ಬಸ್​​ ಮೇಲೆ ಏಕಾಏಕಿ ದಾಳಿ ನಡೆಸಿದ ಆನೆ, ಪ್ರಯಾಣಿಕರು ಕಂಗಾಲು..!

ಆನೆ ತನ್ನ ದಂತದಿಂದ ಬಸ್​ ಎಡಭಾಗಕ್ಕೆ ತಿವಿದು ಹಾನಿಯುಂಟು ಮಾಡುತ್ತಿರುವ , ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ. ಆಂಧ್ರಪ್ರದೇಶದ ಪಾರ್ವತಿಪುರಂನ ಮಾನ್ಯಂ ಜಿಲ್ಲೆಯ ಅರ್ಥಮ್​​ ಗ್ರಾಮದಲ್ಲಿ ಘಟನೆ ನಡೆದಿದ್ದು, ಈ ವಿಡಿಯೋ ನೆಟ್ಟಿಗರ ಹುಬ್ಬೇರಿಸಿದೆ.

ಆಕ್ರೋಶಗೊಂಡಿದ್ದ ಆನೆ ಬಸ್​​ನ ಮುಂಭಾಗದ ಗ್ಲಾಸ್​​​​​ಗೆ ತನ್ನ ಸೊಂಡಿಲಿನಿಂದ ಹೊಡೆದ ಪರಿಣಾಮ ಬಸ್​​ಮುಂಭಾಗದ ಗ್ಲಾಸ್​​ ಸಂಪೂರ್ಣವಾಗಿ ಪುಡಿ ಪುಡಿಯಾಗಿದೆ. ಇದರಿಂದ ಗಾಬರಿಗೊಂಡ ಪ್ರಯಾಣಿಕರು ಬಸ್​​​ನಿಂದ ಕೆಳಗೆ ಇಳಿದಿದ್ದಾರೆ.

ಆನೆಯು ಬಸ್​​ ಮುಂಭಾಗದ ಗ್ಲಾಸನ್ನ ಪುಡಿ ಮಾಡೋದು ಮಾತ್ರವಲ್ಲ, ಅಲ್ಲೇ ಸುತ್ತುವರೆದಿದ್ದ ಜನರನ್ನೂ ಒಂದಷ್ಟು ದೂರ ಅಟ್ಟಾಡಿಸಿಕೊಂಡು ಹೋಗಿದೆ. ಈ ವೇಳೆ ಪ್ರಯಾಣಿಜಕರು ಗಾಬರಿಯಿಂದ ಓಡುವ ದೃಶ್ಯವೂ ಕ್ಯಾಮರಾದಲ್ಲಿ ಸೆರೆಯಾಗಿದೆ.

ಅಲ್ಲದೆ ಆನೆ ಬಸ್​​ ನಿಲ್ಲಿಸಿದ ಜಾಗದಿಂದ ಸ್ವಲ್ಪ ದೂರ ತೆರಳುತ್ತಿದ್ದಂತಯೇ ಚಾಲಕ ಬಸ್​​ ರಿವರ್ಸ್​​​ ತೆಗೆದುಕೊಂಡು ಹೋಗಿದ್ದಾನೆ. ಆನೆ ತುಂಬಾ ದೂರ ಹೋದ ಬಸ್​​ ಒಳಗಿದ್ದ ಪ್ರಯಾಣಿಕರು ನಿಟ್ಟುಸಿರು ಬಿಡುವಂತಾಗಿದೆ.

ಇನ್ನು ಈ ಮಾರ್ಗದಲ್ಲಿ ನಿತ್ಯ ಸಾವಿರಾರು ವಾಹನಗಳು ಓಡಾಡುತ್ತೆ. ಎರಡ್ಮೂರು ದಿನದ ಹಿಂದೆ ರಸ್ತೆ ಮಧ್ಯೆ ನಿಂತಿದ್ದ ಆನೆ ಕಂಡು ಸರ್ಕಾರಿ ಬಸ್ ಅರ್ಧ ಗಂಟೆ ನಿಂತಲ್ಲೇ ನಿಂತಿತ್ತು. ಬೈಕ್-ಕಾರು ಸವಾರರು ಕೂಡ ನಿಂತಲ್ಲೇ ನಿಂತಿದ್ದರು. ಗಾಡಿ ರಿವರ್ಸ್ ತೆಗೆದು ಹೋಗೋದಕ್ಕೂ ಸಾಧ್ಯವಿಲ್ಲ ಅಮತಾರೆ ಜನರು.