ಆಂಧ್ರಪ್ರದೇಶ: ತಮ್ಮ ಅಭಿಮಾನಿಗಳಿಗೆ ಕೊಟ್ಟ ಮಾತಿನಂತೆ ಇದೀಗ ನೂತನವಾಗಿ ಇನ್ಸ್ಟಾಗ್ರಾಮ್ ಖಾತೆಯನ್ನು ಟಾಲಿವುಡ್ನ ಪವರ್ ಸ್ಟಾರ್ ನಟ ಪವನ್ ಕಲ್ಯಾಣ್ ತೆರೆದಿದ್ದಾರೆ.
ಇದನ್ನೂ ಓದಿ: ಚಲಿಸುತ್ತಿರುವ ಬಸ್ನಿಂದ ಕೆಳಗೆ ಬಿದ್ದ ವಿದ್ಯಾರ್ಥಿನಿ; ಪ್ರಾಣಾಪಾಯದಿಂದ ಪಾರು
ಇತ್ತೀಚೆಗಷ್ಟೇ ನಟ ಪವನ್ ಕಲ್ಯಾಣ್ ಇನ್‌ಸ್ಟಾಗ್ರಾಮ್‌ಗೆ ಪಾದಾರ್ಪಣೆ ಮಾಡಿದ್ದು, ಈ ಬಗ್ಗೆ ಅವರ ಅಭಿಮಾನಿಗಳು ಭಾರಿ ಸಂತಸವನ್ನು ವ್ಯಕ್ತಪಡಿಸಿದ್ದಾರೆ. ಈ ಹಿಂದೆ ತಮ್ಮ ಫ್ಯಾನ್ಸ್ಗೆ ಕೊಟ್ಟ ಮಾತಿನಂತೆ ನಟ ಈಗ ಸಾಮಾಜಿಕ ಜಾಲತಾಣದ ಮತ್ತೊಂದು ವೇದಿಕೆಗೆ ಕಾಲಿಟ್ಟಿದ್ದಾರೆ. ಸದ್ಯ ಹೊಸ ಖಾತೆಯಲ್ಲಿ ಯಾವುದೇ ಫೋಟೋ, ಸ್ಟೋರಿ, ರೀಲ್ಸ್ ಹಂಚಿಕೊಳ್ಳದ ಪವನ್ ಕಲ್ಯಾಣ್, ಟ್ವಿಟರ್‌ನಲ್ಲಿ ಬಳಸುವ ಪ್ರೊಫೈಲ್ ಫೋಟೋವನ್ನು ಇದಕ್ಕೆ ಹಾಕಿದ್ದಾರೆ.
ಖಾತೆ ತೆರೆದ ಮೊದಲ ದಿನವೇ ಪವನ್ ಕಲ್ಯಾಣ್ ಅವರನ್ನು 1 ಲಕ್ಷದ ಮೂರು ಸಾವಿರ ಅನುಯಾಯಿಗಳು ಆಗಿದ್ದರು. ಆದ್ರೆ, ಇಂದು ಫಾಲೋವರ್ಸ್ ಸಂಖ್ಯೆ 9 ಲಕ್ಷದ 92,000ಕ್ಕೆ ಏರಿಕೆಯಾಗಿದೆ. ಇನ್‌ಸ್ಟಾಗ್ರಾಮ್ನಲ್ಲಿ ತಮ್ಮ ಮುಂದಿನ ರಾಜಕೀಯ ನಿಲುವುಗಳು, ಚಲನಚಿತ್ರದ ಬಗ್ಗೆ ಹೊಸ ಮಾಹಿತಿಗಳ ಬಗ್ಗೆ ಅಭಿಮಾನಿಗಳೊಂದಿಗೆ ಹಂಚಿಕೊಳ್ಳಲಿದ್ದಾರೆ ಎಂದು ನಿರೀಕ್ಷಿಸಲಾಗಿದೆ.