಕಾಣತೊಡಗಿತ್ತು!ಇದು ಇನ್ಸ್ಟಾಗ್ರಾಂ ಮಾಡೆಲ್ ಆಗಿರುವ ಉಕ್ರೇನ್ ಯುವತಿಯ ಕಥೆ ಇದು!
ಆಕೆಯ ಹೆಸರು ಅನಸ್ಟಾಸಿಯಾ ಪೋಕ್ರೆಶ್ಚುಕ್.ಕೆನ್ನೆ ಚೆನ್ನಾಗಿ ಕಾಣಿಸಬೇಕು ಎಂದು ಆಕೆ ಪದೇಪದೆ ಇಂಜೆಕ್ಷನ್ ಮೂಲಕ ಫಿಲ್ಲರ್ಗಳನ್ನು ತುಂಬುತ್ತಿದ್ದಳು. ಕಾಸ್ಮೆಟಿಕ್ ಫಿಲ್ಲರ್ಗಳ ವ್ಯಸನಿಯಾಗಿಬಿಟ್ಟಿದ್ದಳು ಆಕೆ. ತನ್ನಿಷ್ಟದ ಲುಕ್ ಬರಬೇಕು ಎಂದು ಆಕೆ ಈ ಎಲ್ಲ ಕಸರತ್ತುಗಳನ್ನು ಮಾಡುತ್ತಿದ್ದಳು. ಇಚ್ಛಿಸಿದ ರೂಪ ಬಿಟ್ಟುಬಿಡಿ.. ಭಯಾನಕವಾಗಿ ಕಾಣಿಸಿತೊಡಗಿದಳಾಕೆ. ತುಟಿ ಊದಿಕೊಳ್ಳತೊಡಗಿತು. ಕೆನ್ನೆಯ ಆಕಾರವೂ ಬದಲಾಯಿತು. ಇಷ್ಟಾದರೂ ಆಕೆ ಕಾಸ್ಮೆಟಿಕ್ ಇಂಜೆಕ್ಷನ್ ತೆಗೆದುಕೊಳ್ಳುವುದನ್ನು ನಿಲ್ಲಿಸಲಿಲ್ಲ!
ಇದನ್ನೂ ಓದಿ: ಕೋವಿಡ್ ಪಾರ್ಟಿ ಅಟೆಂಡ್ ಮಾಡಿ ನಾನು ತಪ್ಪೆಸಗಿದೆ – ಡೆತ್ ಬೆಡ್ನಲ್ಲಿ ಯುವಕನ ಕೊನೇ ಮಾತು
ಅಂದ ಹಾಗೆ ಈ ಕಾರ್ಟೂನ್ ಕ್ರಿಯೇಚರ್ ಸುಂದರಿಗೆ ಇನ್ಸ್ಟಾಗ್ರಾಂನಲ್ಲಿ ಒಂದೂವರೆ ಲಕ್ಷ ಫಾಲೋಯರ್ಸ್ ಇದ್ದಾರೆ. ಮುಖ ವಿರೂಪವಾದ ಬಗ್ಗೆ ಒಂದಿಷ್ಟೂ ಬೇಸರಿಸದ ಆಕೆ, ಈ ಲುಕ್ ನಂಗೆ ಇಷ್ಟವಾಗಿದೆ. ಈ ಹಿಂದೆ ನಾನು ಬೂದುಬಣ್ಣದ ಇಲಿ ತರ ಇದ್ದೆ ನೋಡೋದಕ್ಕೆ. ಮೂಗು ಬಹಳ ದೊಡ್ಡದಾಗಿ ಕಾಣ್ತಾ ಇತ್ತು. ಈಗ ಪರವಾಗಿಲ್ಲ. ತುಟಿ, ಕೆನ್ನೆಗಳೂ ಊದಿಕೊಂಡಿವೆ ಎಂದು ಟಿವಿ ಚಾನೆಲ್ಗೆ ನೀಡಿದ ಸಂದರ್ಶನದಲ್ಲಿ ಬಹಳ ಖುಷಿಯಿಂದ ಹೇಳಿಕೊಂಡಿದ್ದಾಳೆ. (ಏಜೆನ್ಸೀಸ್)
ಅಸ್ಸಾಂ ಬಿಜೆಪಿಯಲ್ಲಿ ಗ್ರೂಪಿಸಂ?: ಪಕ್ಷದಿಂದ ದೂರ ಸರಿದ ಶಾಸಕ ಶೈಲಾದಿತ್ಯ ದೇವ್