Zodiac Signs : ಸಾಮಾನ್ಯವಾಗಿ ಪ್ರತಿಯೊಬ್ಬರ ಜೀವನದಲ್ಲಿ ಹಣವು ಪ್ರಮುಖ ಪಾತ್ರ ವಹಿಸುತ್ತದೆ. ಹಣದ ಬೇಡಿಕೆಯು ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ ಮತ್ತು ಎಂದಿಗೂ ಇದರ ಬೇಡಿಕೆಯಂತೂ ಕಡಿಮೆಯಾಗುವುದಿಲ್ಲ. ಹಣವಿದ್ದರೆ ಸಾಕು ಈ ಜಗತ್ತಿನಲ್ಲಿ ಏನು ಮಾಡಬೇಕಾದರೂ ಮಾಡಬಹುದು ಎಂದರೆ ಅತಿಶಯೋಕ್ತಿಯಲ್ಲ.
ಪ್ರಪಂಚದಾದ್ಯಂತ ಹಣವೇ ಪ್ರಮುಖ ಶಕ್ತಿಯಾಗಿದೆ. ವ್ಯಕ್ತಿಗಿಂತ ಹಣಕ್ಕೆ ಬೆಲೆ ಕೊಡುವವರ ಸಂಖ್ಯೆಯೇ ಹೆಚ್ಚು. ಇಂತಹ ಹಣವನ್ನು ಕೆಲವರು ಶ್ರಮದಿಂದ ಗಳಿಸಿದರೆ, ಕೆಲವರು ಅಕ್ರಮದ ಹಾದಿಯಲ್ಲಿ ಪಡೆಯುತ್ತಾರೆ. ಇನ್ನು ಕೆಲವರು ಅದೃಷ್ಟದ ಮೂಲಕ ತಮ್ಮದಾಗಿಸಿಕೊಳ್ಳುತ್ತಾರೆ.
ಅದೃಷ್ಟ ಅಂತಾ ಬಂದಾಗ ಜ್ಯೋತಿಷ್ಯ ಪ್ರಮುಖ ಪಾತ್ರವಹಿಸುತ್ತದೆ. ಜ್ಯೋತಿಷ್ಯದ ಪ್ರಕಾರ, ಕೆಲವು ರಾಶಿಗಳಲ್ಲಿ ಜನಿಸಿದವರು ತಮ್ಮ ಜೀವನದ ಕೊನೆಯವರೆಗೂ ಹೆಚ್ಚಿನ ಸಂಪತ್ತಿನಿಂದ ಬದುಕುತ್ತಾರಂತೆ. ಅಲ್ಲದೆ, ಈ ಜನರು ಹಣವನ್ನು ಉಳಿಸುವಲ್ಲಿ ನಿಪುಣರು. ಭವಿಷ್ಯದಲ್ಲಿ ಯಾವ ರಾಶಿಯವರು ಆರ್ಥಿಕ ಅದೃಷ್ಟವನ್ನು ಪಡೆಯುತ್ತಾರೆ ಎಂಬುದನ್ನು ನಾವೀಗ ತಿಳಿದುಕೊಳ್ಳೋಣ.
ಮಕರ ರಾಶಿ
ಮಕರ ರಾಶಿಯಲ್ಲಿ ಜನಿಸಿದ ಜನರು ಹಣದ ವಿಷಯಕ್ಕೆ ಬಂದಾಗ ಜವಾಬ್ದಾರಿಯುತರಾಗಿರುತ್ತಾರೆ. ಅವರ ಭವಿಷ್ಯದ ಯೋಜನೆಗಳು ಇತರರಿಗಿಂತ ಭಿನ್ನವಾಗಿರುತ್ತವೆ. ಅವರ ಮುಂದಿನ ಹೆಜ್ಜೆಗಳು ಜಾಣ್ಮೆಯಿಂದ ಕೂಡಿರುತ್ತವೆ. ಅವರು ಯಾವುದೇ ಕಾರಣಕ್ಕೂ ಅನಗತ್ಯ ವಿಷಯಗಳಿಗೆ ಹಣವನ್ನು ಖರ್ಚು ಮಾಡುವುದಿಲ್ಲ.
ವೃಶ್ಚಿಕ ರಾಶಿ
ವೃಶ್ಚಿಕ ರಾಶಿಯ ಚಿಹ್ನೆಯಡಿಯಲ್ಲಿ ಜನಿಸಿದ ಜನರು ಯಾವಾಗಲೂ ಬುದ್ಧಿವಂತಿಕೆಯಿಂದ ಹೂಡಿಕೆಗಳನ್ನು ಮಾಡುತ್ತಾರೆ. ಇದು ಅವರನ್ನು ಹಣ ಗಳಿಸುವಂತೆ ಮಾಡುತ್ತದೆ. ಭವಿಷ್ಯದಲ್ಲಿ ಅವರಿಗೆ ಲಾಭ ತರುವ ವಿಷಯಗಳಿಗೆ ಅವರು ಹೆಚ್ಚು ಪ್ರಾಮುಖ್ಯತೆ ನೀಡುತ್ತಾರೆ. ಕೋಟಿಗಟ್ಟಲೆ ಗಳಿಸುವ ಅವಕಾಶ ಹೊಂದಿರುವವರನ್ನು ನೋಡುವುದು ತುಂಬಾ ಅಪರೂಪ. ಆದರೆ, ಈ ರಾಶಿಯವರಿಗೆ ಆ ಅವಕಾಶ ಹೆಚ್ಚಿರುತ್ತದೆ.
ವೃಷಭ ರಾಶಿ
ಜ್ಯೋತಿಷ್ಯಶಾಸ್ತ್ರದ ಪ್ರಕಾರ, ವೃಷಭ ರಾಶಿಯಲ್ಲಿ ಜನಿಸಿದ ಜನರು ಹಣಕಾಸಿನ ವಿಷಯಗಳಲ್ಲಿ ಅನುಭವಿಗಳಾಗಿರುತ್ತಾರೆ. ಅವರು ಯಾವಾಗಲೂ ಬುದ್ಧಿವಂತರು. ಹೀಗಾಗಿ ಹಣವನ್ನು ಉಳಿಸುವುದರಲ್ಲಿ ಅವರು ನಿಪುಣರು. ಅವರು ಅನಗತ್ಯ ಖರ್ಚುಗಳನ್ನು ತಪ್ಪಿಸುತ್ತಾರೆ. ಆದ್ದರಿಂದ, ಅವರ ಬಳಿ ಯಾವಾಗಲೂ ಸಾಕಷ್ಟು ಹಣವಿರುತ್ತದೆ. ಅವರು ಉಳಿತಾಯದ ಬಗ್ಗೆಯೂ ತುಂಬಾ ಆಸಕ್ತಿ ಹೊಂದಿರುತ್ತಾರೆ.
ವಿಶೇಷ ಸೂಚನೆ: ಈ ಮೇಲೆ ಉಲ್ಲೇಖಿಸಲಾದ ಎಲ್ಲ ಮಾಹಿತಿಯನ್ನು ವಿವಿಧ ಮಾಧ್ಯಮಗಳು, ಜ್ಯೋತಿಷಿಗಳು, ಪಂಚಾಂಗಗಳು, ನಂಬಿಕೆಗಳು ಹಾಗೂ ಆಧ್ಯಾತ್ಮಿಕ ಪಠ್ಯಗಳಿಂದ ಸಂಗ್ರಹಿಸಲಾಗಿದೆ. ಮಾಹಿತಿ ನೀಡುವುದು ಮಾತ್ರ ನಮ್ಮ ಉದ್ದೇಶವಾಗಿದ್ದು, ಇದನ್ನು ವಿಜಯವಾಣಿ ವೆಬ್ಸೈಟ್ ಜವಾಬ್ದಾರರಾಗಿರುವುದಿಲ್ಲ.
12 ವರ್ಷಗಳ ಬಳಿಕ ಚಾಂಪಿಯನ್ಸ್ ಟ್ರೋಫಿ ಒಲಿಸಿಕೊಂಡ ಭಾರತ: ಕೋಚ್ ಗಂಭೀರ್-ರೋಹಿತ್ ಜೋಡಿಗೆ ಮೊದಲ ಐಸಿಸಿ ಪ್ರಶಸ್ತಿ
ಮೂರು ಸೋಲಿನ ಮುಯ್ಯಿ ತೀರಿಸಿದ ರೋಹಿತ್ ಪಡೆ: ದ್ರಾವಿಡ್, ಕುಂಬ್ಳೆ, ಸಾಲಿಗೆ ಸೇರಿದ ರಾಹುಲ್!