ದಾರುಲ್ ಉಲೂಮ್ ಹಕ್ಕಾನಿಯಾ ಪಾಕಿಸ್ತಾನದ ಜಿಹಾದಿಗಳ ವಿಶ್ವವಿದ್ಯಾಲಯ

ಅಕೋರಾ ಖಟ್ಟಕ್: ತಾಲೀಬಾನ್ ಲೀಡರ್​ಗಳಾಗಿ ಜಿಹಾದಿ ಸೇನೆಯನ್ನು ಮುನ್ನಡೆಸುತ್ತಿರುವವರ ಹೆಸರುಗಳನ್ನು ಪ್ರಕಟಿಸಿದ ಮೌಲಾನಾ ಯೂಸಫ್ ಷಾ ದೊಡ್ಡ ನಗೆ ನಕ್ಕು, ಅಫ್ಘಾನಿಸ್ತಾನದಲ್ಲಿ ಸೂಪರ್ ಪವರ್​ಗಳ ಮೇಲೆ ಅವರು ವಿಜಯ ಸಾಧಿಸಿದ್ದಾರೆ. ಎಲ್ಲರೂ ಪಾಕಿಸ್ತಾನದ ದಾರುಲ್ ಉಲೂಮ್​ ಹಕ್ಕಾನಿಯಾದ ಮಾಜಿ ವಿದ್ಯಾರ್ಥಿಗಳೆಂಬುದು ಹೆಮ್ಮೆಯ ವಿಚಾರ ಎಂದು ಘೋಷಿಸಿದ್ದಾನೆ.

ದಾರುಲ್ ಉಲೂಮ್ ಹಕ್ಕಾನಿಯಾದ ಹಳೆಯ ವಿದ್ಯಾರ್ಥಿಗಳು ಕಳೆದ 20 ವರ್ಷಗಳಿಂದ ಕಾಬೂಲ್​ ಸರ್ಕಾರದ ವಿರುದ್ಧ ಹೋರಾಟ ನಡೆಸುತ್ತಾ ಬಂದಿದ್ದಾರೆ. ಅದು ಈಗ ಮಾತುಕತೆಯ ಹಂತಕ್ಕೆ ಬಂದಿದ್ದು, ಶೀಘ್ರವೇ ಯುದ್ಧ ಅಂತ್ಯವಾಗಲಿದೆ. ರಷ್ಯಾ ಒಡೆದು ಚೂರಾಗಲು ನಮ್ಮವರೇ ಕಾರಣ. ಅಮೆರಿಕಕ್ಕೂ ನಮ್ಮವರನ್ನು ಕಳುಹಿಸಿದ್ದೇವೆ. ನಿಜಕ್ಕೂ ಇದು ಹೆಮ್ಮೆ ಎಂದು ಷಾ ಹೇಳಿಕೊಂಡಿದ್ದಾನೆ.

ಇದನ್ನೂ ಓದಿ:  ಕಾಳಿಪೂಜೆಯಲ್ಲಿ ಪಾಲ್ಗೊಂಡ ಬಾಂಗ್ಲಾ ಕ್ರಿಕೆಟಿಗ ಶಕೀಬ್ ಅಲ್ ಹಸನ್‌ಗೆ ಜೀವ ಬೆದರಿಕೆ

ಪೇಶಾವರದಿಂದ 60 ಕಿ.ಮೀ ದೂರದಲ್ಲಿ ದಾರುಲ್ ಉಲೂಮ್ ಹಕ್ಕಾನಿಯಾ ಸೆಮಿನರಿ ಇದ್ದು, ಇಲ್ಲಿ ಕಲಿತ ಬಹುತೇಕರು ಜಿಹಾದಿ ಸಂಘಟನೆಗಳ ಕಮಾಂಡರ್​ಗಳಾಗಿದ್ದಾರೆ. ಹೊರ ಜಗತ್ತಿನ ಮಟ್ಟಿಗೆ ಇದು ಜಿಹಾದಿಗಳ ವಿಶ್ವವಿದ್ಯಾಲಯವಾಗಿದ್ದು, ಉಗ್ರ ಚಟುವಟಿಕೆಗೆ ಪಾಕಿಸ್ತಾನದ ಕುಮ್ಮಕ್ಕಿಗೆ ಇಂತಹ ನಿದರ್ಶನಗಳು ಪದೇಪದೇ ಜಗತ್ತಿನೆದುರು ಅನಾವರಣಗೊಳ್ಳುತ್ತಲೇ ಇವೆ. (ಏಜೆನ್ಸೀಸ್)

https://www.vijayavani.net/crpf-alerts-troops-after-police-arrested-two-suspected-militants-from-delhi/