ವಿಶ್ವದಲ್ಲೇ ಅತ್ಯಧಿಕ ತೃಪ್ತಿ ನೀಡುವ ಉದ್ಯೋಗ ಯಾವುದು? ವಿಜ್ಞಾನಿಗಳ ಸಮೀಕ್ಷೆಯಲ್ಲಿ ಅಚ್ಚರಿ ಉತ್ತರ ಬಹಿರಂಗ! Jobs

Jobs : ಇಂದಿನ ಆಧುನಿಕ ಜಗತ್ತಿನಲ್ಲಿ ಸ್ಥಿರ ಆದಾಯ ನೀಡುವ ಉದ್ಯೋಗ ಹೊಂದಿರುವುದು ಬಹಳ ಮುಖ್ಯ. ಜೀವನ ನಡೆಸಲು ಒಂದಲ್ಲ ಒಂದು ಕೆಲಸ ಮಾಡಲೇಬೇಕು. ಕೆಲವರಿಗೆ ತಮ್ಮ ಅರ್ಹತೆಗೆ ತಕ್ಕ ಕೆಲಸ ಸಿಗುವುದಿಲ್ಲ. ಇನ್ನು ಕೆಲವರು ತಮ್ಮ ಅರ್ಹತೆ ಮೀರಿದ ಕೆಲಸ ಸಿಗುತ್ತದೆ. ಈ ಕೆಲಸಗಳು ಕೆಲವರಿಗೆ ಖುಷಿಯನ್ನು ಉಂಟು ಮಾಡಿದರೆ, ಕೆಲವರು ಅನಿವಾರ್ಯ ಕಾರಣಗಳಿಂದ ಇಷ್ಟವಿಲ್ಲದಿದ್ದರೂ ಆ ಕೆಲಸವನ್ನು ಮಾಡುತ್ತಾರೆ.

ಅಂದಹಾಗೆ, ಪ್ರತಿಯೊಬ್ಬರೂ ತಾವು ಮಾಡುವ ಕೆಲಸದಿಂದ ತೃಪ್ತರಾಗಿದ್ದಾರೆಯೇ? ಅವರು ಮಾಡುವ ಕೆಲಸಕ್ಕೆ ಅನುಗುಣವಾಗಿ ಅವರಿಗೆ ಸಂಬಳ ನೀಡಲಾಗುತ್ತದೆಯೇ? ಜಗತ್ತಿನಲ್ಲಿರುವ ಪ್ರತಿಯೊಬ್ಬರೂ ತಮ್ಮ ಕೆಲಸದಿಂದ ತೃಪ್ತರಾಗಿದ್ದಾರೆಯೇ? ಅದಕ್ಕೆ ಆಧಾರವಾಗಿರುವ ಅಂಶಗಳು ಯಾವುವು? ಈ ಎಲ್ಲ ಪ್ರಶ್ನೆಗಳಿಗೆ ಹೊಸ ಅಧ್ಯಯನವೊಂದು ಉತ್ತರ ನೀಡಿದೆ. ಯಾವ ಉದ್ಯೋಗಗಳು ಹೆಚ್ಚು ತೃಪ್ತಿಯನ್ನು ನೀಡುತ್ತವೆ ಎಂಬುದನ್ನು ನೂತನ ಸಮೀಕ್ಷೆ ಬಹಿರಂಗಪಡಿಸಿದೆ.

ಎಸ್ಟೋನಿಯಾದ ಟಾರ್ಟು ವಿಶ್ವವಿದ್ಯಾಲಯದ ಸಂಶೋಧಕರು ಈ ಅಧ್ಯಯನವನ್ನು ನಡೆಸಿದ್ದಾರೆ. 230ಕ್ಕೂ ಹೆಚ್ಚು ವಿಭಿನ್ನ ವೃತ್ತಿಗಳಲ್ಲಿ 59,000 ಜನರನ್ನು ಸಮೀಕ್ಷೆಗೆ ಒಳಪಡಿಸಲಾಯಿತು. ಇದರಲ್ಲಿ ಧಾರ್ಮಿಕ ಕಾರ್ಯಕರ್ತರು (ಪುರೋಹಿತರು, ಪಾದ್ರಿಗಳು), ಆರೋಗ್ಯ ಕಾರ್ಯಕರ್ತರು ಮತ್ತು ಬರಹಗಾರರು ತಮ್ಮ ಕೆಲಸಗಳಿಂದ ಹೆಚ್ಚು ತೃಪ್ತರಾಗಿದ್ದಾರೆ ಎಂದು ತಿಳಿದುಬಂದಿದೆ. ಇನ್ನು ಅಡುಗೆಮನೆ, ಸಾರಿಗೆ, ಶೇಖರಣಾ ಘಟಕಗಳು ಮತ್ತು ಉತ್ಪಾದನಾ ಕಾರ್ಖಾನೆಗಳಲ್ಲಿ ಕೆಲಸ ಮಾಡುವವರು ಕನಿಷ್ಠ ತೃಪ್ತರೆಂದು ಸಮೀಕ್ಷೆ ಹೇಳಿದೆ.

ಇದನ್ನೂ ಓದಿ: ಫೋನ್​ ಸ್ವಿಚ್​ ಆನ್​ ಮಾಡುತ್ತಿದ್ದಂತೆ 500 ಮಿಸ್ಡ್​ ಕಾಲ್: ದ್ರಾವಿಡ್​ ಎಚ್ಚರಿಕೆ ನೆನೆದ ವೈಭವ್​! Vaibhav Suryavanshi

ಆರೋಗ್ಯ ಕಾರ್ಯಕರ್ತರು, ಮನಶ್ಶಾಸ್ತ್ರಜ್ಞರು, ವಿಶೇಷ ಅಗತ್ಯವಿರುವ ಮಕ್ಕಳ ಶಿಕ್ಷಕರು ಮತ್ತು ಹಡಗು ಇಂಜಿನಿಯರ್‌ಗಳು ಸಹ ಹೆಚ್ಚಿನ ಕೆಲಸದ ತೃಪ್ತಿಯನ್ನು ವರದಿ ಮಾಡಿದ್ದಾರೆ. ಆದಾಗ್ಯೂ, ಭದ್ರತಾ ಸಿಬ್ಬಂದಿ, ಸಮೀಕ್ಷಾ ಕಾರ್ಯಕರ್ತರು, ಮಾಣಿಗಳು, ಮಾರಾಟಗಾರರು, ಬಡಗಿಗಳು ಮತ್ತು ರಾಸಾಯನಿಕ ಇಂಜಿನಿಯರ್‌ಗಳು ಕನಿಷ್ಠ ತೃಪ್ತರಾಗಿದ್ದಾರೆಂದು ಕಂಡುಬಂದಿದೆ.

ಆದಾಗ್ಯೂ, ಒಬ್ಬ ವ್ಯಕ್ತಿಯು ತಮ್ಮ ಕೆಲಸದಲ್ಲಿ ತೃಪ್ತನಾಗಿದ್ದಾನೆಯೇ ಎಂದು ನಿರ್ಧರಿಸುವುದು ಕೇವಲ ಸಂಬಳದ ಮೊತ್ತವಲ್ಲ. ಕೆಲಸದಲ್ಲಿ ಹೆಚ್ಚಿನ ಜವಾಬ್ದಾರಿ ಮತ್ತು ಒತ್ತಡ ಹೊಂದಿರುವವರು ದೊಡ್ಡ ಸಂಬಳ ಪಡೆದರೂ ತೃಪ್ತರಾಗುವುದಿಲ್ಲ. ಅದಕ್ಕಾಗಿಯೇ ಸಂಶೋಧಕರು ಸ್ವ-ಉದ್ಯೋಗಿಗಳ ಆದಾಯ ಕಡಿಮೆ ಇದ್ದರೂ ಹೆಚ್ಚು ತೃಪ್ತರಾಗುತ್ತಾರೆ ಎಂದು ಹೇಳಿದ್ದಾರೆ. (ಏಜೆನ್ಸೀಸ್​)

https://www.vijayavani.net/ravi-mohan-left-in-a-range-rover-and-knocked-on-kenishas-door

https://www.vijayavani.net/pm-modi-in-pearls-model-actor-ruchi-gujjars-necklace-at-cannes-2025-red-carpet-turns-head