ಗಿಟಾರ್​ನ ಹಿಮ್ಮೇಳದಲ್ಲಿ ತಮ್ಮದೇ ಧಾಟಿಯಲ್ಲಿ ಹಾಡುವ ಗಿಳಿಗಳು...

ನವದೆಹಲಿ: ನಾವೆಲ್ಲರೂ ಸಣ್ಣವರಾಗಿದ್ದಾಗ ಸಾಧು ಬಳಿ ಬೆಳೆದ ಗಿಳಿಯ ವರ್ತನೆ ಹಾಗೂ ಕಟುಕನ ಬಳಿ ಬೆಳೆದ ಗಿಳಿಯ ವರ್ತನೆ ಕುರಿತ ಕತೆಯನ್ನು ಕೇಳಿರುತ್ತೇವೆ. ಅಲ್ಲದೆ, ಗಿಳಿಗಳು ಜನರ ಮಾತು, ಹಾಡುಗಳನ್ನು ಅನುಕರಿಸುತ್ತವೆ ಎಂಬುದೂ ಗೊತ್ತಿರುವ ಸಂಗತಿ.

ಆದರೆ, ಮುಂಬೈನಲ್ಲಿ ವ್ಯಕ್ತಿಯೊಬ್ಬರು ಗಿಟಾರ್​ ನುಡಿಸಲು ಆರಂಭಿಸಿದರೆ, ಅದೆಲ್ಲಿಯೋ ಇರುವ ಗಿಳಿಗಳು ಅವರ ಮನೆಯ ಕಿಟಕಿ ಬಳಿಗೆ ಬಂದು ಗಿಟಾರ್​ನ ಹಿಮ್ಮೇಳಕ್ಕೆ ತಕ್ಕಂತೆ ಹಾಡು ಹಾಡಲಾರಂಭಿಸುತ್ತವೆ!

ಇದನ್ನೂ ಓದಿ: ಮಾತು ಕೇಳಿಲ್ಲ ಅಂದ್ರೆ ಉದ್ಧವ್​ ಕಾಕಾಗೆ ಹೇಳ್ತೇನೆ ಅಂದಿದ್ದ ಅಮ್ಮನಿಗೆ ಖುದ್ದು ಫೋನ್​ ಮಾಡಿದ ಸಿಎಂ ಠಾಕ್ರೆ!

ಈ ಗಿಳಿಗಳಿಗೆ ಯಾವುದೇ ತರಬೇತಿ ನೀಡದಿದ್ದರೂ, ಗಿಟಾರ್​ನ ಸದ್ದು ಕೇಳುತ್ತಲೇ ಕಿಟಕಿ ಬಳಿಗೆ ಹಾರಿ ಬಂದು ಹಾಡುತ್ತವೆ ಎಂದು ಜತಿನ್​ ತಾಲೂಕ್ದಾರ್​ ಎಂಬುವರು ತಮ್ಮ ಫೇಸ್​ಬುಕ್​ ಪೋಸ್ಟ್​ನಲ್ಲಿ ಬರೆದುಕೊಂಡಿದ್ದಾರೆ. ಜತೆಗೆ ಗಿಳಿಗಳು ಹಾಡುತ್ತಿರುವ ವಿಡಿಯೋ ತುಣಕನ್ನೂ ಫೇಸ್​ಬುಕ್​ನಲ್ಲಿ ಹಂಚಿಕೊಂಡಿದ್ದಾರೆ.

ಈ ಗಿಳಿಗಳಿಗೆ ತಾವು ಜಿಮ್​ ಮತ್ತು ಕೈರಿ ಎಂದು ಹೆಸರು ಇಟ್ಟಿರುವುದಾಗಿಯೂ ಹೇಳಿದ್ದಾರೆ. ಕಾಡು ಗಿಳಿಗಳು ಸಾಮಾನ್ಯವಾಗಿ ನಾಚಿಕೆಯ ಸ್ವಭಾವದವಾಗಿರುತ್ತವೆ. ಆದರೂ ಈ ಕಾಡು ಗಿಳಿಗಳು ಈಗ ತಮಗೆ ಇಷ್ಟು ಹತ್ತಿರಾಗಿರುವ ಬಗ್ಗೆ ಅವರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ.

https://www.vijayavani.net/despite-ladakh-standoff-with-china-india-continues-with-two-road-construction-project/