ಛಾಯಾಗ್ರಾಹಕ ವರೀಂದರ್ ಚಾವ್ಲಾ ತಮ್ಮ ಸಾಮಾಜಿಕ ಮಾಧ್ಯಮದಲ್ಲಿ ಫೋಟೋವನ್ನು ಮೊದಲು ಹಂಚಿಕೊಂಡಿದ್ದು, ಇದರಲ್ಲಿ ಸಲ್ಮಾನ್ ಚಿಕಿತ್ಸೆ ಪಡೆಯುತ್ತಿರುವುದನ್ನು ಕಾಣಬಹುದಾಗಿದೆ. ಫೋಟೋವನ್ನು ಹಂಚಿಕೊಂಡ ವರೀಂದರ್, "ಆಸ್ಪತ್ರೆಯಲ್ಲಿದ್ದ @beingsalmankhan ಅವರ ಚಿತ್ರ" ಎಂದು ಕ್ಯಾಪ್ಷನ್ ನೀಡಿದ್ದಾರೆ. ಆದರೆ, ಇದು ಕೆಲವು ಸೆಲೆಬ್ರಿಟಿಗಳಿಗೆ ಕೋಪ ತಂದಿದೆ. ಹೌದು, ಚಲನಚಿತ್ರ ನಿರ್ಮಾಪಕ ಸಂಜಯ್ ಗುಪ್ತಾ ಅವರು ಆಸ್ಪತ್ರೆಯಲ್ಲಿದ್ದ ನಟ ಸಲ್ಮಾನ್ ಅವರ ವೈರಲ್ ಫೋಟೋವನ್ನು ಟೀಕಿಸಿದರು. ಸಂಜಯ್ ಅವರು, ''ಆಸ್ಪತ್ರೆಯಲ್ಲಿದ್ದ ಸಲ್ಮಾನ್ ಫೋಟೋ ವೈರಲ್ ಆಗುತ್ತಿದೆ... ಜನರು ಯಾಕೆ ಹೀಗೆ ಮಾಡುತ್ತಾರೆ? ಸೆಲೆಬ್ರಿಟಿಗಳಿಗೆ ಪ್ರೈವೆಸಿನೇ ಇಲ್ಲವೇ?'', ಎಂದು ಟ್ವೀಟ್ ಮಾಡಿ ಪ್ರಶ್ನಿಸಿದ್ದಾರೆ... ಇಂದು ಅಂದರೆ ಡಿ.27 ರಂದು ನಟ ಸಲ್ಮಾನ್ ಅವರ ಹುಟ್ಟು ಹಬ್ಬ ಆಗಿರುವುದರಿಂದ ನಟನಿಗೆ ಶುಭಾಶಯಗಳು ಹರಿದುಬಂದಿವೆ.
