ವ್ಯಾಟ್​ ಹೆಚ್ಚಳದಿಂದ ಇಂಧನ ದರದಲ್ಲಿ ಭಾರಿ ಏರಿಕೆ: ಯಾವ್ಯಾವ ನಗರದಲ್ಲಿ ಪೆಟ್ರೋಲ್​, ಡೀಸೆಲ್​ ಬೆಲೆ ಎಷ್ಟಿದೆ?

ನವದೆಹಲಿ: ಇಂಧನ ಮೇಲಿನ ಮೌಲ್ಯವರ್ಧಿತ ತೆರಿಗೆ(ವ್ಯಾಟ್​) ಹೆಚ್ಚಳ ಹಿನ್ನೆಲೆಯಲ್ಲಿ ಮುಂಬೈ, ಬೆಂಗಳೂರು ಹಾಗೂ ಕೋಲ್ಕತಾದಂತಹ ಮಹಾನಗರಗಳಲ್ಲಿ ಪೆಟ್ರೋಲ್​, ಡಿಸೇಲ್​ ದರ ಮತ್ತಷ್ಟು ಏರಿಕೆಯಾಗಿದೆ. ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಕಚ್ಛಾ ತೈಲ ಬೆಲೆಯಲ್ಲಿ ಇಳಿಕೆಯಾದರೂ ದೇಶದಲ್ಲಿ ಇಂಧನ ದರ ಗಗನಮುಖಿಯಾಗಿರುವುದು ಸಾರ್ವಜನಿಕರ ಜೇಬಿಗೆ ಹೊರೆಯಾಗಿದೆ.

ವ್ಯಾಟ್​ ಹೆಚ್ಚಳದಿಂದಾಗಿ ಮುಂಬೈ ಮತ್ತು ಕೋಲ್ಕತದಲ್ಲಿ ಲೀಟರ್​ ಒಂದಕ್ಕೆ ಪೆಟ್ರೋಲ್​ ಮತ್ತು ಡಿಸೇಲ್​ ಬೆಲೆಯಲ್ಲಿ 1 ರೂ. ಏರಿಕೆಯಾಗಿದ್ದರೆ, ಬೆಂಗಳೂರಿನಲ್ಲಿ ಪೆಟ್ರೋಲ್​ ಬೆಲೆಯಲ್ಲಿ 1.58 ರೂ. ಹಾಗೂ ಡಿಸೇಲ್​ಗೆ 1.55 ರೂ. ಹೆಚ್ಚಳವಾಗಿದೆ.

ಏಪ್ರಿಲ್​ನಿಂದ ಇಂಧನ ವ್ಯಾಪಾರಿಗಳು ಯೂರೋ- VIಗೆ ಸಮನಾದ ಬಿಎಸ್​-VI ಶ್ರೇಣಿಯ ಇಂಧನವನ್ನು ಮಾರಾಟ ಮಾಡಲಾಗುತ್ತಿದೆ. ಇಂಧನ ನವೀಕರಣಕ್ಕೆ 35 ಸಾವಿರ ಕೋಟಿ ರೂ. ಹೆಚ್ಚುವರಿಯಾಗಿ ತಗುಲಿರುವುದು ಕೂಡ ಇಂಧನ ದರದ ಹೆಚ್ಚಳಕ್ಕೆ ಕಾರಣವಾಗಿದೆ.

ಪ್ರಮುಖ ನಗರಗಳಲ್ಲಿ ಇಂದಿನ ಇಂಧನ ದರ ಹೀಗಿದೆ...

* ದೆಹಲಿ- ಪೆಟ್ರೋಲ್​(69.59 ರೂ.), ಡೀಸೆಲ್​(62.29 ರೂ.)

* ಮುಂಬೈ- ಪೆಟ್ರೋಲ್​(76.31), ಡೀಸೆಲ್​ (66.21 ರೂ.)

* ಚೆನ್ನೈ- ಪೆಟ್ರೋಲ್​(72.28 ರೂ.), ಡೀಸೆಲ್​ (65.71 ರೂ.)

* ಬೆಂಗಳೂರು- ಪೆಟ್ರೋಲ್​(73.55 ರೂ.), ಡೀಸೆಲ್​ (65.96 ರೂ.)

* ಹೈದರಾಬಾದ್​- ಪೆಟ್ರೋಲ್​(73.97 ರೂ.), ಡೀಸೆಲ್​ (67.82 ರೂ.)

* ಕೋಲ್ಕತ- ಪೆಟ್ರೋಲ್​(73.30 ರೂ.), ಡೀಸೆಲ್​ (65.62 ರೂ.)

ಬ್ರೆಂಟ್​ ಕಚ್ಚಾ ತೈಲವು ಶುಕ್ರವಾರ 3 ರಷ್ಟು ಕುಸಿತದೊಂದಿಗೆ 29.05 ಡಾಲರ್​ಗೆ ಇಳಿದಿದೆ. ಕರೊನಾ ವೈರಸ್​ನಿಂದಾಗಿ ಬೇಡಿಕೆ ಕಡಿಮೆಯಾಗಿರುವ ಹಿನ್ನೆಲೆಯಲ್ಲಿ ಈ ವರ್ಷ ಇಂಧನ ದರದಲ್ಲಿ ಶೇ. 60ರಷ್ಟು ದರ ಕುಸಿದಿರುವುದು ಕೇಂದ್ರ ಸರ್ಕಾರಕ್ಕೆ ಲಾಭವಾಗಿ ಪರಿಣಮಿಸಿದೆ. (ಏಜೆನ್ಸೀಸ್​)

https://www.vijayavani.net/sensex-drops-over-400-pts-nifty-tumbles-below-8200/

https://www.vijayavani.net/india-should-file-a-case-against-china-for-damages-caused-due-to-coronavirus-and-claim-500-billion-dollars/